КАМПЛАЕНС-ПРАВІЛЫ ААТ «ААБ БЕЛАРУСБАНК»
У ААТ «ААБ Беларусбанк» камплаенс – гэта захаванне Банкам, работнікамі Банка патрабаванняў міжнароднага, нацыянальнага заканадаўства і лакальных прававых актаў па пытаннях, што тычацца стандартаў і норм прафесійнага вядзення бізнесу, кіравання канфліктам інтарэсаў, супрацьдзеяння адмыванню грашовых сродкаў, атрыманых злачынным шляхам, і фінансаванню тэрарыстычнай дзейнасці, супрацьдзеяння магчымым карупцыйным і ашуканскім дзеянням, а таксама іншых устаноўленых камплаенс-правілаў.
Пры арганізацыі працэсаў у галіне камплаенс Банк кіруецца наступнымі прынцыпамі і падыходамі: добрасумленнасці; празрыстасці; высокай дзелавой рэпутацыі; нецярпімасці карупцыі і махлярства ў любых праявах.
У рамках стварэння паўнавартаснай сістэмы камплаенс у Банку на пастаяннай аснове праводзяцца мерапрыемствы, накіраваныя на прадухіленне і выяўленне ключавых элементаў камплаенс-рызык, а таксама прымаюцца меры рэагавання, накіраваныя на іх мінімізацыю і арганізацыю мер па супрацьдзеянні карупцыі і махлярству; вызначэнне правілаў прыняцця і дарэння падарункаў, атрыманне iншых выгад, захаванне кодэкса прафесійнай этыкі работніка банкаўскага холдынгу.
Супрацьдзеянне карупцыі і махлярству ў ААТ «ААБ Беларусбанк»
У Банку распрацавана Палітыка па супрацьдзеянні карупцыі і махлярству ў адпаведнасці з Законам Рэспублікі Беларусь «Аб барацьбе з карупцыяй», Статутам Банка, лакальнымі прававымі актамі Банка ў мэтах:
- пацвярджэння прыхільнасці Банка, яго органаў кіравання і работнікаў прынцыпам адкрытага і сумленнага вядзення бізнесу;
- прытрымлівання лепшых практык карпаратыўнага кіравання;
- імкнення да ўдасканалення карпаратыўнай культуры;
- падтрымання дзелавой рэпутацыі Банка на належным узроўні.
Палітыка накіравана на выяўленне карупцыйных рызык і рызык здзяйснення махлярства, папярэджанне карупцыі і махлярства ў дзейнасці Банка і распаўсюджваецца на ўсіх удзельнікаў банкаўскага холдынгу незалежна ад займаемай пасады, статусу і стажу іх працы.
Асноўнымі задачамі рэалізацыі Палітыкі з'яўляюцца:
- стварэнне (удасканаленне) сістэмы і механізмаў супрацьдзеяння любым формам і праявам карупцыі і махлярства;
- прыняцце мер, накіраваных на супрацьдзеянне карупцыі і махлярству, устараненне прычын і ўмоў, якія спараджаюць карупцыю і махлярства;
- інфармаванне работнікаў Банка аб патрабаваннях антыкарупцыйнага заканадаўства, прымаемых мерах па супрацьдзеянні карупцыі і махлярству;
- мінімізацыя рызыкі ўцягвання Банка, членаў органаў кіравання і работнікаў (незалежна ад займаемай пасады) у махлярскую і карупцыйную дзейнасць;
- садзейнічанне ў забеспячэнні празрыстасці фінансава-гаспадарчай дзейнасці Банка ў цэлым;
- своечасовае выяўленне карупцыйных рызык, рызык здзяйснення махлярства і мер па іх нейтралізацыі.
Асобы, вінаватыя ў парушэнні ўстаноўленых патрабаванняў, могуць быць прыцягнуты да дысцыплінарнай, матэрыяльнай і іншай адказнасці ў адпаведнасці з заканадаўствам.
