Памятныя і зліткавыя (інвестыцыйныя) манеты, памятныя банкноты

Памятныя манеты, памятныя банкноты Нацыянальнага банка

ААТ «ААБ Беларусбанк» рэалізуе памятныя манеты Нацыянальнага банка Рэспублікі Беларусь з золата, серабра і медна-нікелевага сплаву, памятныя банкноты Нацыянальнага банка Рэспублікі Беларусь, якія могуць стаць выдатным падарункам да любога свята, карпаратыўнага мерапрыемства, інструментам для інвестыцый.

Памятная манета - манета з каштоўнага або некаштоўнага метала, вырабленая з прымяненнем складаных тэхналогій чаканкі, выпушчаная ў абарачэнне Нацыянальным банкам Рэспублікі Беларусь, забяспечаная інфармацыйнай прадукцыяй на папяровым і (або) электронным носьбіце, а таксама дакументам, які пацвярджае яе сапраўднасць (для памятнай манеты, якая змяшчае каштоўны метал).

Памятная банкнота - банкнота выпушчаная ў абарачэнне Нацыянальным банкам, якая мае спецыяльны наклад, адрозніваецца ад іншых, якія знаходзяцца ў абарачэнні банкнот дадатковымі элементамі.

Зліткавыя (інвестыцыйныя) манеты Нацыянальнага банка

Зліткавая (інвестыцыйная) манета - манета з каштоўнага металу, выпушчаная ў абарачэнне Нацыянальным банкам Рэспублікі Беларусь, забяспечаная інфармацыйнай прадукцыяй на папяровым і (або) электронным носьбіце, а таксама дакументам, які пацвярджае яе сапраўднасць.

ААТ «ААБ Беларусбанк» ажыццяўляе куплю і продаж зліткавых (інвестыцыйных) манет Нацыянальнага банка Рэспублікі Беларусь.

Азнаёміцца з цэнамі куплі-продажу зліткавых (інвестыцыйных) манет Нацыянальнага банка Рэспублікі Беларусь і ўмовамі пакупкі зліткавых (інвестыцыйных) манет у фізічных асоб ААТ «ААБ Беларусбанк» можна па наступных спасылках:

Цэны куплі-продажу зліткавых (інвестыцыйных) манет

Умовы куплі зліткавых (інвестыцыйных) манет у фізічных асоб

ІНФАРМАЦЫЯ АБ ПАМЯТНЫХ БАНКНОТАХ, ПАМЯТНЫХ І ЗЛІТКАВЫХ (ІНВЕСТЫЦЫЙНЫХ) МАНЕТАХ НАЦЫЯНАЛЬНАГА БАНКА

Памятныя банкноты, памятныя і зліткавыя (інвестыцыйныя) манеты з'яўляюцца законным плацежным сродкам Рэспублікі Беларусь, праходзяць кантроль якасці і пры выпуску ў абарачэнне Нацыянальным банкам маюць належную якасць. Дапускаецца продаж памятных і зліткавых (інвестыцыйных) манет, якія могуць мець дапушчальныя тэхналагічна абумоўленыя адхіленні (бачныя вокам малапрыкметныя драпіны, нязначныя скосы, выбоіны і задзірыны на канце і гурте, вар'іраванне інтэнсіўнасці бляску маціраванай паверхні на памятных і зліткавых (інвестыцыйных) манетах), наяўнасць якіх не з'яўляецца падставай для аднясення іх да манет неналежнай якасці.

Памятныя і зліткавыя (інвестыцыйныя) манеты пры захоўванні як да іх продажу, так і пасля іх продажу схільныя натуральнаму працэсу акіслення, па прычыне якога могуць узнікаць нязначныя плямы на паверхні манет. Наяўнасць плям не адбіваецца на спажывецкіх уласцівасцях манеты, не ўплывае на ўтрыманне каштоўнага металу ў манеце і не з'яўляецца перашкодай для продажу памятных і зліткавых (інвестыцыйных) манет.

Памятныя і зліткавыя (інвестыцыйныя) манеты рэкамендуецца захоўваць у капсуле, блістарнай упакоўцы, футляры, каб пазбегнуць дадатковага кантакту з знешнім асяроддзем і парушэння паверхні манет. Капсулу, блістарную ўпакоўку, у якую змешчана памятная і зліткавая (інвестыцыйная) манета, адкрываць не рэкамендуецца.

Памятныя банкноты, памятныя і зліткавыя (інвестыцыйныя) манеты прадаюцца ААТ «ААБ Беларусбанк» па цэнах, якія адрозніваюцца ад намінальнага кошту, і могуць з'яўляцца прадметамі калекцыянавання, інвестыцыяй, а таксама прымацца банкамі па намінальным кошце ў якасці законнага плацежнага сродку Рэспублікі Беларусь, калі іншае не ўстаноўлена заканадаўствам. Памятныя манеты з каштоўных металаў, а таксама зліткавыя (інвестыцыйныя) манеты прымаюцца ААТ «ААБ Беларусбанк» толькі пасля правядзення экспертызы сапраўднасці каштоўнага металу ў падраздзяленнях банка, якія ажыццяўляюць куплю каштоўных металаў у фізічных асоб у выглядзе манет і мерных зліткаў.

Памятныя банкноты, памятныя і зліткавыя (інвестыцыйныя) манеты належнай якасці не падлягаюць абмену і вяртанню пасля іх продажу.

ААТ «ААБ Беларусбанк» ажыццяўляе куплю ў фізічных асоб зліткавых (інвестыцыйных) манет па цэнах, вызначаных ААТ «ААБ Беларусбанк», якія адрозніваюцца ад намінальнага кошту. Набываемыя ААТ «ААБ Беларусбанк» зліткавыя (інвестыцыйныя) манеты не павінны мець слядоў абарачэння (механічных пашкоджанняў, плям і ўключэнняў, слядоў паціны і акіслення металу, дэфармацый, ярка выражаных драпін, пацёртасцяў, спілаў і саскобаў) і павінны знаходзіцца ў капсуле, якая пры куплі адкрываецца работнікам банка для правядзення экспертызы.