Крэдыт на будаўніцтва (рэканструкцыю)жылых памяшканняў з выкарыстаннем субсідыі на яго пагашэнне

Крэдыт на будаўніцтва жылых памяшканняў у многакватэрных і блакіраваных жылых дамах, будаўніцтва (рэканструкцыю) аднакватэрных жылых дамоў, рэканструкцыю жылых памяшканняў з выкарыстаннем субсідыі на яго пагашэнне згодна з Указам Прэзідэнта Рэспублікі Беларусь ад 04.07.2017 № 240 «Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў».

ПЕРАВАГІ КРЭДЫТУ

  • Мноства зручных спосабаў пагашэння крэдыту (у тым ліку ў інфакіёсках банка, праз сістэмы Інтэрнэт і М – банкінг)
  • Магчымасць датэрміновага пагашэння крэдыту без спагнання штрафных санкцый
  • Афармленне крэдыту грамадзянам, якія атрымліваюць заработную плату (пенсію) ва ўстановах банка магчыма без прадастаўлення даведкі аб даходах.

УМОВЫ

Права на атрыманне крэдыту ўзнікае пасля прыняцця адпаведным раённым, гарадскiм выканаўчым i распарадчым органам, мясцовай адміністрацыяй рашэння аб прадастаўленні субсідыі на выплату часткі працэнтаў за карыстанне крэдытамі (субсiдыi на выплату часткі працэнтаў за карыстанне крэдытамі і субсідыі на пагашэнне асноўнага доўгу).

Заключэнне крэдытнага дагавору ажыццяўляецца да прыёмкі ў эксплуатацыю жылога дома, у якім размешчана жылое памяшканне, што будуецца (рэканструюецца). 

Памер крэдыту

у межах максімальнага нарміруемага кошту жылога памяшкання, устаноўленага ў рашэннях раённых, гарадскіх выканаўчых і распарадчых органаў, мясцовых адміністрацый аб прадастаўленні субсідыі і плацежаздольнасці крэдытаатрымальніка1

Тэрмін карыстання

20 гадоў2

Працэнтная стаўка

 стаўка рэфінансавання НБ РБ3 + 3 п.п.

Парадак выплаты працэнтаў

за фактычны час карыстання крэдытам

Спосаб прадастаўлення крэдыту

безнаяўным пералікам на рахункі трэціх асоб

Забеспячэнне

заклад (іпатэка) жылога памяшкання, якое будуецца (рэканструюецца), паручыцельства і іншыя спосабы, прадугледжаныя заканадаўствам РБ, акрамя няўстойкі і страхавання рызыкі невяртання крэдыту

1 Пры разліку сумы крэдыту магчыма ўключэнне ў сукупны даход крэдытаатрымальніка даходаў паручыцеляў - мужа/жонкі, бацькоў, паўналетніх дзяцей, іншых сваякоў, іншых фізічных асоб. 

Пагашэнне асноўнага доўгу па крэдыце ажыццяўляецца:

пры будаўніцтве жылых памяшканняў у шматкватэрных жылых дамах - з наступнага месяца пасля заканчэння 18 месяцаў, якія ідуць за месяцам прыёмкі ў эксплуатацыю закончанага будаўніцтвам жылога дома, але не пазней чым праз тры гады пасля заключэння крэдытнага дагавору;

пры будаўніцтве (рэканструкцыі) аднакватэрных жылых дамоў, будаўніцтве жылых памяшканняў у блакіраваных жылых дамах, рэканструкцыі жылых памяшканняў - з наступнага месяца пасля заканчэння 18 месяцаў, якія ідуць за месяцам прыёмкі ў эксплуатацыю закончанага будаўніцтвам (рэканструкцыяй) аб'екта нерухомасці, але не пазней чым праз чатыры гады пасля заключэння крэдытнага дагавору.

 Працэнтная стаўка за карыстанне крэдытам з'яўляецца зменнай і змяняецца з дня змянення стаўкі рэфінансавання Нацыянальнага банка Рэспублікі Беларусь .

