Крэдыт на навучанне

Крэдыт на навучанне ва ўстановах вышэйшай і сярэдняй спецыяльнай адукацыі пры атрыманні першай адукацыі1 дзённай формы

У рамках умоў прадастаўлення крэдыту першай адукацыяй лічыцца адукацыя, якую атрымліваюць фізічныя асобы пасля заканчэння школ (ліцэяў)

ПЕРАВАГІ КРЭДЫТУ

  • Прывабная працэнтная стаўка;
  • Мноства зручных спосабаў пагашэння крэдыту (у тым ліку ў інфакіёсках банка, праз сістэмы Інтэрнэт і М-банкінг, Аўтааплата);
  • Магчымасць афармлення крэдыту без прадастаўлення даведкі аб даходах у памеры, разлічаным зыходзячы з сярэднямесячнага чыстага даходу, які не перавышае 20 базавых велічынь;
  • Афармленне крэдыту (незалежна ад сумы) грамадзянам, якія атрымліваюць заработную плату (пенсію) ва ўстановах банка магчыма без прадастаўлення даведкі аб даходах.

УМОВЫ 

Спосаб прадастаўлення крэдыту: безнаяўным пералічэннем на рахункі ўстаноў вышэйшай і сярэдняй спецыяльнай адукацыі
Парадак выплаты працэнтаў: за фактычны час карыстання крэдытам
Памер крэдыту:  

– у межах гадавога кошту навучання з улікам плацежаздольнасці крэдытаатрымальніка – пры прадастаўленні дакумента, які пацвярджае даход, а таксама без прадастаўлення дакумента, які пацвярджае  даход у выпадку наяўнасці рахунку ва ўстановах банка, на які ажыццяўляецца залічэнне заработнай платы (пенсіі) без прадастаўлення даведкі аб даходах

– у межах гадавога кошту навучання з улікам плацежаздольнасці крэдытаатрымальніка, разлічанай зыходзячы з сярэднямесячнага чыстага даходу, які не перавышае 20 базавых велічынь  – без прадастаўлення дакумента, які пацвярджае даход

Забеспячэнне:  паручыцельства фізічных асоб, заклад нерухомай або рухомай маёмасці і іншыя спосабы, прадугледжаныя заканадаўствам Рэспублікі Беларусь, акрамя няўстойкі і страхавання рызыкі невяртання крэдыту

 Пры атрыманні крэдыту на аплату першай адукацыі дзённай формы атрымання адукацыі ва ўстановах вышэйшай адукацыі

Працэнтная стаўкаПагашэнне крэдыту ажыццяўляеццаПагашэнне працэнтаў ажыццяўляецца
стаўка рэфінансавання НБ РБ2 + 4,5 п.п
з наступнага месяца пасля заканчэння ўстановы адукацыі на працягу 5 гадоў з наступнага месяца пасля выдачы крэдыту

Пры атрыманні крэдыту на аплату першай адукацыі дзённай формы атрымання адукацыі ва ўстановах сярэдняй спецыяльнай адукацыі

Працэнтная стаўкаПагашэнне крэдыту ажыццяўляеццаПагашэнне працэнтаў ажыццяўляецца
стаўка рэфінансавання НБ РБ2+ 4,5 п.п
з наступнага месяца пасля заканчэння ўстановы адукацыі на працягу 3 гадоў з наступнага месяца пасля выдачы крэдыту

2 У крэдытным дагаворы адзначаецца памер працэнтнай стаўкі ў абсалютным значэнні на дату заключэння крэдытнага дагавору. Пры змене стаўкі рэфінансавання Нацыянальнага банка Рэспублікі Беларусь памер працэнтнай стаўкі па раней заключаных крэдытных дагаворах не змяняецца, калі іншае не прадугледжана крэдытным дагаворам. 

Пры прадастаўленні крэдыту на спажывецкія патрэбы (за выключэннем інтэрнэт-крэдытаў) фізічным асобам, якія атрымліваюць фінансавую дапамогу дзяржавы на пагашэнне раней атрыманых крэдытаў у адпаведнасці з заканадаўствам, магчыма правядзенне ацэнкі плацежаздольнасці з улікам памеру штомесячна аказваемай фінансавай дапамогі пры ўмове прадстаўлення заяўнікам дакумента, які пацвярджае яе аказанне з пазначэннем памеру штомесячна аказваемай фінансавай дапамогі.


ПАТРАБАВАННІ ДА ЗАЯЎНІКАЎ

У якасці крэдытаатрымальнікаў (паручыцеляў) могуць выступаць дзеяздольныя фізічныя асобы - грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць і маюць пастаянную крыніцу даходаў у Рэспубліцы Беларусь.

Крэдыты на навучанне прадастаўляюцца або навучэнцу, або аднаму з яго бацькоў, усынавiцеляў, папячыцеляў, жонцы (мужу), або сваякам.