Дарэнне і прыняцце маёмасці (падарункаў) у ААТ «ААБ Беларусбанк», прадпрыемствах банкаўскага холдынгу
У адпаведнасці з Законам Рэспублікі Беларусь «Аб барацьбе з карупцыяй» у Банку распрацаваны Правілы дарэння і прыняцця маёмасці (падарункаў) у ААТ «ААБ Беларусбанк», прадпрыемствах банкаўскага холдынгу (далей – Правілы).
Устаноўленыя Правілы вызначаюць дзеянні работнікаў пры:
- атрыманні ад кліентаў, іншых дзелавых партнёраў і асоб маёмасці (падарункаў), у тым ліку атрыманых пры правядзенні пратакольнага і іншага афіцыйнага мерапрыемства, іншай выгады;
- пры дарэнні кліентам, дзелавым партнёрам і іншым асобам падарункаў.
Работнікам забараняецца:
- прымаць у сувязі з выкананнем працоўных абавязкаў маёмасць або атрымліваць іншую выгаду, за выключэннем выпадкаў прыняцця падарункаў, атрыманых пры правядзенні пратакольных і іншых афіцыйных мерапрыемстваў, кошт кожнага з якіх не перавышае дваццацікратны памер базавай велічыні на дату атрымання такога падарунка, кветак;
- прымаць падарункі пры правядзенні пратакольных і іншых афіцыйных мерапрыемстваў незалежна ад сумы, у выпадку калі названае дзеянне:
- парушае нормы дзеючага заканадаўства і лакальных прававых актаў;
- не адпавядае нормам дзелавога этыкету;
- можа негатыўна адбіцца на іміджы і дзелавой рэпутацыі банка, прадпрыемства банкаўскага холдынгу і яго работнікаў;
- можа быць расцэнена ў якасці аплаты за выкананне/невыкананне работнікам сваіх службовых абавязкаў;
- звязана з атрыманнем падарункаў у выглядзе грашовых сродкаў, ювелірных вырабаў, прадметаў раскошы і іншага, што можа быць расцэнена ў якасці подкупу.
Недапушчальна дарыць падарункі ад імя банка, прадпрыемстваў банкаўскага холдынгу:
- за кошт асабістых сродкаў работнікаў;
- якія па звестках дарыцеля забаронены ў арганізацыі атрымальніку;
- мужу (жонцы), блізкім родным, сваякам кліентаў і іншых дзелавых партнёраў;
- у выпадку, калі гэта парушае нормы дзеючага заканадаўства і лакальных прававых актаў.
Прафесійная этыка ў ААТ «ААБ Беларусбанк»
У Банку распрацаваны Кодэкс прафесійнай этыкі работніка банкаўскага холдынгу, які вызначае асноўныя карпаратыўныя каштоўнасці (стыль працы, характар узаемаадносін, нацэленасць на рэалізацыю агульных задач), этычныя нормы і правілы прафесійных паводзін работніка банкаўскага холдынгу, галаўной арганізацыяй якога з'яўляецца ААТ «ААБ Беларусбанк».
Захаванне карпаратыўных каштоўнасцяў банкаўскага холдынгу, этычных норм і правілаў прафесійных паводзін, службовай этыкі і этыкету, устаноўленых Кодэксам, з'яўляецца абавязковым для ўсіх работнікаў.
Увага да кліента - адзін з асноўных прынцыпаў працы банкаўскага холдынгу. Прафесійны абавязак работніка банкаўскага холдынгу - забяспечыць высокія стандарты абслугоўвання кліентаў.
Вырашальнымі фактарамі ў стварэнні належнай рэпутацыі банкаўскага холдынгу ў вачах акцыянераў, інвестараў і кліентаў з'яўляюцца высокая кампетэнтнасць і бездакорныя маральныя паводзіны работнікаў, уменне граматна і своечасова, на ўзаемавыгадных умовах, вырашаць прафесійныя пытанні.
