Проверь.бел — новы сэрвіс дапаможа выявіць махлярскія акаўнты
У Беларусі запушчаны ўнікальны сайт Проверь.бел (або praver.by), які змяшчае звесткі аб акаўнтах у сацыяльных сетках і мэсанджарах, якія з’яўляюцца махлярскімі. Цяпер любы карыстальнік можа хутка праверыць, ці з’яўляецца падазроны акаўнт у сацыяльнай сетцы махлярскім.
«Проверь.бел» — сэрвіс праверкі інтэрнэт-рэсурсаў
Сэрвіс дазваляе:
праверыць інтэрнэт-рэсурсы на прыкметы махлярства;
выявіць падробленыя акаўнты ў папулярных сацыяльных сетках і мэсанджарах;
атрымаць інфармацыю аб тым, ці трапляў дадзены рэсурс у поле зроку праваахоўных органаў;
перадаць інфармацыю аб інтэрнэт-рэсурсе, які можа з’яўляцца махлярскім, але даныя аб ім адсутнічаюць.
Для праверкі інтэрнэт-рэсурса дастаткова ўвесці імя акаўнта або спасылку на яго ў спецыяльную форму на сайце
Важна помніць:
адсутнасць у базе інфармацыі аб дачыненні ўладальніка акаўнта да злачыннай дзейнасці не гарантуе бяспеку рэсурса.
Махляры ўсё часцей атакуюць дзяцей:
новы інструмент - IP-тэлефанія
Махляры выкарыстоўваюць дзяцей і падлеткаў не толькі для крадзяжу грашовых сродкаў бацькоў, але і для выканання функцый кур’ера для перадачы грашовых сродкаў, украдзеных у іншых ахвяр.
Для падману зламыснікі выкарыстоўваюць IP-тэлефанію – тэхналогію падмены нумароў
Як паведамляе МУС Беларусі, махляры, прадставіўшыся супрацоўнікамі праваахоўных органаў, пераканалі 13-гадовага падлетка з Мінска перадаць бацькоўскія зберажэнні нібыта «для праверкі ў Нацыянальны Банк». Для пераканаўчасці зламыснікі выкарыстоўвалі нумар, зменены з дапамогай IP-тэлефаніі і які супадае з рэальным нумарам дзяржорганаў пры пошуку ў інтэрнэце. Махінацыя была здзейснена з прымяненнем ціску і пагроз аб крымінальнай адказнасці. Кур’ерам выступіла 12-гадовая мінчанка, якую падманулі па аналагічнай схеме.
Навучыце дзяцей:
пры любых званках з пагрозамі ці патрабаваннямі грошай трэба неадкладна пакласці трубку і паведаміць дарослым.
Фінансавая бяспека пачынаецца з уважлівасці і своечасовай праверкі інфармацыі
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.
