Міжнародныя разлікі

№ п/п

Назва рэквізіта

Апісанне рэквізіта

Пералік неабходных рэквізітаў плацежнага даручэння

1.

Ідэнтыфікатар дакумента

Пазначаюцца назва (код віду разліковага дакумента), нумар і дата разліковага дакумента:

- плацежнае даручэнне (01);

- нумар плацежнага даручэння лічбамі, сімваламі (у выпадках, прадугледжаных заканадаўствам аб прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння, нумарам фінансавай аперацыі з’яўляецца нумар плацежнай інструкцыі плацельшчыка, банка);

- дата складання плацежнага даручэння.

Дата пазначаецца адным з наступных спосабаў:

- у фармаце ГГММДД;

- у фармаце, вызначаным стандартамі правядзення разлікаў;

- славесна-лічбавым спосабам.

2.

Прыкмета пераводу

Пазначаецца ідэнтыфікатар тыпу (прыярытэт) банкаўскага пераводу:

- тэрміновы (HIGH);

- нетэрміновы (NORM);

- іншы ідэнтыфікатар, прадугледжаны стандартамі правядзення разлікаў, правіламі і (або) тэхнічнай дакументацыяй сістэмы разлікаў (перадачы інфармацыі).

3.

Сума і валюта

У полі пазначаецца сума лічбамі і пропіссю, валюта грашовых сродкаў, якія падлягаюць пералічэнню па банкаўскім пераводзе. Дробавая частка сумы аддзяляецца ад цэлай часткі кропкай або коскай. У выпадку адсутнасці ў суме пераводу дробавай часткі пасля кропкі або коскі прастаўляюцца лічбы «00». У суме пераводу ў замежнай валюце, якая не мае дробавай часткі, лічбы «00» могуць не пазначацца, калі гэта прадугледжана правіламі сістэм разлікаў (перадачы) інфармацыі. Код валюты пазначаецца ў адпаведнасці з даведнікам кодаў валют.

Пры пераводзе з канверсіяй (абменам), купляй, продажам у плацежным даручэнні пазначаецца адзін з варыянтаў:

- сума лічбамі і пропіссю, назва валюты, якая падлягае спісанню з рахунку, назва валюты, у якой будзе здзейснены банкаўскі перавод (без пазначэння сумы лічбамі і пропіссю);

- назва валюты, якая падлягае спісанню з рахунку (без пазначэння сумы лічбамі і пропіссю), сума лічбамі і пропіссю, назва валюты, у якой будзе здзейснены банкаўскі перавод.

Дадаткова пазначаецца адзін са спосабаў ажыццяўлення канверсіі (абмену), куплі, продажу:

- курс канверсіі (абмену), куплі, продажу;

- згода на правядзенне канверсіі (абмену), куплі, продажу па абменным курсе, які складваецца на пазабіржавым валютным рынку.- згода на правядзенне канверсіі (абмену), куплі, продажу па абменным курсе, які складваецца на пазабіржавым валютным рынку.

Пры пераводзе з канверсіяй (абменам), купляй, продажам субполе «Код прадаваемай/набываемай валюты» запаўняецца кодам валюты, сума якой не пазначана.

4.

Бакі пераводу

Пазначаюцца рэквізіты бакоў па банкаўскім пераводзе:

- плацельшчык;

- бенефіцыяр;

- фактычны плацельшчык (асоба, перад якой плацельшчыкам выконваюцца грашовыя абавязацельствы або за якое плацельшчык ажыццяўляе пералічэнне грашовых сродкаў (пазначаецца ў выпадку калі плацельшчык адрозніваецца ад фактычнага плацельшчыка));

- фактычны бенефіцыяр (асоба, якой прызначаны грашовыя сродкі, пералічаныя па банкаўскім пераводзе на карысць бенефіцыяра (пазначаецца у выпадку, калі бенефіцыяр адрозніваецца ад фактычнага бенефіцыяра)).

4.1.

Статус бока

Пазначаецца статус бока.

У плацежным даручэнні пазначаецца статус бока пераводу згодна з даведнікам N061 (INB, INI, INN, INP, INU, INL, INZ, IZP, INA).

4.2.

Назва

Пазначаюцца скарочаная назва бока (удзельніка) пераводу:

- юрыдычнай асобы і (або) прозвішча, уласнае імя, імя па бацьку (калі такое маецца) – індывідуальнага прадпрымальніка.

4.3.

