SMS-банкінг – гэта магчымасць кругласутачна, не выходзячы з дома або офіса, проста адсылаючы з мабільнага тэлефона SMS-паведамленні, ажыццяўляць шырокі спектр аперацый.
SMS-банкінг даступны як трымальнікам плацежных картак ААТ «ААБ Беларусбанк», так і трымальнікам плацежных картак іншых банкаў Рэспублікі Беларусь.
ПЕРАЛІК ДАСТУПНЫХ АПЕРАЦЫЙ
SMS-банкінг дазваляе кругласутачна праводзіць наступныя аперацыі:
- прагляд астатку грашовых сродкаў на рахунку (аперацыя дазволена па картках «Беларусбанка», па картках іншых банкаў - можа быць забаронена банкам-эмітэнтам);
- аплата паслуг аператараў мабільнай сувязі velcom, МТС, life:);
Мінімальная сума аперацыі: 0,15 бел.руб.
Максімальная сума аперацыі аплаты паслуг па нумары мабільнага тэлефона: 99,90 бел.руб.
Укараненне максімальнай сумы ажыццяўлення аперацыі звязана з правядзеннем дэнамінацыі беларускага рубля і з’яўляецца часовай мерай, накіраванай на мінімізацыю магчымых памылковых дзеянняў кліентаў банка, звязаных з няправільным уводам сумы пры ажыццяўленні аперацый.
- папаўненне электроннага ігравога рахунку сістэмы «Суперлато-анлайн»;
- папаўненне ігравога рахунку букмекерскага клуба «АЛІМП»;
- блакіроўка карткі, з выкарыстаннем якой быў зарэгістраваны SMS-банкінг (аперацыя даступна толькі для картак «Беларусбанка»);
- разблакіроўка карткі, якая была заблакіравана з выкарыстаннем SMS-банкінгу (аперацыя даступна толькі для картак «Беларусбанка»);
- атрыманне даведкі аб тыпах аперацый у рамках SMS-банкінгу;
- атрыманне даведкі аб фармаце асобнага тыпу аперацый у рамках SMS-банкінгу;
- атрыманне даведкі аб спісе ідэнтыфікатараў (кодаў паслуг, даступных для аплаты з дапамогай SMS-банкінгу);
- атрыманне даведкі аб фармаце аперацыі аплаты канкрэтнай паслугі;
- адмена рэгістрацыі SMS-банкінгу;
Карыстанне SMS-банкінгам ажыццяўляецца ў адпаведнасці з:
- Правіламі выкарыстання паслугі SMS-банкінг;
- Дагаворам на выкарыстанне паслугі SMS-банкінг.
Для выкарыстання SMS-банкінга неабходна зарэгістравацца ў інфакіёску або ў інтэрнэт-банкінгу з выкарыстаннем плацежнай карткі і мабільнага тэлефона, які падключаны да сеткі velcom, МТС або life:). Па заканчэнні рэгістрацыі кліент атрымлівае на мабільны тэлефон SMS-паведамленне з паролем для доступу да SMS-банкінга і чэк інфакіёска, які змяшчае гэты пароль.
Зарэгістраваць SMS-банкінг можна з выкарыстаннем як асабістага, так і карпаратыўнага тэлефона.
ААТ «ААБ Беларусбанк» прадастаўляе SMS-банкінг бясплатна.
Кошт адпраўленых у рамках паслугі SMS-паведамленняў спаганяецца аператарамі мабільнай сувязі velcom, МТС і life:) у адпаведнасці з вызначанымі імі тарыфамі.
Звяртаем увагу карыстальнікаў SMS-банкінга: пры змене мабільнага аператара з выкарыстаннем паслугі пераносу нумару (MNP), карыстальнікам SMS-банкінга не трэба мяняць старую рэгістрацыю і нанава рэгістравацца з указаннем новага аператара мабільнай сувязі - перарэгістрацыя ажыццяўляецца аўтаматычна.