Iльготны крэдыт маладым спецыялістам

Ільготны крэдыт маладым спецыялістам у адпаведнасці з Указам Прэзідэнта Рэспублікі Беларусь ад 27.11.2000 года № 631 «Аб дадатковых мерах па павышэнні заработнай платы і прадастаўленні льготных крэдытаў асобным катэгорыям грамадзян».

icon4Перавагі крэдыту

  • Ільготная працэнтная стаўка; 
  • Мноства зручных спосабаў пагашэння крэдыту (у тым ліку ў інфакіёсках банка, праз сістэмы Інтэрнэт і М - банкінг);
  • Афармленне крэдыту грамадзянам, якія атрымліваюць заработную плату (пенсію) ва ўстановах банка магчыма без прадастаўлення даведкі аб даходах;
  • Пагашэнне запазычанасці па крэдыце і працэнтах ажыццяўляецца па заканчэнні 6 месяцаў з дня выдачы льготнага крэдыту.
icon2Умовы

Права на атрыманне льготных крэдытаў маюць выпускнікі дзяржаўных устаноў адукацыі і ўстаноў адукацыі спажывецкай кааперацыі, якія атрымалі сярэднюю спецыяльную, вышэйшую адукацыю і прыступілі да працы па размеркаванні або накіраванні на працу (накіраваны для праходжання службы) не па месцы жыхарства бацькоў або ў раёнах, якія пацярпелі ад катастрофы на Чарнобыльскай АЭС, згодна з зацвярджаемым Урадам Рэспублікі Беларусь Пералікам тэрыторый (населеных пунктаў і іншых аб'ектаў), якія адносяцца да зон радыёактыўнага забруджвання, незалежна ад месца жыхарства бацькоў, у арганізацыях, фінансуемых з бюджэту, воінскіх часцях, Следчым камітэце, Дзяржаўным камітэце судовых экспертыз, органах унутраных спраў, органах і падраздзяленнях па надзвычайных сітуацыях, арганізацыях спажывецкай кааперацыі і сельскагаспадарчых арганізацыях. 

Максімальны памер крэдыту

  • да 15-кратнага памеру бюджэту пражытачнага мінімума ў сярэднім на душу насельніцтва, які зацверджаны на дату выдачы крэдыту;
  • тэрмінам да 5 гадоў;
  • стаўка па крэдыце - 25 % стаўкі рэфінансавання Нацыянальнага банка  Рэспублікі Беларусь;

Пачатак пагашэння крэдыту і працэнтаў за карыстанне ім - па заканчэнні  6 месяцаў з дня выдачы роўнымі долямі на працягу ўсяго перыяду пагашэння.

Ільготныя крэдыты прадастаўляюцца ў безнаяўнай форме (пералічэннем па рахунках-фактурах, дагаворах на набыццё тавараў) для набыцця тавараў айчыннай вытворчасці  - хатняй маёмасці і тавараў першай неабходнасці. У пералік набываемай хатняй маёмасці ўваходзяць мэбля, халадзільнік, тэлевізар, газавая ці электрычная пліта, пральная машына, мікрахвалевая печ, камп'ютар, манітор, пыласос, электрачайнік, кухонная машына. Крэдытаатрымальнік мае права на атрыманне льготнага крэдыту для набыцця аднаго прадмета кожнага наймення з гэтага пераліку, за выключэннем мэблі. Да тавараў першай неабходнасці адносяцца вопратка, абутак, пасцельная бялізна, коўдра, падушкі, посуд.

Ільготныя крэдыты прадастаўляюцца па спісах, зацверджаных раённымі, гарадскімі, раённымі ў гарадах, выканаўчымі і распараджальнымі органамі, на падставе хадайніцтваў арганізацый, фінансуемых з бюджэту, а таксама воінскіх часцей, Следчага камітэта, органаў унутраных спраў, органаў і падраздзяленняў па надзвычайных сітуацыях, арганізацый спажывецкай кааперацыі і сельскагаспадарчых арганізацый, у якіх працуюць (праходзяць службу) выпускнікі дзяржаўных устаноў адукацыі і ўстаноў адукацыі спажывецкай кааперацыі, якія атрымалі сярэднюю спецыяльную, вышэйшую адукацыю.