Адрас

Пазначаюцца рэквізіты, якія дазваляюць адназначна ідэнтыфікаваць месцазнаходжанне боку пераводу: месца знаходжання для юрыдычнай асобы або месца жыхарства для фізічнай асобы.

Пры міжнародных пераводах – краіна рэгістрацыі бенефіцыяра (фактычнага бенефіцыяра) (рэзідэнцтва бенефіцыяра (фактычнага бенефіцыяра) – фізічнай асобы), для краін, якія ўваходзяць у пералік афшорных зон – дзяржаў (тэрыторый), у якіх дзейнічае льготны падатковы рэжым і (або) не прадугледжваецца раскрыццё і прадастаўленне інфармацыі аб фінансавых аперацыях, – назва адміністрацыйнага раёна (штата, тэрыторыі).Пры міжнародных пераводах – краіна рэгістрацыі бенефіцыяра (фактычнага бенефіцыяра) (рэзідэнцтва бенефіцыяра (фактычнага бенефіцыяра) – фізічнай асобы), для краін, якія ўваходзяць у пералік афшорных зон – дзяржаў (тэрыторый), у якіх дзейнічае льготны падатковы рэжым і (або) не прадугледжваецца раскрыццё і прадастаўленне інфармацыі аб фінансавых аперацыях, – назва адміністрацыйнага раёна (штата, тэрыторыі).

4.4.

Сведчы дакумент

Пазначаюцца рэквізіты сведчага дакумента боку пры ажыццяўленні пераводу грашовых сродкаў без адкрыцця рахунку боку, а таксама ў выпадках, устаноўленых заканадаўствам.

4.5.

УНП/ІНН

Пазначаецца пры наяўнасці УНП/ІНН боку па банкаўскім пераводзе.

Асаблівасці пазначэння ідэнтыфікацыйнага нумара нерэзідэнта пры выкананні плацежных даручэнняў у розных відах валют:

- у расійскіх рублях – ІНН бенефіцыяра;

- у грыўнах – код падаткаплацельшчыка атрымальніка сродкаў (КПА);

- у тэнге – БІН (бізнес- ідэнтыфікацыйны нумар для юрыдычных асоб) або ІІН (індывідуальны ідэнтыфікацыйны нумар для фізічных асоб).

У выпадку ажыццяўлення разлікаў на тэрыторыі Рэспублікі Беларусь:

- пры адсутнасці ў бока пераводу УНП пазначаецца значэнне 511111111 для рэзідэнтаў Рэспублікі Беларусь або значэнне 999999999 для нерэзідэнтаў Рэспублікі Беларусь;

- у выпадку, калі не пазначана або нельга вызначыць, ці з’яўляецца бок пераводу рэзідэнтам (нерэзідэнтам) Рэспублікі Беларусь, пазначаецца значэнне 511111111.

Ідэнтыфікацыйны нумар нерэзідэнта (ІНН) для юрыдычнай асобы-нерэзідэнта пазначаецца ў рэквізіце «Бенефіцыяр» (у выпадку наяўнасці).

4.6.

Рахунак

Пазначаецца нумар рахунку бока па банкаўскім пераводзе:

- нумар рахунку ў банку плацельшчыка, з якога ажыццяўляецца спісанне грашовых сродкаў;

- нумар рахунку ў банку бенефіцыяра, на які залічваюцца грашовыя сродкі.

Нумар рахунку пазначаецца ў фармаце IBAN або ў фармаце, які адрозніваецца ад IBAN, згодна са стандартамі краіны, у якой зарэгістраваны банк.

Можа пазначацца рахунак, прызначаны для ўліку сродкаў на часовай аснове. У выпадку вядзення зборных асабовых рахункаў па аперацыях з фізічнымі асобамі пазначаюцца зборны асабовы рахунак і рахунак фізічнай асобы, адкрыты да зборнага асабовага рахунку.

5.

Удзельнік пераводу

Пазначаюцца рэквізіты ўдзельніка па банкаўскім пераводзе:

- банк плацельшчыка;

- банк бенефіцыяра;

- - банк-карэспандэнт банка плацельшчыка (пры наяўнасці);

- банк-карэспандэнт банка бенефіцыяра (пры наяўнасці).

Калі па пераводзе банкам бенефіцыяра з’яўляецца замежны банк, у рэквізіце пазначаюцца наступныя звесткі:

- назва;

- банкаўскі ідэнтыфікацыйны код;

- краіна рэгістрацыі ў выпадках, прадугледжаных заканадаўствамі краін або пагадненнямі (дагаворамі) паміж банкам і яго банкам-карэспандэнтам і іншая неабходная інфармацыя ў выпадку ажыццяўлення плацяжоў у замежнай валюце.