Пералік катэгорый грамадзян, якім прадастаўляюцца субсідыі згодна з Указам Прэзідэнта Рэспублікі Беларусь ад 04.07.2017 № 240» на пагашэнне крэдыту, які быў выдадзены банкам на будаўніцтва (рэканструкцыю) жылога памяшкання 


  1. У якасці крэдытаатрымальнікаў могуць выступаць грамадзяне, у адносінах да якіх раённым (гарадскім) выканаўчым і распарадчым органам, мясцовай адміністрацыяй прынята рашэнне аб прадастаўленні субсідыі на выплату часткі працэнтаў за карыстанне крэдытамі (субсідыі на выплату часткі працэнтаў за карыстанне крэдытамі і субсідыі на пагашэнне асноўнага доўгу).
  2. У якасці паручыцеляў могуць выступаць дзеяздольныя фізічныя асобы – грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць і маюць пастаянную крыніцу даходаў у Рэспубліцы Беларусь.
  3. Крэдыты грамадзянам, якія дасягнулі агульнаўстаноўленага пенсіённага ўзросту, інвалідам І (ІІ) групы прадастаўляюцца пры ўмове афармлення забеспячэння выканання абавязацельстваў па крэдытным дагаворы дагавору паручыцельства дзеяздольных грамадзян, якія не дасягнулі агульнаўстаноўленага пенсіённага ўзросту.

НЕАБХОДНЫЯ ДАКУМЕНТЫ

  • копія дакумента, які сведчыць асобу Крэдытаатрымальніка і паручыцеля(ў) (пры выбары спосабу забеспячэння па крэдыце – паручыцельства фізічных асоб), з прад’яўленнем арыгінала.
  • дакументы, што сцвярджаюць даходы фізічнай асобы для атрымання крэдыту, афармлення паручыцельства (даведкі аб даходах)[1] Калі Заяўнік і (або) паручыцель атрымліваюць заработную плату або пенсію ва ўстанове Банка можа прадастаўляцца выпіска з рахунку за тры апошнія месяцы.
  • згода Крэдытаатрымальніка і паручыцеляў на прадастаўленне крэдытнай справаздачы з Крэдытнага рэгістра Нацыянальнага банка Рэспублікі Беларусь. Згода на прадастаўленне крэдытнай справаздачы можа быць аформлена Заяўнікам у Нацыянальным банку Рэспублікі Беларусь. У дадзеным выпадку крэдытная справаздача з Крэдытнага рэгістра Нацыянальнага банка Рэспублікі Беларусь прадстаўляецца Заяўнікам у Банк самастойна.
  • згода Крэдытаатрымальніка і паручыцеля(ў) на прадастаўленне Банку звестак аб ім Нацыянальным банкам Рэспублікі Беларусь і на праверку Банкам яго персанальных даных і іншай прадстаўленай інфармацыі.
  • выпіска з рашэння (копія рашэння) раённага (гарадскога) выканаўчага і распарадчага органа, мясцовай адміністрацыі аб прадастаўленні субсідыі на выплату часткі працэнтаў за карыстанне крэдытамі (субсідыі на выплату часткі працэнтаў за карыстанне крэдытамі і субсідыі на пагашэнне асноўнага доўгу).

[1] «Тэрмін дзеяння даведак - 30 каляндарных дзён пасля іх выдачы. Датай выдачы лічыцца ўказаная на даведцы дата рэгістрацыі прадпрыемства (арганізацыі), якое выдала такую даведку».

