У адпаведнасці з падпунктам 1.1. Указа Прэзідэнта Рэспублікі Беларусь ад 06.01.2012 № 13 «Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў» (далей - Указ №13) права на атрыманне льготных крэдытаў на будаўніцтва (рэканструкцыю) або набыццё жылых памяшканняў прадастаўляецца:
- ваеннаслужачым, асобам радавога і начальніцкага саставу Следчага камітэта, Дзяржаўнага камітэта судовых экспертыз, органаў унутраных спраў, органаў фінансавых расследаванняў Камітэта дзяржаўнага кантролю, органаў і падраздзяленняў па надзвычайных сітуацыях (далей - ваеннаслужачыя), якія праходзяць ваенную службу, службу ў Следчым камітэце, Дзяржаўным камітэце судовых экспертыз, органах унутраных спраў, органах фінансавых расследаванняў Камітэта дзяржаўнага кантролю, органах і падраздзяленнях па надзвычайных сітуацыях (далей – ваенная служба), грамадзянам, звольненым з ваеннай службы па ўзросце, стане здароўя, у сувязі з правядзеннем арганізацыйна-штатных мерапрыемстваў, у тым ліку якія рэалізавалі сваё права на пастаноўку на ўлік для паляпшэння жыллёвых умоў па месцы жыхарства на працягу 6 месяцаў з дня звальнення з ваеннай службы, якія маюць не менш за 5 каляндарных гадоў выслугі на ваеннай службе (за выключэннем перыядаў навучання ва ўстановах адукацыі, якія ажыццяўляюць падрыхтоўку кадраў па спецыяльнасцях (напрамках спецыяльнасцей, спецыялізацыях) для Узброеных Сіл, іншых войск і воінскіх фарміраванняў, Следчага камітэта, Дзяржаўнага камітэта судовых экспертыз, органаў унутраных спраў, органаў фінансавых расследаванняў Камітэта дзяржаўнага кантролю, органаў і падраздзяленняў па надзвычайных сітуацыях у дзённай форме атрымання адукацыі), і якія стаяць на ўліку для паляпшэння жыллёвых умоў;
- грамадзянам, якія маюць у адпаведнасці з заканадаўчымі актамі права на пазачарговае атрыманне жылых памяшканняў сацыяльнага карыстання дзяржаўнага жыллёвага фонду;
- грамадзянам, якія з'яўляюцца наймальнікамі жылых памяшканняў сацыяльнага карыстання дзяржаўнага жыллёвага фонду, прадастаўленых ім у адпаведнасці з заканадаўчымі актамі як дзецям-сіротам і дзецям, якія засталіся без апекі бацькоў, у дачыненні да якіх прынята рашэнне аб эмансіпацыі або якія ўступілі ў шлюб, асобам з ліку дзяцей-сірот і дзяцей, якія засталіся без апекі бацькоў, - на працягу тэрміну дзеяння заключанага з імі тэрміновага дагавору найму жылога памяшкання сацыяльнага карыстання дзяржаўнага жыллёвага фонду;
- працаздольным паўналетнім членам сям'і наймальніка жылога памяшкання па дагаворы найму жылога памяшкання сацыяльнага карыстання дзяржаўнага жыллёвага фонду ў выпадку яго смерці або выезду на пастаяннае пражыванне ў іншае жылое памяшканне, якія не маюць ў валоданні і карыстанні жылога памяшкання дзяржаўнага жыллёвага фонду на падставе дагавору найму або ва ўласнасці іншага жылога памяшкання ў гэтым населеным пункце агульнай плошчай 15 кв. метраў і больш (у г. Мінску - 10 кв. метраў і больш) на аднаго чалавека, што адпавядае ўстаноўленым для пражывання санітарным і тэхнічным патрабаванням, - на працягу тэрміну дзеяння заключанага ў адпаведнасці з заканадаўчымі актамі з адным з іх дагавору найму жылога памяшкання сацыяльнага карыстання дзяржаўнага жыллёвага фонду;
- малазабяспечаным грамадзянам Рэспублікі Беларусь, якія стаяць на ўліку для паляпшэння жыллёвых умоў (за выключэннем грамадзян, прызнаных маючымі патрэбу ў паляпшэнні жыллёвых умоў па дадатковых падставах, прадугледжаных арганізацыямі ў калектыўных дагаворах), з ліку:
- шматдзетных сем’яў;
- грамадзян, у складзе сем'яў якіх ёсць дзеці-інваліды, а таксама інваліды з дзяцінства I і II групы;
- грамадзян, якія захварэлі і перанеслі прамянёвую хваробу, выкліканую наступствамі катастрофы на Чарнобыльскай АЭС, іншых радыяцыйных аварый, інвалідаў, у дачыненні да якіх устаноўлена прычынная сувязь калецтва або захворвання, што прывялі да інваліднасці, з катастрофай на Чарнобыльскай АЭС, іншымі радыяцыйнымі аварыямі;
