Крэдыт на будаўніцтва (рэканструкцыю) жылля

У цяперашні час крэдыты прадастаўляюцца банкам толькі для дакрэдытавання грамадзян, якія заключылі крэдытныя дагаворы на будаўніцтва (рэканструкцыю) і набыццё жылых памяшканняў з дзяржпадтрымкай у ААТ «ААБ Беларусбанк».

finance-house2

icon-big-1

да 20 гадоў
Тэрмін крэдыту

icon-5

18,27 %
Стаўка

Патрабаванні да заяўніка

Крэдыт прадастаўляецца

  • на будаўніцтва жылля ў шматкватэрных і блакіраваных жылых дамах, будаўніцтва (рэканструкцыю) аднакватэрных жылых дамоў, рэканструкцыю жылых памяшканняў;*
  • на будаўніцтва жылля шляхам набыцця жыллёвых аблігацый
* Памер крэдыту не павінен перавышаць 90% кошту будаўніцтва (рэканструкцыі) жылля. Сукупны памер прадастаўляемага  крэдыту і крэдыту (аднаразовай субсідыі) на будаўніцтва (рэканструкцыю) або набыццё жылога памяшкання ў адпаведнасці з указамі Прэзідэнта Рэспублікі Беларусь не павінен перавышаць 100 % кошту будаўніцтва (рэканструкцыі) або набыцця жылога памяшкання.

Перавагі крэдыту

  • магчымасць пагашэння крэдыту з дапамогай інфакіёска, у сістэме АРІП, Інтэрнэт - і М-банкінгу, Аўтааплаты
  • магчымасць датэрміновага пагашэння крэдыту без спагнання штрафных санкцый
  • без даведкі аб даходах, калі вы атрымліваеце заработную плату (пенсію) ва ўстановах банка

Забеспячэнне

Забеспячэнне выканання абавязацельстваў крэдытаатрымальнікам

    • пры прадастаўленні крэдыту ў памеры, які не перавышае 100 тыс. руб. — паручыцельства, заклад (іпатэка) нерухомай маёмасці, не абцяжаранага правамі трэціх асоб і арыштамі, і іншыя спосабы, прадугледжаныя заканадаўствам РБ, акрамя закладу рухомай маёмасці, няўстойкі і страхавання рызыкі невяртання крэдыту;
    • пры прадастаўленні крэдыту ў памеры звыш 100 тыс. руб. —  паручыцельства і заклад (іпатэка) пабудаванага (рэканструяванага) з прыцягненнем крэдыту жылога памяшкання, не абцяжаранага правамі трэціх асоб і арыштамі.

Умовы

  • стаўка рэфінансавання НБ РБ + абсалютнае значэнне1
  • памер крэдыту да 90% кошту будаўніцтва (рэканструкцыі) жылля або намінальнага кошту жыллёвых аблігацый у межах плацежаздольнасці крэдытаатрымальніка;
  • крэдыт выдаецца на працягу 30 каляндарных дзён пасля падачы заявы крэдытаатрымальнікам аб пералічэнні сродкаў і дакументаў для аплаты;
  • правядзенне ацэнкі плацежаздольнасці кліента, які атрымлівае фінансавую дапамогу ад дзяржавы на пагашэнне іншых крэдытаў з улікам яе штомесячнага памеру;
  • паручыцелямі могуць быць дзеяздольныя грамадзяне Беларусі і іншых дзяржаў, якія пражываюць і маюць пастаянную крыніцу даходаў у нашай краіне;
  • грамадзянам, якія дасягнулі агульнаўстаноўленага пенсіённага ўзросту, крэдыты прадастаўляюцца:

* пры прадастаўленні паручыцельстваў фізічных асоб з ліку членаў сям’і, блізкіх сваякоў, якія не дасягнулі агульнаўстаноўленага пенсіённага ўзросту,

* зыходзячы з памеру пенсіі або пры ажыццяўленні імі працоўнай дзейнасці – зыходзячы з памеру сярэднямесячнага даходу ад працоўнай дзейнасці за апошнія тры месяцы.

[1] Абсалютнае значэнне – фіксаваная розніца паміж значэннем разліковай велічыні стандартнай рызыкі, устаноўленай НБ РБ для крэдытаў фізічным асобам, публікуемай на афіцыйным сайце НБ РБ, і стаўкай рэфінансавання НБ РБ, якія дзейнічаюць на дату заключэння крэдытнага дагавору.

