Права ўдзельніка на атрыманне крэдыту ўзнікае пасля выканання ім умоў дагавору жыллёвых зберажэнняў пасля заканчэння ашчаднага этапа, на працягу якога ажыццяўлялася накапленне і захоўванне грашовых сродкаў. Атрымаць крэдыт можна на працягу аднаго года з дня заканчэння дагаворнага тэрміну ашчаднага этапа.
Крэдыты выдзяляюцца на будаўніцтва або набыццё жылых памяшканняў, а таксама на будаўніцтва жылых памяшканняў шляхам набыцця жыллёвых аблігацый у беларускіх рублях на наступных умовах:
- у памеры да 75% кошту будаўніцтва або набыцця жылога памяшкання[1];
- на тэрмін да 20 гадоў;
- працэнтная стаўка за карыстанне крэдытам усталёўваць па жаданні ўдзельніка (пры заключэнні крэдытнага дагавора) у памеры;
- стаўкі рэфінансавання Нацыянальнага банка Рэспублікі Беларусь плюс адзін працэнтны пункт[2], а па дагаворах жыллёвых будаўнічых зберажэнняў, заключаных з 01.10.2021 – стаўкі рэфінансавання Нацыянальнага банка Рэспублікі Беларусь плюс тры працэнтныя пункты[2]
- сярэднеўзважанай стаўкі рэфінансавання Нацыянальнага банка Рэспублікі Беларусь за перыяд з месяца заключэння дагавору жыллёвых збережэнняў па месяц, які папярэднічае месяцу заключэння крэдытнага дагавору, павялічанай на адзін працэнтны пункт, а па дагаворах жыллёвых будаўнічых зберажэнняў, заключаных з 01.10.2021 – сярэднеўзважанай стаўкі рэфінансавання Нацыянальнага банка Рэспублікі Беларусь за перыяд з месяца заключэння дагавору жыллёвых зберажэнняў па месяц, які папярэднічае месяцу заключэння крэдытнага дагавору, павялічанай на тры працэнтныя пункты
- выплата працэнтаў за карыстанне крэдытам ажыццяўляецца раўнамернымі ўзносамі ў перыяд карыстання крэдытам незалежна ад патрэбнасці ўдзельніка сістэмы ў паляпшэнні жыллёвых умоў.
- Выдача крэдыту ажыццяўляецца ў безнаяўным парадку.
- У рамках аднаго дагавору жыллёвых зберажэнняў удзельнік можа пабудаваць (набыць) толькі адно жылое памяшканне (некалькі доляў у праве ўласнасці на адно жылое памяшканне).
- Крэдыты ўдзельнікам сістэмы будаўнічых зберажэнняў не прадастаўляюцца на набыццё жылых памяшканняў у сваякоў (мужа, жонкі, дзяцей, бацькоў, родных братоў, сясцёр), за выключэннем выпадкаў набыцця долі (доляў) у праве ўласнасці на адно жылое памяшканне, у якім адна ці некалькі з доляў належыць удзельніку на праве ўласнасці.
- Першы плацеж за кошт крэдытных сродкаў ажыццяўляецца пасля поўнага выкарыстання ўсіх грашовых сродкаў з укладнога рахунку на мэты будаўніцтва або набыцця жылога памяшкання, набыцця жыллёвых аблігацый.
Патрабаванні да заяўнікоў. У якасці крэдытаатрымальнікаў (паручыцеляў) могуць выступаць дзеяздольныя фізічныя асобы - грамадзяне Рэспублікі Беларусь, замежныя грамадзяне і асобы без грамадзянства, якія пастаянна пражываюць i маюць пастаянную крыніцу даходаў у Рэспубліцы Беларусь, або якія працуюць у філіяле або прадстаўніцтве юрыдычнай асобы Рэспублікі Беларусь, што знаходзіцца за мяжой (установе Рэспублікі Беларусь за мяжой).
Грамадзянам, якія дасягнулі агульнаўстаноўленага пенсіённага ўзросту, крэдыты на набыццё нерухомасці прадастаўляюцца:
- зыходзячы з памеру пенсіі пры ўмове паступлення сумы пенсіі на рахункі (карт-рахункі) ва ўстановах Банка і афармлення пастаянна дзеючага плацежнага даручэння на спісанне з пенсіённага рахунку (карт-рахунку) штомесячных плацяжоў па крэдыце і працэнтаў за карыстанне ім;
- пры прадастаўленні ў забеспячэнне выканання абавязацельстваў па крэдыце паручыцельстваў фізічных асоб з ліку членаў сям'і, блізкіх сваякоў, якія не дасягнулі агульнаўстаноўленага пенсіённага ўзросту.
[1] Памер крэдыту вызначаецца зыходзячы з велічыні грашовых сродкаў, вызначаных па выніках ашчаднага этапа, з улікам крэдытаздольнасці ўдзельніка.
[2] Пры змяненнi стаўкі рэфінансавання Нацыянальнага банка Рэспублікі Беларусь налічэнне працэнтаў з дня яе змянення ажыццяўляецца зыходзячы з памеру зноў устаноўленай стаўкі рэфінансавання Нацыянальнага банка Рэспублікі Беларусь.