Ільготныя крэдыты прадастаўляюцца адзін раз на працягу 2-х гадоў пасля заканчэння гэтых устаноў адукацыі (выпускнікам дзяржаўных устаноў вышэйшай адукацыі, якія атрымалі вышэйшую адукацыю па профілю  «Ахова здароўя» - на працягу двух гадоў пасля праходжання інтэрнатуры (стажыроўкі)). Датай заканчэння ўстановы адукацыі лічыцца пазначаная ў дыпломе дата прысваення рэгістрацыйнага нумару.

icon3Патрабаванні да заяўніка

У якасці крэдытаатрымальнікаў (паручыцеляў) могуць выступаць дзеяздольныя фізічныя асобы - грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць і маюць крыніцу даходаў у Рэспубліцы Беларусь. 

icon1Неабходныя дакументы
  • дакумент, які сведчыць асобу Крэдытаатрымальніка і паручыцеля(ў) (для агляду і вызначэння праваздольнасці);
  • дакументы, якія пацвярджаюць даходы заяўніка (паручыцеля): даведкі (выпіска, пры ўмове залічэння даходаў на картку ва ўстановах банка);
  • згода Крэдытаатрымальніка і паручыцеляў на прадастаўленне крэдытнай справаздачы з Крэдытнага рэгістра Нацыянальнага банка.;
  • згода Крэдытаатрымальніка і паручыцеля(яў) на прадастаўленне інфармацыі аб наяўнасці звестак у інфармацыйных рэсурсах, якія знаходзяцца ў распараджэнні МУС;
  • згода Крэдытаатрымальніка і паручыцеля(яў) на прадастаўленне інфармацыі з інфармацыйнага рэсурса АРІП;
  • згода Крэдытаатрымальніка і паручыцеля(яў) на апрацоўку персанальных даных пры аказанні электроннай паслугі ААІС «Прадастаўленне звестак аб датах прыёму і звальнення застрахаванай асобы і сумах выплат, на якія налічаны страхавыя ўзносы;
  • рахункі-фактуры (дагаворы на набыццё тавараў) з пазначэннем тэрміну іх дзеяння і таго, што тавар выраблены ў Рэспубліцы Беларусь (названыя дакументы могуць прадастаўляцца пры пералічэнні крэдытных сродкаў);
  • Тэрмін дзеяння дакументаў, якія пацвярджаюць даходы – 30 каляндарных дзён пасля іх выдачы (афармлення).

Для індывідуальных прадпрымальнікаў дадаткова

  • арыгінал ліцэнзіі (пры наяўнасці)/пасведчання аб дзяржаўнай рэгістрацыі з яго копіяй;
  • звесткі аб даходах ІП за апошнія шэсць месяцаў, якія папярэднічаюць месяцу звароту за крэдытам;
  • даведка аб руху грашовых сродкаў па рахунку за апошнія шэсць месяцаў, аб наяўнасці/адсутнасці абмежаванняў па бягучым (разліковым) банкаўскім рахунку;
  • выпіска з падатковых органаў аб вылічаных і выплачаных сумах падаткаў, збораў*.

* прадастаўляецца плацельшчыкам адзінага падатку.

Для фізічных асоб, якія ажыццяўляюць рамесную, або дзейнасць, якая не патрабуе рэгістрацыі фізічнай асобы ў якасці ІП у адпаведнасці з заканадаўствам.

  • звесткі аб даходах за апошнія шэсць месяцаў, якія папярэднічаюць месяцу звароту за крэдытам;
  • паведамленне аб прысваенні УНП, устаноўленай формы падатковага органа, ліцэнзія (пры наяўнасці);
  • выпіска з даных уліку падатковых органаў і выплачаных сумах падаткаў, збораў (пошлін), пені.