Паручыцельства па спажывецкіх крэдытах у каналах дыстанцыйнага банкаўскага абслугоўвання

«Сэрвіс даступны»  ў наступных каналах ДБА:

  • у сістэме Інтэрнэт-банкінг;
  • у сістэме М-банкінг;
  • на карпаратыўным вэб-сайце Банка (пры ідэнтыфікацыі паручыцеля ў Банку з выкарыстаннем даных, якія ўтрымліваюцца ў МСІ).

«Магчымасці сэрвісу»:

  • атрыманне паручыцелем інфармацыі па заяўцы на крэдыт, па якой ён выступае паручыцелем;
  • самастойнае запаўненне анкеты паручыцеля на працягу 10 каляндарных дзён пасля падачы заяўнікам заяўкі на крэдыт;
  • атрыманне паручыцелем інфармацыі аб заключэнні крэдытаатрымальнікам крэдытнага дагавору, па якім ён  выступае паручыцелем;
  • самастойнае заключэнне дагавору паручыцельства ў электронным выглядзе на працягу 20 каляндарных дзён пасля заключэння крэдытаатрымальнікам крэдытнага дагавору.

«Умовы карыстання сэрвісам»:

  • сэрвіс прызначаны для фізічных асоб, якія з’яўляюцца кліентамі банка
  • пры афармленні крэдытаатрымальнікам заяўкі на крэдыт і (або) заключэнні крэдытнага дагавору ў каналах ДБА.

Канал ДБА, у якім афармляецца заяўка на крэдыт крэдытаатрымальнікам, можа адрознівацца ад канала ДБА, дзе аформлена анкета паручыцеля. Напрыклад, калі заяўка на крэдыт аформлена праз  карпаратыўны вэб-сайт Банка, паручыцель можа аформіць анкету паручыцеля  ў сістэме Інтэрнэт-банкінг.

Канал ДБА, у якім заключаецца крэдытны дагавор, можа адрознівацца ад канала ДБА, дзе заключаны дагавор паручыцельства. Напрыклад, калі крэдытны дагавор заключаны праз  карпаратыўны вэб-сайт Банка, паручыцель можа заключыць  дагавор паручыцельства ў сістэме Інтэрнэт-банкінг.