Абавязковае страхаванне грамадзянскай адказнасці ўладальнікаў транспартных сродкаў на тэрыторыі Рэспублікі Беларусь
Дагавор па гэтым відзе страхавання заключаецца ад імя БРУСП «Белдзяржстрах» з фізічнымі асобамі ў дачыненні да транспартных сродкаў, уласнікам якіх з’яўляецца фізічная асоба (індывідуальны прадпрымальнік).
Пры заключэнні дагавора абавязковага страхавання грамадзянскай адказнасці ўладальнікаў транспартных сродкаў на тэрыторыі Рэспублікі Беларусь неабходна мець пры сабе пасведчанне аб рэгістрацыі (тэхнічны пашпарт) транспартнага сродку, а ў выпадку нявыдачы пасведчання аб рэгістрацыі (тэхнічнага пашпарта) транспартнага сродку або наяўнасці пасведчання аб рэгістрацыі (тэхнічнага пашпарта) транспартнага сродку з адзнакай аб зняцці транспартнага сродку з уліку, права ўласнасці на якое перайшло да іншай асобы (новага ўласніка) – іншы дакумент, які пацвярджае права ўласнасці на транспартны сродак (законнасць набыцця (атрымання) транспартнага сродку (напрыклад, пасведчанне аб праве на спадчыну, зарэгістраваныя (засведчаныя) ва ўстаноўленым парадку дагаворы куплі-продажу, дарэння і г.д.), і дакумент, які сведчыць асобу.
Аплата страхавога ўзносу ажыццяўляецца ў беларускіх рублях. Памеры страхавых тарыфаў, у т. л. прымяняемых скідак, ажыццяўляецца ў парадку, устаноўленым заканадаўствам, і з’яўляецца адзіным для ўсіх страхавых кампаній, якія ажыццяўляюць гэты від страхавання.
Дагавор унутранага страхавання заключаецца, як правіла, на адзін год.
У структурных падраздзяленнях банка, непасрэдна праз касы банка, а таксама з выкарыстаннем дыстанцыйных каналаў продажаў праз сістэму «Разлік» можна аплаціць 2-ю частку страхавога ўзносу па страхавых полісах Белдзяржстраха, незалежна ад месца аплаты першай часткі.
За больш падрабязнай інфармацыяй вы можаце звярнуцца па тэлефоне (8 017) 269-26-03 або наведаўшы афіцыйны сайт Белдзяржстраха www.bgs.by.
Увага!
Па пытаннях датэрміновага спынення дагавораў страхавання, заключаных з БРУСП «Белдзяржстрах», выдачы дублікатаў узамен згубленых страхавых пасведчанняў, унясення змяненняў ва ўмовы заключаных дагавораў страхавання, вяртання страхавальнікам выплачаных імі страхавых узносаў, пакрыцця шкоды па названых дагаворах, неабходна звяртацца ў філіялы і прадстаўніцтвы БРУСП «Белдзяржстрах».
Страхавыя паслугі ў рамках абавязковага страхавання грамадзянскай адказнасці ўладальнікаў транспартных сродкаў на тэрыторыі Рэспублікі Беларусь аказвае ААТ «ААБ Беларусбанк» на падставе дагавора даручэння ад 09.12.2015 №3819000418948 ад імя Беларускага рэспубліканскага ўнітарнага страхавога прадпрыемства «Белдзяржстрах» (220036, Мінск, вул. К.Лібкнехта, 70, УНП 100122726, спецыяльны дазвол (ліцэнзія) на права ажыццяўлення страхавой дзейнасці № 02200/13-00001, сайт www.bgs.by).
