Страхаванне вадзіцеляў і пасажыраў ад няшчасных выпадкаў

Добраахвотнае страхаванне вадзіцеляў і пасажыраў ад няшчасных выпадкаў

Дагавор добраахвотнага страхавання вадзіцеляў і пасажыраў ад няшчасных выпадкаў заключаецца на выпадак растройства здароўя застрахаванай асобы або яе смерці ў выніку няшчаснага выпадку.

Страхавальнікам можа быць дзеяздольная фізічная асоба ва ўзросце ад 18 гадоў (уключна), у тым ліку замежны грамадзянін і асоба без грамадзянства.

Застрахаванай з’яўляецца фізічная асоба, чые маёмасныя інтарэсы, звязаныя з прычыненнем шкоды жыццю і/або здароўю ў сувязі са знаходжаннем у момант страхавога выпадку на месцы вадзіцеля або пасажыра ў транспартным сродку, пазначаным у дагаворы страхавання, з’яўляюцца аб’ектам страхавання.

Умовы страхавання

Дагавор страхавання заключаецца:

заключаецца на падставе вуснай заявы, страхавая прэмія выплачваецца адзінаразова;
дзейнічае на тэрыторыі Рэспублікі Беларусь;
заключаецца з тэрмінам дзеяння – 1год.

Дагавор страхавання заключаецца па паушальнай сістэме.

На страхаванне прымаюцца ўсе месцы ў транспартным сродку (застрахаванымі асобамі з’яўляюцца вадзіцель і ўсе пасажыры, якія знаходзяцца ў транспартным сродку).

Памер страхавой сумы, бел. руб.	Памер страхавой прэміі, бел. руб.
14 000,00	42,00

Пры гэтым да транспартных сродкаў, якія могуць быць пазначаны ў дагаворы страхавання па дадзеным варыянце (па паушальнай сістэме), адносяцца: матацыклы, легкавыя аўтамабілі, мікрааўтобусы (да 8 пасажырскіх месцаў уключна), грузавыя аўтамабілі, грузапасажырскія аўтамабілі.

Пры страхаванні па паушальнай сістэме кожны з пасажыраў (уключаючы вадзіцеля), якія знаходзяцца ў транспартным сродку ў момант наступлення страхавога выпадку, лічыцца застрахаваным ў вызначанай долі ад агульнай страхавой сумы, пазначанай у дагаворы страхавання:

адзін чалавек – у памеры 40% ад агульнай страхавой сумы;

два чалавекі – у памеры 35% ад агульнай страхавой сумы кожны;

тры чалавекі – у памеры 30% ад агульнай страхавой сумы кожны;

чатыры чалавекі – у памеры 25% ад агульнай страхавой сумы кожны;

пяць чалавек – у памеры 20% ад агульнай страхавой сумы кожны;

звыш пяці чалавек – як адносіны страхавой сумы па дагаворы да колькасці пасажыраў (уключаючы вадзіцеля).

Як аформіць дагавор страхавання ва ўстанове банка

Звярніцеся ў зручную для вас установу банка i Паслуга даступна ва ўстановах ААТ «ААБ Беларусбанк»., у якой будзе афармляцца дагавор страхавання.

Парадак ажыццяўлення страхавога забеспячэння

Для вырашэння пытання аб прызнанні заяўленага выпадку страхавым і выплаце страхавога забеспячэння страхавальнік (выгаданабытчык) звяртаецца ў Белдзяржстрах. За больш падрабязнай інфармацыяй можна звярнуцца па тэлефоне (8 017) 269-26-92 або наведаць афіцыйны сайт Белдзяржстраха www.bgs.by.

Страхавы выпадак

Страхавым выпадкам з’яўляецца ўзнікшае растройства здароўя або смерць застрахаванай асобы ў выніку няшчаснага выпадку, пры наступленні якога ў перыяд дзеяння дагавора страхавання ў страхоўшчыка ўзнікае абавязак зрабіць выплату страхавога забеспячэння застрахаванай асобе (яго наследнікам ў выпадку смерці застрахаванай асобы).

Няшчасны выпадак – раптоўная, непрадбачная і ненаўмысная падзея, якая адбылася ў перыяд дзеяння дагавора страхавання ў выніку дарожна-транспартнага здарэння, узгарання або выбуху транспартнага сродку, у выніку якіх застрахаваная асоба, якая знаходзіцца ў транспартным сродку, незалежна ад сваёй волі атрымала траўмы, раненні або іншыя цялесныя пашкоджанні, якія прывялі да растройства здароўя або смерці.

Скідка ў рамках Клубаў банка

Для ўдзельнікаў Клуба «Аксаміт», Клуба «Карт-бланш», Клуба #настарт, Клуба «Шчодры», Клуба «Лэдзі», Клуба «Персона» дагавор страхавання афармляецца са скідкай 15%.

Дакументы для скачвання

Табліца памераў страхавога забеспячэння, у сувязі са страхавымі выпадкамі

Узор дагавору

Інфармацыя аб умовах добраахвотнага страхавання

ПРАВІЛЫ №5

Страхавыя паслугі ў рамках добраахвотнага страхавання вадзіцеляў і пасажыраў ад няшчасных выпадкаў ААТ «ААБ Беларусбанк» аказвае на падставе дагавора даручэння ад 13.10.2011 № 151-1770 ад імя БРУСП «Белдзяржстрах» (220036, Мінск, вул. К.Лібкнехта, 70, УНП 100122726, спецыяльны дазвол (ліцэнзія) на права ажыццяўлення страхавой дзейнасці № 02200/13-00001, сайт www.bgs.by).

Пытанне-адказ

Страхоўка афармляецца на аўтамабіль, зарэгістраваны за межамі Рэспублікі Беларусь?

Так, але тэрыторыя дзеяння дагавора страхавання – Рэспубліка Беларусь. Страхавальнікам можа быць, як грамадзянін РБ, так і замежны грамадзянін. Транспартны сродак можа быць зарэгістраваны як у Рэспубліцы Беларусь, так і не ў Рэспубліцы Беларусь, але дзеянне дагавора страхавання распаўсюджваецца на тыя выпадкі, якія адбыліся на тэрыторыі РБ.

Дзе можна аформіць дагавор страхавання?

Паслуга даступна толькі ў аддзяленнях банка.

Калі здарыцца дзве аварыі ў годзе, як ажыццяўляецца выплата?

Выплата будзе ажыццяўляцца па кожным страхавым выпадку ў межах агульнай страхавой сумы па дагаворы страхавання.

Калі застрахаваны матацыкл, у выпадку ДТЗ пацярпеў толькі вадзіцель (пасажыр адсутнічаў), выпадак страхавы?

Так, страхавая сума будзе вызначана як 40% ад агульнай страхавой сумы па дагаворы страхавання (г. зн. 5 600 руб.).