Калі ўдзельнікам па банкаўскім пераводзе з’яўляецца банк-карэспандэнт банка плацельшчыка, у рэквізіце пазначаюцца наступныя звесткі:

- назва;

- банкаўскі ідэнтыфікацыйны код;

- краіна рэгістрацыі ў выпадках, прадугледжаных заканадаўствамі краін або пагадненнямі (дагаворамі) паміж банкам-адпраўшчыкам і карэспандэнтам;

- рахунак, адкрыты банку-адпраўшчыку ў банку-карэспандэнце.

Калі удзельнікам па банкаўскім пераводзе з’яўляецца банк-карэспандэнт банка бенефіцыяра, пазначаюцца яго:

- назва;

- банкаўскі ідэнтыфікацыйны код;

- краіна рэгістрацыі;

- рахунак, адкрыты банку бенефіцыяра ў банку-карэспандэнце.

Назва ўдзельніка і адрас

Пазначаюцца назва ўдзельніка, краіна рэгістрацыі ўдзельніка, для краін, якія ўваходзяць у пералік афшорных зон – дзяржаў (тэрыторый), у якіх дзейнічае льготны падатковы рэжым і (або) не прадугледжваецца раскрыццё і прадастаўленне інфармацыі аб фінансавых аперацыях, – назва адміністрацыйнага раёна (штата, тэрыторыі) і іншая неабходная інфармацыя ў выпадку ажыццяўлення плацяжоў у замежнай валюце.

У плацежных даручэннях у расійскіх рублях назва і адрас удзельніка пазначаюцца на рускай мове (дапускаецца з выкарыстаннем лацінскай графікі) у выпадку, калі банк-атрымальнік з’яўляецца рэзідэнтам Расійскай Федэрацыі, у іншых выпадках на англійскай мове або на мове краіны бенефіцыяра з выкарыстаннем лацінскай графікі.

Банкаўскі ідэнтыфікацыйны код удзельніка

Пазначаецца банкаўскі ідэнтыфікацыйны код банка для банкаў Рэспублікі Беларусь у адпаведнасці з патрабаваннямі нарматыўных прававых актаў Нацыянальнага банка.

Пазначаецца банкаўскі ідэнтыфікацыйны код у сістэме SWIFT (пераважна) або код у нацыянальнай плацежнай сістэме для замежных банкаў.

Магчыма пазначэнне наступных кодаў у нацыянальных плацежных сістэмах:

- для долараў ЗША (банк-атрымальнік – рэзідэнт ЗША):

ABA fedwire code – у плацежным даручэнні пазначаецца 9 лічбаў;

СН code – у плацежным даручэнні пазначаецца 6 лічбаў;

- для еўра (банк-атрымальнік – рэзідэнт Германіі):

BLZ – у плацежным даручэнні пазначаецца 8 лічбаў;

- для фунтаў стэрлінгаў (банк-атрымальнік-рэзідэнт Вялікабрытаніі):

Sort (часам Sorting) Code – у плацежным даручэнні пазначаецца 6 лічбаў.

У плацежных даручэннях у расійскіх рублях у субполі «Код банка» прастаўляецца значэнне ідэнтыфікацыйнага кода банка ў нацыянальнай плацежнай сістэме (БІК) – пазначаецца 9 лічбаў. У плацежных даручэннях у расійскіх рублях для банка-атрымальніка – рэзідэнта Расійскай Федэрацыі дадаткова пазначаецца яго карэспандэнцкі рахунак.

У плацежных даручэннях у грыўнах у субполі «Код банка» прастаўляецца значэнне ідэнтыфікацыйнага кода банка ў нацыянальнай плацежнай сістэме (МФА) – пазначаецца 6 лічбаў.

У плацежных даручэннях у беларускіх рублях пазначаецца банкаўскі ідэнтыфікацыйны код банка-атрымальніка, прыняты ў нацыянальнай плацежнай сістэме, або код банка ў сістэме SWIFT.

Рахунак удзельніка

Нумар рахунку пазначаецца ў фармаце IBAN або ў фармаце, які адрозніваецца ад IBAN, згодна са стандартамі краіны, у якой зарэгістраваны ўдзельнік.

6.

