Што такое банкаўская плацежная карта
Банкаўская плацежная картка – гэта ўніверсальны плацежны інструмент, які дазваляе ажыццяўляць аплату тавараў і паслуг у арганізацыях гандлю і сэрвісу, у сетцы Інтэрнэт, атрымліваць наяўныя грашовыя сродкі ў банкаматах і пунктах выдачы наяўных, ажыццяўляць шырокі спектр фінансавых аперацый шляхам выкарыстання каналаў дыстанцыйнага банкаўскага абслугоўвання Інтэрнэт-банкінг, SMS-банкінг, М-банкінг, ТВбанкінг.
У банкаўскіх плацежных картак ёсць абавязковыя элементы, якія размяшчаюцца на іх пярэднім і адваротным баку.
На пярэднім баку карткі прысутнічаюць:
- нумар карткі. Ён складаецца з 16 лічбаў.
- тэрмін дзеяння карткі. На картцы ўказваецца месяц і год, па заканчэнні якога картка не будзе абслугоўвацца. Неабходна сачыць за тэрмінам дзеяння сваёй карткі і своечасова звяртацца ў банк для яе абнаўлення.
- імя і прозвішча трымальніка карткі. Для картак міжнародных плацежных сістэм гэта інфармацыя пазначана на англійскай мове. На картках сістэмы БЕЛКАРТ - на рускай або беларускай мове. Імя і прозвішча трымальніка карткі можа не ўказвацца на некаторых відах картак.
- лагатып банка, які выпусціў картку. Менавіта ў банк, які выпусціў картку, павінен звяртацца трымальнік карткі з любымі пытаннямі аб сваёй картцы і праведзеных з яе выкарыстаннем аперацыях.
- чып (мікрапрацэсар). