Міжнародныя банкаўскія пераводы

1.

Ідэнтыфікатар плацежнага даручэння

Пазначаецца назва, нумар і дата разліковага дакумента:

плацежнае даручэнне;

нумар плацежнага даручэння лічбамі, сімваламі;

дата складання плацежнага даручэння.

Дата пазначаецца адным з наступных спосабаў:

у фармаце ГГММДД;

у фармаце, вызначаным стандартамі правядзення разлікаў;

славесна-лічбавым спосабам.

2.

Прыкмета пераводу

Для міжнародных банкаўскіх пераводаў фізічных асоб заўсёды пазначаецца «NORM».

3.

Сума і валюта пераводу

Пазначаецца сума лічбамі і пропіссю, валюта грашовых сродкаў, якія падлягаюць пералічэнню па банкаўскім пераводзе. Дробавая частка сумы аддзяляецца ад цэлай часткі кропкай або коскай. У выпадку адсутнасці ў суме пераводу дробавай часткі пасля кропкі або коскі прастаўляюцца лічбы «00».

У суме пераводу ў замежнай валюце, якая не мае дробавай часткі, лічбы «00» могуць не пазначацца, калі гэта прадугледжана правіламі сістэм разлікаў (перадачы) інфармацыі. Код валюты пазначаецца ў адпаведнасці з даведнікам кодаў валют. Напрыклад, беларускі рубель – BYN, расійскі рубель – RUB, кітайскі юань – CNY, еўра – EUR, долар ЗША – USD.

4.

Бакі пераводу

Пазначаюцца рэквізіты бакоў па банкаўскім пераводзе:

плацельшчык (пры ажыццяўленні міжнароднага банкаўскага пераводу па даверанасці пазначаюцца прозвішча, уласнае імя, імя па бацьку (калі такое маецца) даверніка (асобы, па даручэнні і ад імя якой ажыццяўляецца міжнародны банкаўскі перавод);

бенефіцыяр;

фактычны плацельшчык (асоба, перад якой плацельшчыкам выконваюцца грашовыя абавязацельствы або за якое плацельшчык ажыццяўляе пералічэнне грашовых сродкаў (запаўняецца ў выпадку, калі плацельшчык адрозніваецца ад фактычнага плацельшчыка)). У выпадку ажыццяўлення пераводу з рахунку па даверанасці давераная асоба ў «фактычным плацельшчыку» не пазначаецца, рэквізіт не запаўняецца;

фактычны бенефіцыяр (асоба, якой прызначаны грашовыя сродкі, пералічаныя па банкаўскім пераводзе на карысць бенефіцыяра (запаўняецца ў выпадку, калі бенефіцыяр адрозніваецца ад фактычнага бенефіцыяра)). Пры ажыццяўленні плацяжу не на рахунак контрагента па валютным дагаворы, а трэцім асобам у рэквізіце «фактычны бенефіцыяр» пазначаюцца назва і краіна рэгістрацыі юрыдычнай асобы або прозвішча, імя ўласнае, імя па бацьку (калі такое маецца) і рэзідэнцтва фізічнай асобы, якая з’яўляецца бокам па валютным дагаворы, іншая інфармацыя пры наяўнасці.

4.1

Статус бока

Пазначаецца статус бока.

У плацежным даручэнні пазначаецца статус бока пераводу згодна здаведнікам N061:

INA – Адвакат;

INB – Банк;

INI – Індывідуальны прадпрымальнік;

INL – Суд;

INN –  Юрыдычная асоба;

INP –  Фізічная асоба;

INU – Натарыус;

INZ –  Іншы статус плацельшчыка;

IZP - Фізічная асоба без рэгістрацыйных даных.

У плацежных даручэннях на міжнародны банкаўскі перавод рэквізіт «Статус бока» для фізічнай асобы можа не пазначацца.

4.2.

Назва

Пазначаюцца скарочаная назва бока (удзельніка) пераводу юрыдычнай асобы і (або) прозвішча, уласнае імя, імя па бацьку (калі такое маецца) фізічнай асобы, індывідуальнага прадпрымальніка, натарыуса.

Пры ажыццяўленні міжнароднага банкаўскага пераводу прозвішча, уласнае імя, імя па бацьку (калі такое маецца) плацельшчыка пазначаюцца на рускай мове і з выкарыстаннем лацінскай транслітарацыі, акрамя плацежных даручэнняў у расійскіх рублях.

У плацежных даручэннях у расійскіх рублях назва пазначаецца на рускай мове (дапускаюцца лацінскія сімвалы) у выпадку, калі банк-атрымальнік – рэзідэнт Расійскай Федэрацыі, у іншых выпадках на англійскай мове або на мове краіны бенефіцыяра з выкарыстаннем лацінскай графікі

4.3.

Адрас

Пазначаюцца рэквізіты, якія дазваляюць адназначна ідэнтыфікаваць месцазнаходжанне бока пераводу:

месца знаходжання для юрыдычнай асобы або месца жыхарства і (або) месца знаходжання для фізічнай асобы з выкарыстаннем лацінскай транслітарацыі для міжнародных пераводаў, акрамя плацежных даручэнняў у расійскіх рублях у выпадку, калі банк-атрымальнік – рэзідэнт Расійскай Федэрацыі.

Пры банкаўскім пераводзе без адкрыцця рахунку дадаткова пазначаецца кантактны нумар тэлефона плацельшчыка (пры наяўнасці).

Для міжнародных банкаўскіх пераводаў, а таксама банкаўскіх пераводаў па валютных аперацыях дадаткова пазначаецца:

- краіна рэгістрацыі бенефіцыяра (фактычнага бенефіцыяра) (рэзідэнцтва бенефіцыяра (фактычнага бенефіцыяра) – фізічнай асобы);

- для краін, якія ўваходзяць у пералік афшорных зон – дзяржаў (тэрыторый), у якіх дзейнічае льготны падатковы рэжым і (або) не прадугледжваецца раскрыццё і прадастаўленне інфармацыі аб фінансавых аперацыях, – назва адміністрацыйнага раёна (штата, тэрыторыі).

4.4.

Сведчы дакумент

Пазначаюцца рэквізіты сведчага дакумента бока пры ажыццяўленні пераводу грашовых сродкаў без адкрыцця рахунку боку, а таксама ў выпадках, устаноўленых заканадаўствам, рэквізіты дакумента, які сведчыць асобу, бока – фізічнай асобы:

серыя і нумар;

дата выдачы;

назва органа, які выдаў дакумент.

Для грамадзян Рэспублікі Беларусь, замежных грамадзян і асоб без грамадзянства, якія маюць від на жыхарства ў Рэспубліцы Беларусь, у якасці рэквізітаў дакумента, які сведчыць асобу, выкарыстоўваецца ідэнтыфікацыйны нумар. Іншыя рэквізіты неабходны толькі ў выпадку адсутнасці ідэнтыфікацыйнага нумара ў дакуменце, які сведчыць асобу.

4.5.

УНП/ІНН

Пазначаецца пры наяўнасці УНП/ІНН бока па банкаўскім пераводзе.

У плацежных даручэннях на міжнародны банкаўскі перавод рэквізіты «Статус» і «УНП» для фізічнай асобы могуць не пазначацца.

Рэквізіты «Статус» і «УНП» для юрыдычнай асобы абавязковыя да запаўнення. У выпадку адсутнасці ў юрыдычнай асобы нерэзідэнта УНП, прастаўляецца значэнне «999999999».

Асаблівасці пазначэння ідэнтыфікацыйнага нумара нерэзідэнта пры выкананні плацежных даручэнняў у розных відах валют:

у расійскіх рублях – ІНН бенефіцыяра;

у тэнге – БІН (бізнес-ідэнтыфікацыйны нумар для юрыдычных асоб) або ІІН (індывідуальны ідэнтыфікацыйны нумар для фізічных асоб).