- ветэранаў баявых дзеянняў на тэрыторыі іншых дзяржаў з ліку катэгорый грамадзян, прадугледжаных у пунктах 1 - 3 часткi першай артыкула 3 Закона Рэспублікі Беларусь ад 17 красавiка 1992 года «Аб ветэранах»;
- грамадзян, якія пражываюць у жылых памяшканнях, прызнаных ва ўстаноўленым парадку непрыгоднымі для пражывання;
- паўналетніх маладых грамадзян, якія з'яўляюцца лаўрэатамі спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў і (або) спецыяльнага фонду Прэзідэнта Рэспублікі Беларусь па падтрымцы таленавітай моладзі, - па ўзгадненні адпаведна з Міністэрствам адукацыі або Міністэрствам культуры і ў адпаведнасці з дакументамі, якія пацвярджаюць такое званне. Пад маладымі грамадзянамі ў гэтым Указе разумеюцца асобы ва ўзросце да 31 года;
- грамадзян, якім былі прызначаны стыпендыі Прэзідэнта Рэспублікі Беларусь таленавітым маладым вучоным, - па ўзгадненні з Нацыянальнай акадэміяй навук Беларусі і ў адпаведнасці з дакументамі, што пацвярджаюць прызначэнне гэтых стыпендый, якія выдаюцца арганізацыямі, што ажыццяўлялі іх выплаты;
- грамадзян, якія пражываюць не менш за 10 гадоў у інтэрнатах, у жылых памяшканнях прыватнага жыллёвага фонду па дагаворах найму жылога памяшкання, дагаворах фінансавай арэнды (лізінгу), прадметам лізінгу па якіх з'яўляецца жылое памяшканне прыватнага жыллёвага фонду, і якія стаяць на ўліку для паляпшэння жыллёвых умоў на працягу названага тэрміну і не страцілі падстаў знаходзіцца на такім уліку, у якіх, уключаючы сумесна пражываючых членаў сям'і і асобна пражываючых мужа і жонкі, няма ва ўласнасці жылых памяшканняў (агульнай плошчы жылых памяшканняў, што прыпадае на долю ў праве агульнай уласнасці на жылыя памяшканні), у тым ліку размешчаных у іншых населеных пунктах Рэспублікі Беларусь. Пры гэтым у тэрмін, пазначаны ў гэтым абзацы, уключаецца тэрмін пражывання ў жылых памяшканнях дзяржаўнага жыллёвага фонду па дагаворах паднайму жылога памяшкання;
- грамадзян, якія ажыццяўляюць будаўніцтва (рэканструкцыю) або набыццё жылых памяшканняў у населеных пунктах з колькасцю насельніцтва да 20 тыс. чалавек <*> і ў гарадах-спадарожніках <**>;
- суддзяў;
- маладых сем'яў, якія маюць дваіх непаўналетніх дзяцей на дату зацвярджэння спісаў на атрыманне льготных крэдытаў;
- пракурорскіх работнікаў;
- грамадзян, якія ажыццяўляюць будаўніцтва (рэканструкцыю) або набыццё жылых памяшканняў і працуюць у населеных пунктах на тэрыторыі паўднёва-ўсходняга рэгіёну Магілёўскай вобласці <***>.
Замежныя грамадзяне і асобы без грамадзянства, якія пастаянна пражываюць у Рэспубліцы Беларусь, карыстаюцца правам на атрыманне льготных крэдытаў на будаўніцтва (рэканструкцыю) або набыццё жылых памяшканняў нараўне з грамадзянамі Рэспублікі Беларусь, калі іншае не прадугледжана законамі і міжнароднымі дагаворамі Рэспублікі Беларусь.
Умовы і парадак аднясення грамадзян да катэгорыі малазабяспечаных грамадзян для прадастаўлення льготных крэдытаў, субсідый і iншых форм дзяржаўнай падтрымкі для будаўніцтва (рэканструкцыі) або набыцця жылога памяшкання вызначаюцца Саветам Міністраў Рэспублікі Беларусь.
<*> колькасць насельніцтва вызначаецца на падставе афіцыйнай статыстычнай інфармацыі, якая маецца на дату зацвярджэння спісаў на атрыманне льготных крэдытаў.
<**> гарадамі-спадарожнікамі для Мінска з'яўляюцца Дзяржынск, Заслаўе, Лагойск, Рудзенск, Смалявічы, Фаніпаль, для Брэста - Жабінка, для Гродна - Скідзель, а таксама іншыя населеныя пункты, якім па рашэнні Прэзідэнта Рэспублікі Беларусь нададзены статус горада-спадарожніка.
<***> пад паўднёва-ўсходнім рэгіёнам Магілёўскай вобласці разумеецца тэрыторыя Крычаўскага, Клімавіцкага, Краснапольскага, Касцюковіцкага, Слаўгарадскага, Чэрыкаўскага і Хоцімскага раёнаў Магілёўскай вобласці.
Так 
Не