Часта задаваемыя пытанні

1. Якія аблігацыі прадаюцца праз Інтэрнэт-банкінг?

У сістэме «Інтэрнэт-банкінг» ААТ «ААБ Беларусбанк» размяшчаюцца эмітаваныя ў бездакументарнай форме Інтэрнэт-аблігацыі ААТ «ААБ Беларусбанк», а таксама карпаратыўных эмітэнтаў, з якімі банкам заключаны адпаведны дагавор. Асаблівасць Інтэрнэт-аблігацый у тым, што яны не друкуюцца на спецыяльных бланках і не выдаюцца на рукі інвестару (пакупніку), а залічваюцца на спецыялізаваны рахунак інвестара - рахунак «дэпо» (па аналогіі з безнаяўнымі грашыма). Таму для набыцця такіх аблігацый няма неабходнасці наведваць аддзяленне банка. Аперацыю можна здзейсніць, не выходзячы з дому.

2. Калі ў мяне не будзе на руках папяровых абліацый, то што будзе з’яўляцца пацвярджэннем таго, што яны ў мяне ёсць?

У адпаведнасці з заканадаўствам пацвярджэннем права ўласнасці на бездакументарную каштоўную паперу з’яўляецца выпіска па рахунку «дэпо» - спецыяльным рахунку, прызначаным для ўліку правоў на бездакументарныя каштоўныя паперы. Пасля набыцця аблігацый яны будуць залічаны на Ваш рахунак «дэпо». Праглядзець стан Вашага рахунку «дэпо» можна ў сістэме «Інтэрнэт-банкінг» ва ўкладцы «Счета» → «Ценные бумаги» → «Счет «депо»». У любым дэпазітарным офісе банка пры неабходнасці можна атрымаць завераную выпіску на папяровым носьбіце. 

3. Ці магу я купіць Інтэрнэт-аблігацыі, калі ў мяне няма рахунку «дэпо»?

У выпадку, калі ў Вас адсутнічае дзеючы рахунак «дэпо» ў дэпазітарыі ААТ «ААБ Беларусбанк», ён будзе адкрыты Вам аўтаматычна і бясплатна пасля здзяйснення аперацыі па набыцці Інтэрнэт-аблігацый у сістэме «Інтэрнэт-банкінг». Гэты ж рахунак «дэпо» будзе выкарыстоўвацца і для залічэння Інтэрнэт-аблігацый, якія будуць набывацца Вамі пасля.

4. Калі я змагу ўбачыць набытыя Інтэрнэт-аблігацыі на сваім рахунку «дэпо»?

Набытыя Інтэрнэт-аблігацыі будуць залічаны на Ваш рахунак «дэпо» на працягу працоўнага дня, наступнага за днём іх аплаты. Пасля гэтага Вы зможаце ўбачыць іх на Вашым рахунку «дэпо» ў сістэме «Інтэрнэт-банкінг» ва ўкладцы «Счета» → «Ценные бумаги» → «Счет «депо»».

5. Ці ёсць абмежаванні на куплю Інтэрнэт-аблігацый?

Набываць Інтэрнэт-аблігацыі можна ў межах іх астатку, які маецца  для продажу.

6. У якой валюце прадаюцца Інтэрнэт-аблігацыі?

Інтэрнэт-аблігацыі ААТ «ААБ Беларусбанк» прадаюцца за валюту іх наміналу (долары ЗША / еўра).

Інтэрнэт-аблігацыі карпаратыўных эмітэнтаў у адпаведнасці з валютным заканадаўствам прадаюцца ў сістэме «Інтэрнэт-банкінг» банка толькі за беларускія рублі, незалежна ад валюты іх наміналу (па курсе Нацыянальнага банка Рэспублікі Беларусь на дату куплі).

7. Ці магу я купіць валютныя Інтэрнэт-аблігацыі ААТ «ААБ Беларусбанк», калі ў мяне няма карты банка ў замежнай валюце?