Прызначэнне плацяжу (пераводу)

Пазначаюцца звесткі, якія датычацца пераводу грашовых сродкаў (ажыццяўляемага плацяжу):

- прызначэнне плацяжу (назва плацяжу, тавару, працы, паслугі, падатку, збору, код ТН ЗЭД (не менш за 6 сімвалаў, за выключэннем плацяжоў у расійскіх рублях у РФ, носіць рэкамендацыйны характар); выкарыстанне недакладных фармулёвак («за тавар», «за паслугу», «за абсталяванне», «за камплектуючыя, запчасткі» і да т. п.) недапушчальна;

- назвы, даты і нумары дакументаў, якія служаць падставай для ажыццяўлення плацяжу (пры адсутнасці нумара дакумента пазначаецца: «б/н»), або назва, артыкул (пункт) акта заканадаўства, у адпаведнасці з якімі ажыццяўляецца гэты плацеж ;

Звесткі могуць не паказвацца, калі іншае не ўстаноўлена заканадаўствам (у плацежных даручэннях дзяржаўных органаў, вызначаных [1]);

- інфармацыя аб краіне паходжання / вытворчасці тавару; канчатковым спажыўцу /карыстальніку, інфармацыя аб выкарыстанні тавару не ў ваенных мэтах (у выпадку неабходнасці пазначэння па патрабаванні банка-карэспандэнта, які ўдзельнічае ў правядзенні пераводу). Адказнасць за пазначэнне гэтай інфармацыі ўскладаецца на кліента;

- іншая неабходная інфармацыя ў адпаведнасці з патрабаваннямі валютнага заканадаўства.

Калі аплата ажыццяўляецца адным плацяжом па некалькіх валютных дагаворах, інфармацыя аб нумары і даце валютнага дагавора пазначаецца па кожным валютным дагаворы асобна з разбіўкай па сумах. Пры ажыццяўленні плацяжу не на рахунак контрагента па валютным дагаворы, а трэцім асобам дадаткова пазначаюцца назва і краіна рэгістрацыі юрыдычнай асобы або прозвішча, імя ўласнае, імя па бацьку (калі такое маецца) і рэзідэнцтва фізічнай асобы, якая з’яўляецца бокам па валютным дагаворы.

У плацежных даручэннях у расійскіх рублях у полі дадаткова пазначаецца код валютнай аперацыі, а таксама можа ўключацца сума падатку на дабаўлены кошт, а таксама дадатковыя рэквізіты для плацяжу ў бюджэтную сістэму РФ у выпадку неабходнасці.

Дадатковыя рэквізіты для плацяжу ў бюджэтную сістэму РФ:

КПП-ідэнтыфікатар, прысвоены арганізацыі ў РФ. Можа быць пазначаны ў полі «Бенефіцыяр»

/N4/ - КБК (Код бюджэтнай класіфікацыі)

/N5/ - АКТМУ (Агульнарасійскі класіфікатар тэрыторый муніцыпальных утварэнняў)

/N6/ - код падстаў падатковага плацяжу

/N7/ - падатковы перыяд (месяц, год і да т.п.)

/N8/ - дата падатковага дакумента

/N9/ - нумар падатковага дакумента.

СТАТУС ПЛАЦЕЛЬШЧЫКА - статус плацельшчыка падатку (збора).

У плацежных даручэннях у тэнге, грыўнах, кітайскіх юанях, індыйскіх рупіях дадаткова пазначаецца код прызначэння плацяжу.

Код валютнай аперацыі для плацяжоў у Кітай:

/PYTR/CTF/ - РУХ КАПІТАЛУ, КАШТОЎНЫЯ ПАПЕРЫ;

/PYTR/FTF/ - МІЖБАНКАЎСКІЯ ПЛАЦЯЖЫ (МТ202 або яго аналаг);

/PYTR/GOD/ - ПЛАЦЕЖ ЗА ТАВАР

/PYTR/OCA/ - ІНШЫЯ БЯГ.АП.ДАХОДЫ, НА БЯГ, РАСХ, ДАБРАЧ.;

/PYTR/OTF/ - ІНШАЕ;

/PYTR/STR/ - ПЛАЦЕЖ ЗА ПАСЛУГІ.

Запаўненне прызначэння плацяжу на рускай мове дапускаецца для пераводаў у расійскіх рублях у выпадку, калі банк-атрымальнік з’яўляецца рэзідэнтам Расійскай Федэрацыі.

6.1.

Код прызначэння плацяжу

Пазначаецца код прызначэння плацяжу ў адпаведнасці з Кадыфікатарам прызначэння плацяжу ў Рэспубліцы Беларусь, вызначаным стандартамі правядзення разлікаў, правіламі і (або) тэхнічнай дакументацыяй сістэмы разлікаў (перадачы інфармацыі).

