Парадак налічэння працэнтаў на суму сродкаў, якія захоўваюцца на рахунках

Налічэнне працэнтаў на суму сродкаў,якія захоўваюцца на рахунках, да якіх аформлены карткі фізічных асоб, ажыццяўляецца штомесячна (у апошні працоўны дзень месяца). У гэты ж дзень налічаная сума працэнтаў далучаецца да астатку сродкаў на рахунку кліента.* Пры налічэнні працэнтаў колькасць дзён у годзе прымаецца за 360, колькасць дзён у месяцы – за 30. Разлік працэнтаў ажыццяўляецца шляхам іх налічэння на штодзённы астатак рахунку кліента, пры гэтым астатак разлічваецца па даце ажыццяўлення аперацыі з выкарыстаннем карткі або яе рэквізітаў. У выпадку, калі аперацыі, здзейсненыя ў папярэднім месяцы, адлюстраваны па рахунку кліента ў бягучым месяцы, пералік працэнтаў за папярэдні месяц не ажыццяўляецца, а астатак на пачатак бягучага месяца карэкціруецца на сумы аперацый папярэдняга месяца.