Iльготны крэдыт маладым спецыялістам

Ільготны крэдыт маладым спецыялістам у адпаведнасці з Указам Прэзідэнта Рэспублікі Беларусь ад 27.11.2000 года № 631 «Аб дадатковых мерах па павышэнні заработнай платы і прадастаўленні льготных крэдытаў асобным катэгорыям грамадзян».

ПЕРАВАГІ КРЭДЫТУ

  • Ільготная працэнтная стаўка; 
  • Мноства зручных спосабаў пагашэння крэдыту (у тым ліку ў інфакіёсках банка, праз сістэмы Інтэрнэт і М - банкінг);
  • Афармленне крэдыту грамадзянам, якія атрымліваюць заработную плату (пенсію) ва ўстановах банка магчыма без прадастаўлення даведкі аб даходах;
  • Пагашэнне запазычанасці па крэдыце і працэнтах ажыццяўляецца па заканчэнні 6 месяцаў з дня выдачы льготнага крэдыту.

УМОВЫ

Права на атрыманне льготных крэдытаў маюць выпускнікі дзяржаўных устаноў адукацыі і ўстаноў адукацыі спажывецкай кааперацыі, якія атрымалі сярэднюю спецыяльную, вышэйшую адукацыю і прыступілі да працы па размеркаванні або накіраванні на працу (накіраваны для праходжання службы) не па месцы жыхарства бацькоў або ў раёнах, якія пацярпелі ад катастрофы на Чарнобыльскай АЭС, згодна з зацвярджаемым Урадам Рэспублікі Беларусь Пералікам тэрыторый (населеных пунктаў і іншых аб'ектаў), якія адносяцца да зон радыёактыўнага забруджвання, незалежна ад месца жыхарства бацькоў, у арганізацыях, фінансуемых з бюджэту, воінскіх часцях, Следчым камітэце, Дзяржаўным камітэце судовых экспертыз, органах унутраных спраў, органах і падраздзяленнях па надзвычайных сітуацыях, арганізацыях спажывецкай кааперацыі і сельскагаспадарчых арганізацыях. 

Максімальны памер крэдыту

  • да 15-кратнага памеру бюджэту пражытачнага мінімума ў сярэднім на душу насельніцтва, які зацверджаны на дату выдачы крэдыту;
  • тэрмінам да 5 гадоў;
  • стаўка па крэдыце - 25 % стаўкі рэфінансавання Нацыянальнага банка  Рэспублікі Беларусь;

Пачатак пагашэння крэдыту і працэнтаў за карыстанне ім - па заканчэнні  6 месяцаў з дня выдачы роўнымі долямі на працягу ўсяго перыяду пагашэння.

Ільготныя крэдыты прадастаўляюцца ў безнаяўнай форме (пералічэннем па рахунках-фактурах, дагаворах на набыццё тавараў) для набыцця тавараў айчыннай вытворчасці  - хатняй маёмасці і тавараў першай неабходнасці. У пералік набываемай хатняй маёмасці ўваходзяць мэбля, халадзільнік, тэлевізар, газавая ці электрычная пліта, пральная машына, мікрахвалевая печ, камп'ютар, манітор, пыласос, электрачайнік, кухонная машына. Крэдытаатрымальнік мае права на атрыманне льготнага крэдыту для набыцця аднаго прадмета кожнага наймення з гэтага пераліку, за выключэннем мэблі. Да тавараў першай неабходнасці адносяцца вопратка, абутак, пасцельная бялізна, коўдра, падушкі, посуд.

Ільготныя крэдыты прадастаўляюцца па спісах, зацверджаных раённымі, гарадскімі, раённымі ў гарадах, выканаўчымі і распараджальнымі органамі, на падставе хадайніцтваў арганізацый, фінансуемых з бюджэту, а таксама воінскіх часцей, Следчага камітэта, органаў унутраных спраў, органаў і падраздзяленняў па надзвычайных сітуацыях, арганізацый спажывецкай кааперацыі і сельскагаспадарчых арганізацый, у якіх працуюць (праходзяць службу) выпускнікі дзяржаўных устаноў адукацыі і ўстаноў адукацыі спажывецкай кааперацыі, якія атрымалі сярэднюю спецыяльную, вышэйшую адукацыю.