Кадыфікатар прызначэння плацяжу, мае наступную структуру:

- ЕЕЕЕ ХАВВСС, дзе:

ЕЕЕЕ – код віду плацяжу па даведніку Е004 (лацінскія літары, лічбы);

Х – прыкмета плацяжу, які прымае наступныя значэнні:

1 – плацеж;

0 – вяртанне плацяжу;

АВВСС – код КПА згодна з даведнікам N099.

6.2.

Спасылачны дакумент

Пры ажыццяўленні міжнародных банкаўскіх пераводаў поле можа не запаўняцца.

7.

Чарга

Пазначаецца ўмоўнае абазначэнне (код) чарговасці плацяжу ў адпаведнасці з Інструкцыяй аб парадку правядзення разлікаў з рахункаў, з электронных кашалькоў у чарговасці, устаноўленай заканадаўствам, зацверджанай пастановай Праўлення Нацыянальнага банка Рэспублікі Беларусь ад 29 сакавіка 2001 г. № 63.

8.

Валютны дагавор

Пазначаецца рэгістрацыйны нумар валютнага дагавора (калі неабходнасць рэгістрацыі валютнага дагавора прадугледжана валютным заканадаўствам) або запіс аб тым, што валютны дагавор не падлягае рэгістрацыі.

9.

Выдаткі па пераводзе

Пазначаюцца:

- від выдаткаў па пераводзе (згодна з даведнікам N100):

DEBT – усе выдаткі адносяцца на рахунак плацельшчыка;

CRED – усе выдаткі адносяцца на рахунак бенефіцыяра;

SHAR – выдаткі банка плацельшчыка адносяцца на рахунак плацельшчыка, а ўсе выдаткі іншых банкаў адносяцца на рахунак бенефіцыяра;

SLEV – плата спаганяецца ў адпаведнасці з правіламі, узгодненымі ў дагаворы на абслугоўванне і/або схеме плацяжу (аплаты);

- нумар рахунку, з якога будзе спаганяцца ўзнагароджанне (плата) за паслугі банка (пры неабходнасці).

10.

Інфармацыя аб падатках і зборах

Пазначаюцца код плацяжу ў бюджэт і іншая інфармацыя, прадугледжаная бюджэтным заканадаўствам.

Адзнакі, які прастаўляюцца кліентам (Банкам) на плацежным даручэнні

1.

Подпіс кліента

Прастаўляюцца подпісы, прозвішчы, ініцыялы або подпісы, прозвішчы, уласныя імёны, імёны па бацьку (калі такія маюцца) (адлюстроўваецца ЭЛП, сеансавы пароль):

- службовых(ай) асоб(ы) юрыдычнай асобы згодна з заяўленымі ў банк узорамі подпісаў або прадстаўніка юрыдычнай асобы ў выпадку ажыццяўлення пераводу грашовых сродкаў без адкрыцця рахунку;

- індывідуальнага прадпрымальніка, згодна з заяўленымі ў банк узорамі подпісаў або асоб, упаўнаважаных імі распараджацца грашовымі сродкамі на рахунку.

2.

Подпіс банка

На выкананых (апрацаваных) плацежных даручэннях прастаўляюцца подпісы (аблюстроўваецца ЭЛП):

- адказнага выканаўцы ўпраўлення разліковага абслугоўвання карпаратыўных кліентаў або подпіс адказнага выканаўцы службы карпаратыўнага бізнесу;

- асобы, упаўнаважанай ажыццяўляць дадатковы кантроль (пры неабходнасці).

3.

Дата паступлення

Дата паступлення плацежнага даручэння на выкананне ў банк-адпраўшчык у фармаце ГГММДД; у фармаце, вызначаным стандартамі правядзення разлікаў; славесна-лічбавым спосабам.

4.

Час паступлення

Час паступлення плацежнага даручэння на выкананне ў банк-адпраўшчык у фармаце ГГММСС прастаўляецца Банкам пры неабходнасці.

5.

Штамп банка

Прастаўляецца адбітак (адлюстроўваецца) штампа Банка, які змяшчае:

- дату выканання (апрацоўкі) Банкам плацежнага даручэння;

- назву і код Банка, нумар адказнага выканаўцы (штампа Банка);

- час выканання (апрацоўкі) плацежнага даручэння.

Банк самастойна вызначае пералік адзнак, якія змяшчаюцца ў штампе Банка.

Штамп Банка можа не ўтрымліваць адзнакі, якія прастаўляюцца Банкам па-за гэтым штампам.