Ідэнтыфікацыйны нумар нерэзідэнта для юрыдычнай асобы-нерэзідэнта пазначаецца ў рэквізіце «Бенефіцыяр» у субполі «ідэнтыфікацыйны нумар нерэзідэнта/іншы ідэнтыфікацыйны нумар» (у выпадку наяўнасці).

Код КПП бенефіцыяра ў плацежным даручэнні на міжнародны перавод у Расійскую Федэрацыю можа пазначацца праз коску ў субполі «Ідэнтыфікацыйны нумар нерэзідэнта».

4.6.

Рахунак

Пазначаецца нумар рахунку бока па банкаўскім пераводзе:

нумар рахунку ў банку-адпраўшчыку, з якога ажыццяўляецца спісанне грашовых сродкаў;

нумар рахунку ў банку-атрымальніку, на які залічваюцца грашовыя сродкі.

Нумар рахунку пазначаецца ў фармаце IBAN або ў фармаце, які адрозніваецца ад IBAN, згодна са стандартамі краіны, у якой зарэгістраваны банк.

Можа пазначацца рахунак, прызначаны для ўліку сродкаў на часовай аснове. У выпадку вядзення зборных асабовых рахункаў па аперацыях з фізічнымі асобамі пазначаюцца зборны асабовы рахунак і рахунак фізічнай асобы, адкрыты да зборнага асабовага рахунку.

Пры ажыццяўленні банкаўскага пераводу без адкрыцця рахунку нумар рахунку бока па банкаўскім пераводзе не пазначаецца

5.

Удзельнік пераводу

Пазначаюцца рэквізіты ўдзельніка па банкаўскім пераводзе:

банк-адпраўшчык;

банк-атрымальнік;

банк-карэспандэнт банка-адпраўшчыка (пры наяўнасці);

банк-карэспандэнт банка-атрымальніка (пры наяўнасці).

Калі банкам-адпраўшчыкам, банкам-атрымальнікам пераводу з’яўляецца замежны банк, у рэквізіце пазначаюцца наступныя звесткі:

назва;

банкаўскі ідэнтыфікацыйны код;

краіна рэгістрацыі ў выпадках, прадугледжаных заканадаўствамі краін або пагадненнямі (дагаворамі) паміж банкам і яго банкам-карэспандэнтам і іншая неабходная інфармацыя ў выпадку ажыццяўлення плацяжоў у замежнай валюце.

Калі удзельнікам па банкаўскім пераводзе з’яўляецца банк-карэспандэнт банка-адпраўшчыка, у рэквізіце пазначаюцца наступныя звесткі:

назва;

банкаўскі ідэнтыфікацыйны код;

краіна рэгістрацыі ў выпадках, прадугледжаных заканадаўствамі краін або пагадненнямі (дагаворамі) паміж банкам-адпраўшчыкам і карэспандэнтам;

рахунак, адкрыты банку-адпраўшчыку ў банку-карэспандэнце.

Калі ўдзельнікам па банкаўскім пераводзе з’яўляецца банк-карэспандэнт банка-атрымальніка, пазначаюцца яго:

назва;

банкаўскі ідэнтыфікацыйны код;

краіна рэгістрацыі;

рахунак, адкрыты банку-атрымальніку ў банку-карэспандэнце

Назва ўдзельніка і адрас

Пазначаюцца назва ўдзельніка, краіна рэгістрацыі ўдзельніка, для краін, якія ўваходзяць у пералік афшорных зон – дзяржаў (тэрыторый), у якіх дзейнічае льготны падатковы рэжым і (або) не прадугледжваецца раскрыццё і прадастаўленне інфармацыі аб фінансавых аперацыях, – назва адміністрацыйнага раёна (штата, тэрыторыі) і іншая неабходная інфармацыя ў выпадку ажыццяўлення плацяжоў у замежнай валюце.