У банкаўскім холдынгу высока цэняцца арганізаванасць і стараннасць, творчы падыход да справы, уменне ў любой сітуацыі праяўляць узаемную павагу, карэктнасць, ураўнаважанасць. Агульнапрынятым у банкаўскім холдынгу з'яўляецца строгі, стрыманы стыль дзелавых зносін.
У банкаўскім холдынгу:
- паважаюць меркаванне іншых, асабістую годнасць, прыватнае жыццё і правы чалавека;
- не дапускаецца дыскрымінацыя ў адносінах да нацыянальнасці чалавека, яго культуры, рэлігіі, полу, узросту, фізічных недахопаў.
Прыярытэтныя карпаратыўныя кампетэнцыі работнікаў Банка – кліентаарыентаванасць, праца ў камандзе, адказнасць за вынікі дзейнасці - работнікі Банка рэалізуюць на аснове карпаратыўных каштоўнасцяў, устаноўленых Кодэксам: сумленнасць, выкананне абавязацельстваў, лаяльнасць, прафесіяналізм, ініцыятыўнасць.
Асноўны капітал банкаўскага холдынгу – людзі, згуртаваны, шматтысячны калектыў прафесіяналаў, аб'яднаных адзінай мэтай, агульнай карпаратыўнай культурай, імкненнем і жаданнем працаваць у імя інтарэсаў банкаўскага холдынгу.
Сістэма канфідэнцыяльнага інфармавання
Канфідэнцыяльнае інфармаванне можна абазначыць як працэс, у рамках якога работнік арганізацыі выказвае падазрэнні аб магчымых фактах махлярства, злачынства, небяспекі або сур'ёзнай рызыкі, што падвяргаюць небяспецы кліентаў, калег, акцыянераў, грамадскасць або ўласную рэпутацыю дадзенай арганізацыі.
Сістэма канфідэнцыяльнага інфармавання (далей – СКІ) прадстаўляе сабой комплекс арганізацыйных мер і тэхнічных сродкаў, якія забяспечваюць магчымасць работнікам Банка, прадпрыемстваў банкаўскага холдынгу, контрагентам і іншым асобам, з дапамогай выкарыстання каналаў сувязі паведамляць аб вядомых ім фактах парушэнняў заканадаўства і лакальных прававых актаў, карупцыі, махлярства і іншых правапарушэнняў, учыненых работнікамі Банка, прадпрыемстваў банкаўскага холдынгу пры выкананні імі сваіх службовых абавязкаў, іншымі асобамі пры здзяйсненні супрацьпраўных дзеянняў у дачыненні да інтарэсаў Банка. У мэтах замацавання працэдур СКІ ў Банку распрацавана Палажэнне аб сістэме канфідэнцыяльнага інфармавання ў ААТ «ААБ Беларусбанк» і на прадпрыемствах банкаўскага холдынгу.
Для канфідэнцыяльнага інфармавання Банк прадастаўляе каналы сувязі, з якіх крыніца інфармацыі выбірае найбольш зручны для сябе. Каналы сувязі забяспечваюць канфідэнцыяльнасць і ананімнасць крыніцы інфармацыі. Інфармацыя пра функцыянаванне Сістэмы размяшчаецца на карпаратыўным сайце Банка.
Работнікі Банка і прадпрыемстваў банкаўскага холдынгу нясуць адказнасць за неналежнае выкананне патрабаванняў, устаноўленых Палажэннем аб СКІ, а таксама за раскрыццё звестак, якія сталі вядомымі падчас правядзення праверак, што дазваляюць устанавіць асобу крыніцы інфармацыі і даныя аб ёй і якія не падлягаюць выдаванню.