ДАДАТКОВА:

пры будаўніцтве індывідуальнага жылога дома:

  • пры ажыццяўленні будаўніцтва падрадным спосабам – дагавор будаўнічага падраду, заключанага на будаўніцтва аб’екта «пад ключ», або на выкананне асобных этапаў работ (для агляду).
  • копію пасведчання аб дзяржаўнай рэгістрацыі зямельнага ўчастка або іншы дакумент, які пацвярджае права на зямельны ўчастак, з прад’яўленнем арыгінала.
  • даведку аб кошце будаўніцтва  індывідуальнага жылога дома ў бягучых цэнах, вызначанай на аснове сметнай дакументацыі на дату заключэння крэдытнага дагавору, што выдаецца структурнымі падраздзяленнямі мясцовых выканаўчых і распарадчых органаў, якія ажыцяўляюць дзяржаўна-ўладныя паўнамоцтвы ў галіне архітэктурнай, горадабудаўнічай і будаўнічай  дзейнасці на тэрыторыі адміністрацыйна-тэрытарыяльных адзінак, або арганізацыямі, якім мясцовымі выканаўчымі і распарадчымі органамі прадастаўлены адпаведныя паўнамоцтвы.

пры рэканструкцыі індывідуальнага жалога дома:

  • пры ажыццяўленні рэканструкцыі падрадным спосабам – дагавор будаўнічага падраду, заключанага на рэканструкцыю аб’екта «пад ключ», або на выкананне асобных этапаў работ (для агляду).
  • копію пасведчання аб дзяржаўнай рэгістрацыі і тэхнічны пашпарт, з прад’яўленнем арыгінала, калі жылое памяшканне знаходзіцца ва ўласнасці Заяўніка, або ордэр, калі жылое памяшканне не аформлена ва ўласнасць, або іншыя дакументы.
  • даведку аб кошце рэканструкцыі індывідуальнага жылога дома ў бягучых цэнах, вызначанай на аснове сметнай дакументацыі на дату заключэння крэдытнага дагавору, што выдаецца структурнымі падраздзяленнямі мясцовых выканаўчых і распарадчых органаў, якія ажыцяўляюць дзяржаўна-ўладныя паўнамоцтвы ў галіне архітэктурнай, горадабудаўнічай і будаўнічай  дзейнасці на тэрыторыі адміністрацыйна-тэрытарыяльных адзінак, або арганізацыямі, якім мясцовымі выканаўчымі і распарадчымі органамі прадастаўлены адпаведныя паўнамоцтвы.

пры будаўніцтве кватэры ў доме арганізацыі забудоўшчыкаў:

  • даведку органа ўпраўлення арганізацыі забудоўшчыкаў аб уключэнні Заяўніка ў члены арганізацыі забудоўшчыкаў, аб прыблізным сметным кошце кватэры, яе тэхнічнай характарыстыцы, памеры ўнесеных сродкаў, памеры чарговага ўзносу, тэрміне заканчэння будаўніцтва, з указаннем рэквізітаў і рахунку арганізацыі забудоўшчыкаў, даце выдачы і рэгістрацыйным нумары дазволу на будаўніцтва жылога дома, даце і рэгістрацыйным нумары заключанага дагавору падраду.

пры будаўніцтве жылых памяшканняў на ўмовах долевага ўдзелу:

  • даведку ўдзельніка будаўніцтва жылога памяшкання.
  • копію дагавору стварэння аб’екта долевага будаўніцтва, зарэгістраваную ў вызначаным парадку мясцовымі выканаўчымі і распараджальнымі органамі, і графіка плацяжоў, які з’яўляецца неад’емнай часткай дагавору (для агляду), з прад’яўленнем арыгінала.

З мэтай атрымання крэдыту Заяўнік можа звярнуцца:

  • у службу іпатэчнага і ільготнага крэдытавання ў населеным пункце па месцы прыняцця раённымі, гарадскімі выканаўчымі і распарадчымі органамі, мясцовымі адміністрацыямі рашэння аб прадастаўленні ім субсідыі.
  • у аддзел іпатэчнага і ільготнага крэдытавання Іпатэчнага офісу (для грамадзян, якія пражываюць у г. Мінске)

*У ЦБУ, у якіх одсутнічае служба іпатэчнага і ільготнага крэдытавання - у службу суправаджэння рознічнага бізнесу.