Умовы пагашэння асноўнага доўгу

  • пры будаўніцтве жылля ў шматкватэрных дамах — пасля заканчэння 18 месяцаў, наступных за месяцам прыёмкі нерухомасці, але не пазней за папярэдні месяц, калі заканчваюцца 3 гады з моманту заключэння дагавору;
  • пры будаўніцтве (рэканстркцыі) аднакватэрных дамоў, будаўніцтве жылля ў блакіраваных дамах, рэканструкцыі жылля — па заканчэнні 18 месяцаў пасля прыёмкі нерухомасці ў эксплуатацыю, але не пазней чым праз чатыры гады пасля заключэння крэдытнага дагавору.

Парадак выплаты працэнтаў за карыстанне крэдытам:

  • за фактычны час карыстання крэдытам;
  • у адпаведнасці з графікам пагашэння запазычанасці па крэдыце і працэнтах, разлічаных зыходзячы з астатку запазычанасці на першае чысло кожнага месяца.

Неабходныя дакументы

  • Дакумент, які сведчыць асобу заяўніка (паручыцеля).
  • Дакументы, якія пацвярджаюць даходы заяўніка (паручыцеля): даведкі* або выпіска пры ўмове залічэння даходаў на картку ва ўстановах банка.

* Тэрмін дзеяння даведак — 30 каляндарных дзён пасля выдачы.

Пры будаўніцтве аднакватэрнага дома, жылых памяшканняў у блакіраваным доме за выключэннем дамоў, якія будуюцца на ўмовах долевага ўдзелу, у складзе забудоўшчыкаў:

  • пасведчанне аб дзяржаўнай рэгістрацыі зямельнага ўчастка або іншы дакумент, які сведчыць права на зямельны ўчастак (копія і арыгінал для агляду);
  • даведка аб кошце будаўніцтва аднакватэрнага жылога дома (жылога(ых) памяшкання(ў) у блакіраваным жылым доме) у бягучых цэнах, астаткавым кошце ў бягучых цэнах, а таксама тэхніка-эканамічных паказчыках жылога памяшкання (агульная плошча, будаўнічы аб'ём, колькасць пакояў, паверхаў і да т. п.);
  • пры ажыццяўленні будаўніцтва падрадным спосабам - дагавор будаўнічага падраду, заключанага на будаўніцтва аб'екта «пад ключ», або на выкананне асобных этапаў работ (копія дагавору і арыгінал для агляду).

Пры рэканструкцыі аднакватэрнага жылога дома, (жылых памяшканняў у блакіраваным доме), рэканструкцыі жылога памяшкання:

  • Пасведчанне аб дзяржрэгістрацыі і тэхпашпарт. У выпадку, калі памяшканне не аформлена ва ўласнасць, прадастаўляецца ордар.
  • Даведка аб выдатках на рэканструкцыю жылля з пазначэннем пераліку будучых работ, сметнага, астаткавага кошту, тэхніка-эканамічных паказчыкаў пасля рэканструкцыі (агульная плошча, будаўнічы аб’ём, колькасць пакояў, паверхаў і да т. п.).
  • Дагавор падраду на рэканструкцыю аб’екта «пад ключ» або выкананне асобных работ.

Пры будаўніцтве жылых памяшканняў у шматкватэрных дамах забудоўшчыкаў:

  • пасведчанне аб дзяржаўнай рэгістрацыі і тэхнічны пашпарт, калі жылое памяшканне знаходзіцца ва ўласнасці Заяўніка, або ордар, калі жылое памяшканне не аформлена ва ўласнасць, або іншыя дакументы (копія і арыгінал для агляду);
  • даведка аб кошце рэканструкцыі аднакватэрнага жылога дома, (жылога(ых) памяшкання(ў) у блакіраваным жылым доме, рэканструкцыі жылога памяшкання) у бягучых цэнах з пазначэннем пераліку будучых работ, іх сметнага і астаткавага кошту ў бягучых цэнах, а таксама тэхніка-эканамічных паказчыкаў жылога памяшкання (агульная плошча, будаўнічы аб’ём, колькасць пакояў, паверхаў і да т. п.) пасля рэканструкцыі;
  • пры ажыццяўленні рэканструкцыі падрадным спосабам – дагавор будаўнічага падраду, заключаны на рэканструкцыю аб’екта «пад ключ», або на выкананне асобных этапаў работ (копія дагавору і арыгінал для агляду).