Банкаўскі ідэнтыфікацыйны код удзельніка

Пазначаецца банкаўскі ідэнтыфікацыйны код банка для банкаў Рэспублікі Беларусь у адпаведнасці з патрабаваннямі нарматыўных прававых актаў Нацыянальнага банка.

Пазначаецца банкаўскі ідэнтыфікацыйны код у сістэме SWIFT (пажадана) або код у нацыянальнай плацежнай сістэме для замежных банкаў.

Для пераводаў у еўра магчыма пазначэнне наступнага кода (банк-атрымальнік – рэзідэнт Германіі): BLZ – у плацежным даручэнні пазначаецца 8 лічбаў;

У плацежных даручэннях у расійскіх рублях у субполі «Код банка» прастаўляецца значэнне ідэнтыфікацыйнага кода банка ў нацыянальнай плацежнай сістэме (БІК) – пазначаецца 9 лічбаў. У плацежных даручэннях у расійскіх рублях для банка-атрымальніка – рэзідэнта Расійскай Федэрацыі дадаткова пазначаецца яго карэспандэнцкі рахунак.

У плацежных даручэннях у беларускіх рублях пазначаецца банкаўскі ідэнтыфікацыйны код банка-атрымальніка, прыняты ў нацыянальнай плацежнай сістэме, або код банка ў сістэме SWIFT.

У плацежных даручэннях у беларускіх рублях пазначаюцца банкаўскі ідэнтыфікацыйны код банка Рэспублікі Беларусь, у якім адкрыты рахунак 1702 замежнага банка, нумар рахунку 1702 замежнага банка, назва банка Рэспублікі Беларусь або замежнага банка або ідэнтыфікацыйны код замежнага банка, карэспандэнцкі рахунак замежнага банка ў беларускіх рублях. Гэта інфармацыя павінна быць запоўнена плацельшчыкам, банк-адпраўшчык можа аказаць садзейнічанне ў прадастаўленні інфармацыі па плацежных рэквізітах банка-карэспандэнта (у тым ліку нумары карэспандэнцкага рахунку замежнага банка), у выпадку яе наяўнасці.

Рахунак удзельніка

Нумар рахунку пазначаецца ў фармаце IBAN або ў фармаце, які адрозніваецца ад IBAN, згодна са стандартамі краіны, у якой зарэгістраваны ўдзельнік

6.

Прызначэнне плацяжу (пераводу)

Пазначаюцца звесткі, якія датычацца пераводу грашовых сродкаў (ажыццяўляемага плацяжу):

прызначэнне плацяжу (назва плацяжу, тавару, работы, паслугі, падатку, збору і да т. п.);

назвы, даты і нумары дакументаў, якія служаць падставай для ажыццяўлення валютнай аперацыі (пры адсутнасці нумара дакумента пазначаецца: «б/н»), і (або) назва, артыкул (пункт) акта заканадаўства, у адпаведнасці з якімі ажыццяўляецца гэты плацеж (пры неабходнасці);

іншая неабходная інфармацыя ў адпаведнасці з патрабаваннямі валютнага і (або) бюджэтнага заканадаўства.

Калі аплата ажыццяўляецца адным плацяжом па некалькіх валютных дагаворах, інфармацыя аб нумары і даце валютнага дагавора пазначаецца па кожным валютным дагаворы асобна з разбіўкай па сумах.

Па валютных аперацыях дадаткова рэквізіт павінен змяшчаць запіс: «Перавод не звязаны з прадпрымальніцкай дзейнасцю», а таксама ва ўстаноўленых валютным заканадаўствам выпадках запіс: «Перавод на карысць блізкага сваяка».

У плацежных даручэннях у расійскіх рублях у полі дадаткова пазначаецца код валютнай аперацыі, а таксама можа ўключацца сума падатку на дабаўлены кошт, дадатковыя рэквізіты для плацяжу ў бюджэтную сістэму Расійскай Федэрацыі ў выпадку неабходнасці.