Так, можаце. Для набыцця Інтэрнэт-аблігацый банка можа быць выкарыстана як карта да рахунку, які адкрыты ў валюце наміналу аблігацыі, так і карта да рахунку, які адкрыты ў беларускіх рублях. Пры куплі валютных Інтэрнэт-аблігацый банка з рахунку, адкрытага ў беларускіх рублях, будзе аўтаматычна праведзена канвертацыя валюты па курсе, устаноўленым у ААТ «ААБ Беларусбанк» для плацежных карт на момант аплаты.

8. Ці магу я аплаціць карпаратыўныя Інтэрнэт-аблігацыі, якія прадаюцца за беларускія рублі, плацежнай картай банка ў замежнай валюце?

Так, можаце. Аплата карпаратыўных Інтэрнэт-аблігацый можа быць здзейснена як картай да рахунку, які адкрыты ў беларускіх рублях, так і картай да рахунку, які адкрыты ў замежнай валюце. Пры куплі карпаратыўных Інтэрнэт-аблігацый з рахунку, адкрытага ў замежнай валюце, будзе аўтаматычна праведзена канвертацыя валюты ў беларускія рублі па курсе, устаноўленым у ААТ «ААБ Беларусбанк» для плацежных карт на момант аплаты.

9. Што мне трэба зрабіць, каб атрымаць працэнты па Інтэрнэт-аблігацыях?

Для атрымання даходу па набытых Вамі Інтэрнэт-аблігацыях ніякіх дзеянняў ажыццяўляць не патрэбна. Даход будзе выплачаны эмітэнтам аблігацый самастойна ў даты, вызначаныя ў Праспекце эмісіі Інтэрнэт-аблігацый, на рахунак, пазначаны Вамі пры іх куплі ў сістэме «Інтэрнэт-банкінг».

10. Я купляў валютныя Інтэрнэт-аблігацыі ААТ «ААБ Беларусбанк» за беларускія рублі, так як валютнай карты ў мяне няма. У якой валюце я атрымаю працэнты па гэтых аблігацыях?

Выплата працэнтнага даходу па валютных Інтэрнэт-аблігацыях банка ажыццяўляецца ў валюце іх наміналу (пры наяўнасці ў Вас рахунку, адкрытага ў названай валюце). У выпадку, калі пры набыцці валютных Інтэрнэт-аблігацый банка ў сістэме «Інтэрнэт-банкінг» Вамі будзе пазначаны рахунак для атрымання выплат, адкрыты ў беларускіх рублях, то сума даходу, а таксама сума выплат пры пагашэнні аблігацый будуць пералічаны банкам на пазначаны рахунак у беларускіх рублях па курсе, вызначаным Праспектам эмісіі адпаведнага выпуску Інтэрнэт-аблігацый.

11. Я купіў валютныя Інтэрнэт-аблігацыі карпаратыўнага эмітэнта, аплаціўшы іх валютнай картай. У якой валюце я атрымаю працэнты па гэтых аблігацыях?

У адпаведнасці з валютным заканадаўствам выплата працэнтнага даходу па валютных Інтэрнэт-аблігацыях карпаратыўных эмітэнтаў ажыццяўляецца ў беларускіх рублях, незалежна ад таго, плацежнай картай у якой валюце Вамі была аплачана купля гэтых аблігацый.

12. Ці трэба пры куплі Інтэрнэт-аблігацый плаціць якія-небудзь камісіі банку?

Не, пры куплі як аблігацый ААТ «ААБ Беларусбанк», так і карпаратыўных Інтэрнэт-аблігацый у сістэме «Інтэрнэт-банкінг» камісіі не спаганяюцца. Рахунак «дэпо» для залічэння набытых Вамі Інтэрнэт-аблігацый таксама адкрываецца бясплатна.

13. Што патрэбна зрабіць для пагашэння Інтэрнэт-аблігацый?