Пры будаўніцтве аднакватэрнага жылога дома (жылых памяшканняў у блакіраваным доме) у складзе арганізацыі забудоўшчыкаў:

  • дагавор будаўніцтва аднакватэрнага жылога дома, (жылога(ых) памяшкання(ў) у блакіраваным жылым доме) у складзе арганізацыі забудоўшчыкаў, заключаны на імя Крэдытаатрымальніка (копія дагавору і арыгінал для агляду);
  • графік будаўніцтва аб’екта і звесткі аб зямельным участку, на якім будзе размешчаны аднакватэрны, блакіраваны жылы дом і (або) іншыя аб’екты нерухомасці (копія і арыгінал для агляду);
  • даведка органа кіравання арганізацыі забудоўшчыкаў аб уключэнні Заяўніка ў члены арганізацыі забудоўшчыкаў, аб прыкладным сметным кошце аднакватэрнага жылога дома, (жылога(ых) памяшкання(ў) у блакіраваным жылым доме), тэхнічных характарыстыках, памеры ўнесеных сродкаў, памеры чарговага ўзносу, тэрміне заканчэння будаўніцтва, з пазначэннем рэквізітаў і рахунку арганізацыі забудоўшчыкаў, даце выдачы і рэгістрацыйным нумары дазволу на будаўніцтва жылога дома, даце і рэгістрацыйным нумары заключанага дагавору падраду.

пры будаўніцтве жылога(ых) памяшкання(ў) у шматкватэрных жылых дамах, аднакватэрнага жылога дома, жылога(ых)  памяшкання(ў) у блакіраваным жылым доме на ўмовах долевага ўдзелу:

  • дагавор стварэння аб’екта долевага будаўніцтва, зарэгістраваны ва ўстаноўленым парадку мясцовымі выканаўчымі і распараджальнымі органамі (копія дагавору і арыгінал для агляду);
  • даведка ўдзельніка будаўніцтва жылога памяшкання.

Пры будаўніцтве жылых памяшканняў шляхам набыцця жыллёвых аблігацый:

  • дагавор (пагадненне) на будаўніцтва жылога памяшкання шляхам набыцця жыллёвых аблігацый, заключаны з эмітэнтам жыллёвых аблігацый (копія дагавору і арыгінал для агляду).

Дакументы, якія прадастаўляюцца пры забеспячэнні выканання абавязацельстваў па крэдыце закладам (іпатэкай) нерухомай маёмасці

  • выпіска з Адзінага дзяржаўнага рэгістра нерухомай маёмасці, правоў на яе і здзелак з ёй аб адсутнасці абцяжарання правамі трэціх асоб і арыштаў на прадмет закладу
  • абавязковая незалежная ацэнка кошту прадмета закладу (не прадастаўляецца ў выпадках прадастаўлення ў заклад (іпатэку) будуемага (пабудаванага), рэканструюемага (рэканструяванага), набываемага (набытага) з прыцягненнем крэдыту жылога памяшкання).

Пры прадастаўленні ў заклад (іпатэку) аднакватэрнага жылога дома з адначасовай іпатэкай па тым жа дагаворы зямельнага ўчастка, на якім ён знаходзіцца, або часткі гэтага ўчастка, якая функцыянальна забяспечвае закладваемы аб’ект, або належнага заклададаўцу права арэнды гэтага ўчастка або яго адпаведнай часткі – у выніках ацэнкі павінен быць выдзелены кошт зямельнага ўчастка (права арэнды зямельнага ўчастка).

Для індывідуальных прадпрымальнікаў дадаткова

  • Арыгінал ліцэнзіі/пасведчання аб дзяржаўнай рэгістрацыі + копія.
  • Звесткі аб даходах ІП.
  • Даведка аб руху сродкаў па рахунку за апошнія тры месяцы, аб наяўнасці картатэкі.
  • Падатковая дэкларацыя прадстаўляецца, калі індывідуальны прадпрымальнік працуе без адкрыцця рахунку або пры адсутнасці атрымання грашовых сродкаў на яго.

Нашы партнёры