Для мытных плацяжоў і плацяжоў у бюджэт Расійскай Федэрацыі дадаткова пазначаюцца:

код бюджэтнай класіфікацыі;

код тыпу аперацыі;

код АКТМУ;

код мытнага органа;

іншая дадатковая інфармацыя для плацяжоў у бюджэт Расійскай Федэрацыі.

У плацежных даручэннях у кітайскіх юанях дадаткова пазначаецца код прызначэння плацяжу.

6.1.

Код прызначэння плацяжу^[1]

Пазначаецца код прызначэння плацяжу ў адпаведнасці з Кадыфікатарам прызначэння плацяжу ў Рэспубліцы Беларусь, вызначаным стандартамі правядзення разлікаў, правіламі і (або) тэхнічнай дакументацыяй сістэмы разлікаў (перадачы інфармацыі).

Кадыфікатар прызначэння плацяжу, мае наступную структуру:

ЕЕЕЕ ХАВВСС, дзе

ЕЕЕЕ – код віду плацяжу па даведніку Е004 (лацінскія літары, лічбы);

Х – прыкмета плацяжу, якая прымае наступныя значэнні:

1 – плацеж;

0 – вяртанне плацяжу;

АВВСС – код КПП згодна з даведнікам N099

6.2.

 Спасылачны дакумент

Пры ажыццяўленні міжнародных банкаўскіх пераводаў рэквізіт можа не пазначацца

6.3.

Упаўнаважаны орган

Пры ажыццяўленні міжнародных банкаўскіх пераводаў рэквізіт можа не пазначацца

6.4.

Сума спасылачнага дакумента

Пры ажыццяўленні міжнародных банкаўскіх пераводаў рэквізіт можа не пазначацца

7.

Чарга

Пазначаецца ўмоўнае абазначэнне (код) чарговасці плацяжу ў адпаведнасці з Інструкцыяй аб парадку правядзення разлікаў з рахункаў, з электронных кашалькоў у чарговасці, устаноўленай заканадаўствам, зацверджанай пастановай Праўлення Нацыянальнага банка Рэспублікі Беларусь ад 29 сакавіка 2001г. № 63.

Для міжнародных банкаўскіх пераводаў фізічных асоб пазначаецца чарга: 21.

8.

Валютны дагавор

Пазначаецца рэгістрацыйны нумар валютнага дагавора (калі неабходнасць рэгістрацыі валютнага дагавора прадугледжана валютным заканадаўствам) або запіс аб тым, што валютны дагавор не падлягае рэгістрацыі.

Па валютных аперацыях фізічных асоб – рэзідэнтаў адлюстроўваецца інфармацыя аб рэгістрацыйным нумары валютнага дагавора, які складаецца з трох частак, падзеленых нахіленай рысай.

Першая частка складаецца з шасці разрадаў, прастаўляюцца злева направа:

дзве апошнія лічбы года, у якім рэгіструецца валютны дагавор;

лічбы, якія абазначаюць парадкавы нумар месяца, у якім рэгіструецца валютны дагавор (ад 01 да 12);

лічбы, якія абазначаюць дзень месяца, у які рэгіструецца валютны дагавор (ад 01 да 31).

Другая частка складаецца з шасці разрадаў: прастаўляюцца злева направа тры лічбы кода Нацыянальнага банка (042) і тры лічбы тыпу валютнага дагавора згодна з дадаткам 2 да Інструкцыі аб рэгістрацыі рэзідэнтамі валютных дагавораў, зацверджанай пастановай Праўлення Нацыянальнага банка Рэспублікі Беларусь ад 12.02.2021 № 37.

Трэцяя частка складаецца з пяці разрадаў: прастаўляецца злева направа парадкавы нумар валютнага дагавора, зарэгістраванага на вэб-партале ў каляндарным годзе (ад 00001 да 99999).