Ільготныя крэдыты прадастаўляюцца адзін раз на працягу 2-х гадоў пасля заканчэння гэтых устаноў адукацыі (выпускнікам дзяржаўных устаноў вышэйшай адукацыі, якія атрымалі вышэйшую адукацыю па профілю  «Ахова здароўя» - на працягу двух гадоў пасля праходжання інтэрнатуры (стажыроўкі)). Датай заканчэння ўстановы адукацыі лічыцца пазначаная ў дыпломе дата прысваення рэгістрацыйнага нумару.


У якасці крэдытаатрымальнікаў (паручыцеляў) могуць выступаць дзеяздольныя фізічныя асобы - грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць і маюць  пастаянную крыніцу даходаў у Рэспубліцы Беларусь. 


  • копія дакумента, які сведчыць асобу Крэдытаатрымальніка (паручыцеля (пры выбары спосабу забеспячэння па крэдыце - паручыцельства фізічных асоб)), з прад'яўленнем арыгінала такога дакумента;
  • даведкі аб даходах фізічнай асобы для атрымання крэдыту, афармлення паручыцельства [1];
  • згода Заяўніка на прадастаўленне крэдытнай справаздачы з Крэдытнага рэгістра Нацыянальнага банка Рэспублікі Беларусь. Згода на прадастаўленне крэдытнай справаздачы можа быць аформлена Заяўнікам у Нацыянальным банку Рэспублікі Беларусь. У дадзеным выпадку крэдытная справаздача з Крэдытнага рэгістра Нацыянальнага банка Рэспублікі Беларусь прадастаўляецца Заяўнікам у Банк самастойна;
  • згода крэдытаатрымальніка і паручыцеля(ў) на прадастаўленне Банку звестак аб ім Нацыянальным банкам Рэспублікі Беларусь і на праверку Банкам яго персанальных даных і іншай прадстаўленай інфармацыі.

[1] «Тэрмін дзеяння даведак - 30 каляндарных дзён пасля іх выдачы. Датай выдачы лічыцца ўказаная на даведцы дата рэгістрацыі прадпрыемства (арганізацыі), якое выдала такую даведку».

Індывідуальныя прадпрымальнікі дадаткова прадастаўляюць наступныя дакументы*:

  • копіі пасведчання аб дзяржаўнай рэгістрацыі, ліцэнзіі (пры наяўнасці), з прад'яўленнем арыгіналаў;
  • звесткі аб даходах індывідуальнага прадпрымальніка;
  • даведка абслугоўваючага банка аб руху грашовых сродкаў па бягучым рахунку за апошнія тры месяцы, аб наяўнасці картатэкі да бягучага рахунку (даведка не прадстаўляецца ў выпадку, калі індывідуальны прадпрымальнік працуе без адкрыцця рахунку; пры наяўнасці рахунку ва ўстанове Банка, па даручэнні Заяўніка можа быць запытана выпіска з бягучага рахунку за тры апошнія месяцы, якія папярэднічаюць месяцу звароту па крэдыт);
  • выпіска з даных улiку падатковых органаў аб вылічаных і выплачаных сумах падаткаў, збораў (пошлін), пенi (выпіска даецца індывідуальным прадпрымальнікам, якія з'яўляюцца плацельшчыкамі адзінага падатку).

* Для вызначэння крэдытаздольнасці індывідуальнага прадпрымальніка, затрат на вядзенне бізнесу і іншых паказчыкаў банк можа запытаць прадстаўлення падатковай дэкларацыі (разліку) за апошні справаздачны перыяд, уліковых форм вядзення ўліку даходаў, расходаў і гаспадарчых аперацый, плацежных i iншых дакументаў.