Дэлегацыя Беларусбанка прыняла ўдзел у Нарадзе экспертаў і каардынатараў Міжбанкаўскага аб’яднання ШАС
Дэлегацыя Беларусбанка ўпершыню ў якасці паўнапраўнага ўдзельніка Міжбанкаўскага аб’яднання Шанхайскай арганізацыі супрацоўніцтва (МБА ШАС) прыняла ўдзел у Нарадзе экспертаў і каардынатараў банкаў-членаў аб’яднання, якая адбылася ў Бішкеку пад старшынствам ААТ «Элдзік Банк» (Кыргызская Рэспубліка).
У ходзе нарады ўдзельнікі разгледзелі праект Стратэгіі далейшага развіцця МБА ШАС на перыяд 2027-2031 гг. Дакумент будзе вынесены на зацвярджэнне чарговага пасяджэння Савета МБА ШАС, запланаванага на ліпень 2026 года. У рамках парадку таксама абмяркоўваліся пытанні інтэнсіфікацыі міжбанкаўскага ўзаемадзеяння ў сферы сацыяльнай і карпаратыўнай адказнасці, уключаючы магчымасць прыняцця тэматычнай дарожнай карты. Асобная ўвага была нададзена пытанням абмену вопытам і падрыхтоўкі кадраў.
Гэта мерапрыемства з’яўляецца чарговым элементам паслядоўнага курса Банка на актыўнае развіццё шматбаковага супрацоўніцтва ў рамках ШАС.
Банк з 2012 года прымае ўдзел у мерапрыемствах МБА ШАС у якасці партнёра. У сувязі з павышэннем у 2024 годзе статусу Рэспублікі Беларусь у Шанхайскай арганізацыі супрацоўніцтва да паўнапраўнага ўдзельніка, Беларусбанк як галоўны дзяржаўны камерцыйны банк Беларусі пры падтрымцы Дзяржаўнага банка развіцця Кітая (старшынствуючы банк у МБА ШАС з кастрычніка 2024 года па кастрычнік 2025 года) прайшоў усе вызначаныя статутам Аб’яднання працэдуры і аднагалосным рашэннем 5 чэрвеня 2025 года прыняты ў склад банкаў-удзельнікаў МБА ШАС.
Міжбанкаўскае аб’яднанне Шанхайскай арганізацыі супрацоўніцтва ўтворана 26 кастрычніка 2005 года. Дзейнасць Аб’яднання накіравана на падтрымку эканамічнага супрацоўніцтва рэгіёна ШАС. У склад Аб’яднання ўваходзяць па адным нацыянальным фінансавым інстытуце ад кожнай краіны-ўдзельніцы ШАС – ААТ «Ашчадны Банк «Беларусбанк», АТ «Банк развіцця Казахстана», ААТ «Элдзік Банк» (Кыргызская Рэспубліка), Дзяржаўны банк развіцця Кітая, Дзяржаўная карпарацыя развіцця «ВЭБ.РФ», Habib Bank Limited (Пакістан), Індыйская інфраструктурная фінансавая кампанія, Дзяржаўны ашчадны банк Рэспублікі Таджыкістан «Амонатбанк», Нацыянальны банк знешнеэканамічнай дзейнасці Рэспублікі Узбекістан), а таксама адзін банк-партнёр (Банк развіцця Манголіі).