Або робіцца запіс: «Валютны дагавор не падлягае рэгістрацыі».

Калі аплата ажыццяўляецца адным плацяжом па некалькіх валютных дагаворах, то другія і наступныя даныя аб нумары і даце заключаных валютных дагавораў, а таксама прысвоеныя ім рэгістрацыйныя нумары, пазначаецца па кожным валютным дагаворы асобна з разбіўкай па сумах і адлюстроўваюцца ў рэквізіце «Прызначэнне плацяжу».

9.

Расходы па пераводзе

Пазначаецца асоба, за чый кошт спаганяецца ўзнагароджанне (з плацельшчыка; бенефіцыяра; з плацельшчыка – узнагароджанне (плата) банка-адпраўшчыка, а з бенефіцыяра – узнагароджанне (плата) іншых банкаў, замежных банкаў; іншы варыянт), або адпаведны ідэнтыфікатар, прадугледжаны стандартамі правядзення разлікаў, правіламі і (або) тэхнічнай дакументацыяй сістэмы разлікаў (перадачы інфармацыі) згодна з даведнікам N100.

Для міжнародных банкаўскіх пераводаў фізічных асоб заўсёды пазначаецца «DEBT».

10.

Інфармацыя аб падатках і зборах

Пазначаецца код плацяжу ў бюджэт і іншая інфармацыя, прадугледжаная бюджэтным заканадаўствам.

11.

Іншыя рэквізіты

Пазначаюцца іншыя рэквізіты, неабходныя да пазначэння ў адпаведнасці з:

патрабаваннямі заканадаўства, у тым ліку заканадаўства аб прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння,

валютнага і іншага заканадаўства;

заключаемымі дагаворамі;

правіламі і (або) тэхнічнай дакументацыяй сістэм разлікаў (перадачы інфармацыі), у якіх выкарыстоўваецца плацежная інструкцыя, звязаны дакумент (пры неабходнасці).

Адзнакі, якія прастаўляюцца (адлюстроўваюцца) кліентам (Банкам) на плацежным даручэнні

1.

Подпіс кліента

Прастаўляюцца подпісы, прозвішчы, ініцыялы або подпісы, прозвішчы, уласныя імёны, імёны па бацьку (калі такія маюцца):

фізічнай асобы або асобы, упаўнаважанай ёй распараджацца грашовымі сродкамі на рахунку.

Пры ажыццяўленні міжнароднага банкаўскага пераводу па даверанасці кліент робіць запіс: «Па даверанасці» з прастаўленнем подпісу, прозвішча, ініцыялаў або прозвішча, уласнага імя, імя па бацьку (калі такое маецца) даверанай асобы (асобы, якой даверана ажыццявіць міжнародны банкаўскі перавод).

2.

Подпіс банка

На выкананых (апрацаваных) плацежных даручэннях прастаўляюцца подпісы:

адказнага выканаўцы пункта продажаў;

асобы, упаўнаважанай ажыццяўляць дадатковы кантроль.

3.

Дата паступлення

Дата паступлення плацежнага даручэння на выкананне ў банк-адпраўшчык:

у фармаце ГГММДД;

у фармаце, вызначаным стандартамі правядзення разлікаў;

славесна-лічбавым спосабам.

4.

Час паступлення

Час паступлення плацежнага даручэння на выкананне ў банк-адпраўшчык у фармаце ГГММСС, прастаўляецца Банкам пры неабходнасці

5.

Штамп банка

Прастаўляецца адбітак (адлюстроўваецца) штампа Банка, які змяшчае:

дату выканання (апрацоўкі) Банкам плацежнага даручэння;

назву і код Банка, нумар адказнага выканаўцы (штампа Банка).

Банк самастойна вызначае пералік адзнак, якія змяшчаюцца ў штампе Банка.

Штамп Банка можа не ўтрымліваць адзнакі, якія прастаўляюцца Банкам па-за дадзеным штампам