Плацяжы

ААТ «ААБ Беларусбанк» аказвае паслугі па прыёме плацяжоў ад фізічных асоб з дапамогай сістэмы АІС «Разлік». Банк імкнецца стварыць камфортныя ўмовы для правядзення аперацый і беражліва адносіцца да часу Кліентаў, прадастаўляючы магчымасць правесці аплату ў сістэме «Інтэрнэт-банкінг», мабільным прыкладанні «М-банкінг», устройствах самаабслугоўвання, а таксама з выкарыстаннем сервісаў «Аўтааплата» і «Пастаянна дзеючае плацежнае даручэнне».

У выпадку адсутнасці паслугі ў АІС «Разлік» правесці аплату можна пры наяўнасці ўсіх рэквізітаў, неабходных для ажыццяўлення пераводу. У гэтым выпадку ўзнагароджанне за паслугі, якія аказваюцца банкам, выплачвае плацельшчык у адпаведнасці са Зборнікам узнагароджанняў за аперацыі, якія выконваюцца ААТ «ААБ Беларусбанк», зацверджаным Праўленнем банка.

Пры ажыццяўленні плацяжоў наяўнымі грашовымі сродкамі ў касе Банка, у адпаведнасці з Правіламі ўнутранага кантролю ААТ «ААБ Беларусбанк» у сферы прадухілення легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага знішчэння, зацверджанымі Праўленнем банка, неабходна прад'явіць дакумент, які сведчыць асобу, у выпадках:

  • калi сума фiнансавай аперацыi роўная або перавышае 1000 базавых велічынь;
  • калі грашовыя сродкі залічваюцца на рахунак, адкрыты ў іншых банках (установе банка) і сума аперацыі роўная або перавышае 100 базавых велічынь.

У цяперашні час ААТ «ААБ Беларусбанк» ажыццяўляе паэтапны вывад плацяжоў за мабільную сувязь, паслугі інтэрнэт-правайдэраў з кас аддзяленняў і правядзенне гэтых відаў плацяжоў праз каналы дыстанцыйнага банкаўскага абслугоўвання.