Добраахвотнае комплекснае страхаванне хатніх жывёл і звязаных з імі выдаткаў «З клопатам пра гадаванца»
Для катоў і сабак ад 3 месяцаў да 12 гадоў
Распаўсюджваецца на ўкусы кляшчоў
Дзейнічае па ўсім свеце
Нашы гадаванцы – не проста хатнія жывёлы. Яны – паўнапраўныя члены сям’і, сапраўдныя сябры, крыніцы радасці і натхнення. Іх любоў да нас безумоўная, а вернасць не ведае межаў. Праграма добраахвотнага комплекснага страхавання хатніх жывёл і звязаных з імі выдаткаў З клопатам пра гадаванца» – гэта выдатнае рашэнне для здароўя і дабрабыту братоў нашых меншых.
Калі чацвераногі сябар захварэў, пацярпеў ад неправамерных дзеянняў трэціх асоб або з ім здарыўся няшчасны выпадак, страхавая праграма «З клопатам пра гадаванца» дазволіць кампенсаваць выдаткі на ветэрынарнае абслугоўванне жывёлы, яе транспарціроўку для аказання дапамогі, набыццё прызначаных прэпаратаў і лячэбнага харчавання. Таксама дагавор прадугледжвае пакрыццё расходаў, звязаных з вышукам украдзенага гадаванца. Выплаты будуць і ў тым выпадку, калі гадаванец з-за агрэсіі або непрадбачаных паводзін прычыніў шкоду здароўю або маёмасці іншых людзей.
Страхоўка афармляецца на здаровых кошак або сабак ва ўзросце ад 3 месяцаў да 12 гадоў, пры гэтым жывёла павінна мець дакумент (напрыклад, сертыфікат аб паходжанні, ветэрынарны пашпарт, ветэрынарная кніжка) або мікрачып ці вытатуіраваны рэгістрацыйны нумар.
Дагавор заключаецца на аднаго гадаванца і дзейнічае ва ўсіх краінах свету на працягу 1 года з дня, наступнага за днём афармлення дагавора.
Страхаванне не распаўсюджваецца на выпадкі ажыццяўлення выдаткаў на ветэрынарнае абслугоўванне і (або) дадатковых выдаткаў у сувязі з захворваннем, якое настала на працягу 14 дзён з даты ўступлення дагавора страхавання ў сілу.
- выдаткі на ветэрынарнае абслугоўванне: кансультацыі (у ветэрынарнага ўрача агульнага профілю, вузкіх спецыялістаў, пры неадкладнай ветэрынарнай дапамозе), хірургічныя ўмяшанні, даследаванні (лабараторныя аналізы, рэнтген, УГД, МРТ);
- выдаткі па транспарціроўцы захварэўшай або пацярпелай жывёлы ў ветэрынарную клініку і з яе (50 рублёў);
- выдаткі на прызначаныя ўрачом ветэрынарныя прэпараты;
- выдаткі на лячэбнае харчаванне (120 рублёў);
-
выдаткі на эўтаназію, крэмацыю, а таксама іншыя звязаныя з пахаваннем жывёлы траты ў выпадку наступлення яго смерці або стану, несумяшчальнага з жыццём, з-за хваробы, няшчаснага выпадку, стыхійнага бедства, неправамерных дзеянняў трэціх асоб (120 рублёў);
-
выдаткі на вышук украдзенай жывёлы (50 рублёў);
- выдаткі, у тым ліку судовыя, якія звязаныя з абавязацельствамі, якія ўзніклі ў выпадку прычынення шкоды здароўю і маёмасці іншых людзей з-за агрэсіўных або непрадбачных паводзін застрахаванай жывёлы.
|
Кошка |
||
|---|---|---|
|
Страхавая сума, рублёў |
1000 |
3000 |
|
Страхавы ўзнос, рублёў |
150,0 |
450,0 |
|
Сабака |
||
| Страхавая сума, рублёў | 1000 | 3000 |
| Страхавы ўзнос, рублёў | 180,0 | 540,0 |
Страхавая сума па дагаворы страхавання ўстанаўліваецца ў памеры 1000 і 3000 рублёў, у тым ліку па дадатковых выдатках:
- на вышук (50 рублёў);
- па дастаўцы (50 рублёў);
- на лячэбнае харчаванне (120 рублёў);
- на пахаванне хатняй жывёлы (120 рублёў).
Па дагаворы страхавання ўстанаўліваецца франшыза ў памеры 30% па выдатках на ветэрынарнае абслугоўванне па кожным страхавым выпадку, гэта значыць страхавая кампанія пакрые 70% ад выдаткаў, накіраваных на дыягностыку і лячэнне гадаванца ў сувязі з хваробай пры кожным звароце ў ветэрынарную ўстанову.
-
Ва ўстанове банка:
Каб застрахаваць гадаванца, неабходна звярнуцца ў аддзяленне «Беларусбанка».
-
У Інтэрнэт-банкінгу:
- Выберыце страхавую паслугу.
- Пазначце інфармацыю пра сябе.
- Пасля азнаямлення з прапановай (афертай), правіламі страхавання, дайце згоду на заключэнне дагавора страхавання па праграме «Абарона фінансаў і здароўя», аплаціце страхавую паслугу банкаўскай плацежнай карткай.
- Атрымайце паведамленне аб заключэнні дагавора страхавання. Дагавор страхавання заключаецца ў пісьмовай форме на падставе прапановы (аферты) шляхам абмену дакументамі з дапамогай электроннай сувязі, якія могуць быць адлюстраваны на папяровым носьбіце і прызнаюцца роўнымі па юрыдычнай сіле адпаведным папяровым дакументам, якія афармляюцца пры здзяйсненні аналагічных аперацый ва ўстанове банка асабіста кліентам, і спараджаюць аналагічныя ім правы і абавязкі бакоў.
Не пазней, чым праз тры працоўныя дні пасля наступлення страхавога выпадку або таго моманту, калі пра яго стала вядома, неабходна асабіста або па пошце звярнуцца ў ЗАСТ «Прамтрансінвест» з пісьмовай заявай аб выплаце страхавога пакрыцця.
Падрабязная інфармацыя аб парадку звароту да ЗАСТ «Прамтрансінвест» і пералік дакументаў для вырашэння пытання аб страхавой выплаце размешчаны на сайце.
Страхавыя паслугі ў рамках добраахвотнага комплекснага страхавання хатніх жывёл і звязаных з імі выдаткаў «З клопатам пра гадаванца» аказвае ААТ «ААБ Беларусбанк» на падставе дагавора даручэння ад 24.05.2018 №BY44AKBB38190000089520000000 ад імя ЗАСТ «Прамтрансінвест» (закрытае акцыянернае страхавое таварыства «Прамтрансінвест», Рэспубліка Беларусь, горад Мінск, 220026, вуліца Пляханава, 8, 2 паверх, УНП 100357923, спецыяльны дазвол (ліцэнзія) на права ажыццяўлення страхавой дзейнасці №41200000058849 выдадзена на падставе рашэння Міністэрства фінансаў Рэспублікі Беларусь ад 25.03.2004 №127, сайт https://promtransinvest.by/).