Прадухіленне легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння (далей – ПAД/ФТ)
Усведамляючы важнасць і асаблівую значнасць ажыццяўляемай ва ўсім цывілізаваным свеце палітыкі па супрацьдзеянні легалізацыі злачынных даходаў, а таксама ўлічваючы пагрозу, якая мае дачыненне да ўсёй сусветнай супольнасці, ад тэрарыстычных і звязаных з імі арганізацый, у ААТ «ААБ Беларусбанк» (далей – Банк) распрацавана і ўкаранёна сістэма ўнутранага кантролю па супрацьдзеянні легалізацыі (адмыванні) даходаў, атрыманых злачынным ўляхам, і фінансаванні тэрарызму (далей – Сістэма), заснаваная на прынцыпе ўдзелу ўсіх супрацоўнікаў Банка, незалежна ад займаемай пасады ў рамках іх кампетэнцыі і накіраванай на прадухіленне аперацый і здзелак, якія прама або ўскосна звязаны з адмываннем даходаў, атрыманых ад злачыннай дзейнасці, а таксама выключэнню магчымасці правядзення аперацый, звязаных з фінансаваннем тэрарыстычнай дзейнасці.
Гэта Сістэма арганізавана ў строгай адпаведнасці з патрабаваннямі дзеючага заканадаўства, а таксама на аснове рэкамендацый і патрабаванняў, распрацаваных у гэтай галіне агульнапрынятымі міжнароднымі арганізацыямі.
Банк з асцярожнасцю ставіцца да выбару і фарміраванння сваёй кліенцкай базы, уважліва вывучае сваіх кліентаў, інтарэсы і сферы іх дзейнасці і імкнецца да ўсталявання ўзаемаадносін, заснаваных на празрыстасці і разуменні бізнесу і аперацый кліентаў.
Унутраны кантроль ажыццяўляецца з улікам рызыка-арыентаванага падыходу, які прадугледжвае распрацоўку і рэалізацыю Банкам працэдур кіравання рызыкамі, звязанымі з легалізацыяй даходаў, атрыманых злачынным шляхам, і фінансаваннем тэрарыстычнай дзейнасці, закліканых паставіць надзейны бар’ер адмыванню даходаў, атрыманых злачынным шляхам, і фінансаванню тэрарызму.
У мэтах зніжэння верагоднасці ўзнікнення ў Банка такіх рызык, а таксама для абароны Банка ад пранікнення ў яго дзейнасць даходаў, атрыманых злачынным шляхам, Банкам распрацаваны Правілы ўнутранага кантролю ААТ «ААБ Беларусбанк» у сферы прадухілення легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння (далей па тексце – Правілы ўнутранага кантролю).
Правілы ўнутранага кантролю з’яўляюцца комплексным дакументам Банка, які рэгламентуе яго дзейнасць па ПАД/ФТ і ўтрымлівае апісанне сукупнасці прымаемых Банкам мер і прадпрымаемых працэдур, вызначаных праграмамі ажыццяўлення ўнутранага кантролю і кіравання рызыкай у мэтах ПАД/ФТ.
Выснова:
Высокая дзелавая рэпутацыя з'яўляецца адным з асноўных прыярытэтаў Банка. У сувязі з гэтым Банк устанаўлівае строгую забарону для любых асоб, якія дзейнічаюць ад імя Банка або ў яго інтарэсах, прама або ўскосна, асабіста або праз пасрэдніцтва, удзельнічаць у карупцыйных дзеяннях не залежна ад практыкі вядзення бізнесу ў той ці іншай краіне. Пры ажыццяўленні сваёй дзейнасці Банк добрасумленна ставіцца да кліентаў, контрагентаў і партнёраў, раскрывае інфармацыю аб сваёй дзейнасці на фінансавым і таварным рынках у адпаведнасці з патрабаваннямі заканадаўства.
Усе работнікі Банка няўхільна выконваюць патрабаванні заканадаўства, лакальных і распарадчых дакументаў Банка не залежна ад займаемай пасады, тэрміну працы, статусу, іншых узаемаадносін з Банкам.
Банк прыкладае намаганні для прыцягнення да адказнасці за карупцыйныя дзеянні і іншыя наўмысныя парушэнні заканадаўства, міжнароднага заканадаўства (пры ажыццяўленні дзейнасці за межамі Рэспублікі Беларусь – замежнага заканадаўства), лакальных і распарадчых дакументаў Банка ў галіне камплаенс, не залежна ад памеру і формы парушэнняў.