НЕАБХОДНЫЯ ДАКУМЕНТЫ 

  • копія пашпарта Заяўніка і паручыцеля(ў) (пры выбары спосабу забеспячэння па крэдыце - паручыцельства фізічных асоб), з прад'яўленнем арыгінала;
  • згода Заяўніка і паручыцеляў на прадастаўленне крэдытнай справаздачы з Крэдытнага рэгістра Нацыянальнага банка Рэспублікі Беларусь (афармляецца ў Банку).
  • згода на прадастаўленне крэдытнай справаздачы можа быць аформлена Заяўнікам (паручыцелем) у Нацыянальным банку Рэспублікі Беларусь. У дадзеным выпадку крэдытная справаздача з Крэдытнага рэгістра Нацыянальнага банка Рэспублікі Беларусь прадстаўляецца Заяўнікам (паручыцелем) у Банк самастойна. Тэрмін дзеяння справаздачы з Крэдытнага рэгістра Нацыянальнага банка Рэспублікі Беларусь, прадстаўленага Заяўнікам (паручыцелем), не павінен перавышаць 10 каляндарных дзён з даты яго фарміравання на дату прыняцця рашэння аб выдачы крэдыту;
  • згода Заяўніка і паручыцеля(ў) на прадастаўленне Нацыянальным банкам Рэспублікі Беларусь звестак аб ім з інфармацыйных рэсурсаў, якія знаходзяцца ў падпарадкаванні Міністэрства ўнутраных спраў Рэспублікі Беларусь і Нацыянальнага банка Рэспублікі Беларусь, і на праверку персанальных даных (афармляецца ў Банку);
  • копія дагавору аб падрыхтоўцы спецыяліста з вышэйшай  (сярэдняй спецыяльнай) адукацыяй на платнай аснове з установай адукацыі, з прад'яўленнем арыгінала; Пры ўказанні ў прадстаўленым дагаворы гадавога кошту навучання ў замежнай валюце дадаткова прадстаўляецца рахунак-фактура на аплату за навучанне з указаннем банкаўскіх рэквізітаў установы адукацыi i сумы аплаты ў беларускіх рублях;
  • даведка ўстановы адукацыі аб атрыманні навучэнцам першай вышэйшай (сярэдняй спецыяльнай) адукацыі з указаннем тэрміну заканчэння ўстановы адукацыі і формы навучання;
  • дакумент аб атрыманай адукацыі (атэстат аб сярэдняй адукацыі ці інш.). Прадастаўляецца пры адсутнасці ў даведцы ўстановы адукацыі інфармацыі, што пацвярджае атрыманне першай адукацыі дзённай формы навучання;
  • даведка аб сярэднемесячным даходзе за тры апошнія месяцы, якія папярэднічаюць месяцу звароту па атрыманне крэдыту, (афармленне паручыцельства). [1]  

Даведкі аб даходах могуць не падавацца пры афармленні крэдыту ў памеры, разлічаным зыходзячы з сярэднямесячнага чыстага даходу Заяўніка (паручыцеля), які не перавышае 20 базавых велічынь.

Калі Заяўнік і (або) паручыцель атрымліваюць заработную плату ва ўстанове Банка, можа прадастаўляцца выпіска з рахунку за тры апошнія месяцы, якія папярэднічаюць месяцу звароту па атрыманне крэдыту (афармленне паручыцельства). На падставе пісьмовай(ых) даручэння(ў) Заяўніка (прастаўляецца адпаведная адзнака ў заяве-анкеце) заявы(ў) паручыцеляў у адвольнай форме адказны выканаўца Банка можа самастойна сфарміраваць выпіску з рахунку кліента.

 [1] «Тэрмін дзеяння даведак - 30 каляндарных дзён пасля іх выдачы. Датай выдачы лічыцца пазначаная на даведцы дата рэгістрацыі прадпрыемства (арганізацыі), якое выдала такую даведку».

Індывідуальныя прадпрымальнікі дадаткова прадастаўляюць наступныя дакументы*:

  • копіі пасведчання аб дзяржаўнай рэгістрацыі, ліцэнзіі (пры наяўнасці), з прад'яўленнем арыгіналаў;
  • звесткі аб даходах індывідуальнага прадпрымальніка; **
  • даведка банка, у якім абслугоўваецца, аб руху грашовых сродкаў па бягучым рахунку за апошнія тры месяцы, аб наяўнасці картатэкі да бягучага рахунку (даведка не прадстаўляецца ў выпадку, калі індывідуальны прадпрымальнік працуе без адкрыцця рахунку; пры наяўнасці рахунку ва ўстанове Банка, па даручэнні Заяўніка можа быць запытана выпіска з бягучага рахунку за тры апошнія месяцы, якія папярэднічаюць месяцу звароту па крэдыт);**
  • калі індывідуальны прадпрымальнік працуе без адкрыцця рахунку, альбо пры адсутнасці паступлення грашовых сродкаў на яго, павінна быць прадастаўлена падатковая дэкларацыя за апошні справаздачны перыяд;

  • выпіска з даных улiку падатковых органаў аб палічаных і выплачаных сумах падаткаў, збораў (пошлін), пенi (выпіска прадастаўляецца індывідуальным прадпрымальнікам, які з'яўляюцца плацельшчыкам адзінага падатку);**
  • даведка падатковага органа аб стане разлікаў з бюджэтам.**

* Для вызначэння крэдытаздольнасці індывідуальнага прадпрымальніка, затрат на вядзенне бізнесу і іншых паказчыкаў банк можа запытаць прадстаўлення падатковай дэкларацыі (разліку) за апошні справаздачны перыяд, уліковых форм вядзення ўліку даходаў, расходаў і гаспадарчых аперацый, плацежных i iншых дакумента.

** Не прадастаўляюцца пры афармленні крэдыту ў памеры, разлічаным зыходзячы з сярэднямесячнага даходу (за вылікам сярэднямесячных расходаў) Заяўніка (паручыцеля), які з'яўляецца індывідуальным прадпрымальнікам, што не перавышае 20 базавых велічынь на дату рэгістрацыі заявы-анкеты.

Неабходныя дакументы для афармлення дагавору аб закладзе: 

  1. Жылой нерухомай маёмасці (кватэры, індывідуальнага жылога дома)
  2. Нежылой нерухомай маёмасці
  3. Аўтатранспартнага сродку

З мэтай атрымання крэдыту Заяўнік можа звярнуцца ў любы філіял, цэнтр банкаўскіх паслуг ААТ "ААБ Беларусбанк".