Не толькі плацежныя карты, але і карты лаяльнасці. Мабільны банкінг Беларусбанка пашырыў функцыянал
У мабільным дадатку M-Belarusbank пачаў працу новы раздзел «Карты лаяльнасці», які дазваляе аблічбоўваць бонусныя і дысконтныя карты розных гандлёвых сетак. Цяпер для прымянення скідкі або залічэння балаў дастаткова паказаць прадаўцу штрыхкод прама з экрана смартфона.
Новая опцыя дазваляе адмовіцца ад захоўвання дзясяткаў пластыкавых носьбітаў і неабходнасці мець іх пры сабе. Сама працэдура аблічбоўкі інтуітыўна зразумелая і займае літаральна некалькі секунд.
Каб дадаць новую карту, неабходна:
Перайсці ў раздзел «Карты лаяльнасці» або націснуць іконку «+» на віджэце галоўнага экрана;
Выбраць з прапанаванага спісу або скарыстацца функцыяй «Дадаць карту не са спісу»;
Адсканіраваць штрыхкод пластыкавага носьбіта з дапамогай камеры смартфона або ўвесці яго нумар ўручную.
Профіль карыстальніка падтрымлівае захоўванне да 100 розных карт лаяльнасці. Усе ўнесеныя даныя надзейна прывязваюцца да нумара тэлефона і размяшчаюцца на абароненых серверах банка.
Падобная сінхранізацыя забяспечвае поўную захаванасць інфармацыі: пры замене мабільнага ўстройства і паўторнай аўтарызацыі ў дадатку ўвесь пералік карт аднаўляецца аўтаматычна. У сваю чаргу, выдаліць неактуальную карту можна ў любы момант.
Для атрымання доступу да новага сэрвісу кліентам неабходна абнавіць мабільны дадатак M-Belarusbank да апошняй версіі ў афіцыйных магазінах дадаткаў.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.