Пагашэнне Інтэрнэт-аблігацый - гэта вяртанне эмітэнтам аблігацый грашовых сродкаў, укладзеных кліентам у Інтэрнэт-аблігацыі, з выплатай належных працэнтаў. Працэс пагашэння Інтэрнэт-аблігацый ажыццяўляецца аналагічна выплаце даходу па аблігацыях - без асобнай працэдуры прад'яўлення іх да аплаты. Інтэрнэт-аблігацыі будуць пагашаны эмітэнтам аблігацый у вызначаную эмісійнымі дакументамі дату іх пагашэння шляхам пералiчэння належных Вам грашовых сродкаў на рахунак, пазначаны Вамі пры куплі аблігацый у сістэме «Інтэрнэт-банкінг» (або атрыманай банкам ад Вас заяве аб змяненні рэквізітаў рахунку для атрымання выплат па аблігацыях).

14. Ці магу я датэрмінова забраць грошы, укладзеныя ў Інтэрнэт-аблігацыі?

Умовы датэрміновага пагашэння любых аблігацый вызначаюцца Праспектам эмісіі гэтых аблігацый.

Аднак другасны рынак гэтых аблігацый не абмежаваны, гэта значыць Вы можаце перапрадаць іх другой фiзiчнай асобе да наступлення тэрміну пагашэння. Пры гэтым звяртаем Вашу ўвагу на неабходнасць захавання патрабаванняў валютнага заканадаўства (разлікі паміж фізічнымі асобамі-рэзідэнтамі РБ па здзелках з валютнымі аблігацыямі могуць ажыццяўляцца толькі ў беларускіх рублях).

Здзелкі з Інтэрнэт-аблігацыямі на другасным рынку ажыццяўляюцца па-за сістэмай «Інтэрнэт-банкінг» ААТ «ААБ Беларусбанк». Для афармлення здзелкі продажу Інтэрнэт-аблігацый Вам неабходна звярнуцца да прафесійнага ўдзельніка рынку каштоўных папер, у тым ліку ў любы з пунктаў брокерскага абслугоўвання ААТ «ААБ Беларусбанк». Тарыфы банка за аказанне брокерскіх паслуг.

 

Прыклад разліку бягучага кошту (цаны) Інтэрнэт-аблігацый

Згодна з Праспектам эмісіі, бягучы кошт Інтэрнэт-аблігацыі разлічваецца на дату здзяйснення аперацыі па наступнай формуле:

С = Нп + Дн, дзе:

С – бягучы кошт аблігацыі;

Нп – намінальная вартасць аблігацыі;

Дн – накоплены працэнтны даход па аблігацыі.

Накоплены працэнтны даход разлічваецца па формуле:

Дн =  (Нп + Пп)/100*(Т365/365+T366/366)

Дн – накоплены працэнтны даход;

Нп – намінальная вартасць аблігацыі;

Пп – стаўка працэнтнага даходу па аблігацыі;

Т – перыяд налічэння працэнтнага даходу (дзён), вызначаны з даты пачатку размяшчэння аблігацыі (з даты выплаты працэнтнага даходу за папярэдні перыяд) па дату разліку бягучага кошту аблігацыі. Дзень пачатку размяшчэння (дата выплаты працэнтнага даходу за папярэдні перыяд) і дзень разліку бягучага кошту лічацца адным днём;

Т365(366) – колькасць дзён перыяду налічэння працэнтнага даходу, якая прыходзіцца на каляндарны год, што складаецца з 365 (366) дзён.

 

Разлічым бягучы кошт адной Інтэрнэт-аблігацыі 220-га выпуску па стане на 1 мая 2018 года:

намінальная вартасць аблігацыі – 100 долараў ЗША;

стаўка працэнтнага даходу – 2,5% гадавых;

перыяд налічэння працэнтнага даходу складае 42 дні (з даты, наступнай за датай пачатку размяшчэння, па дату разліку бягучага кошту – з 20.03.2018 па 01.05.2018 уключна);

увесь перыяд прыпадае на 2018 год, які складаецца з 365 дзён.

Такім чынам, бягучы кошт роўны:

 

                 100 x 2,5          42

С = 100 + -------------- х  -------  = 100,29 доллара США.

                     100              365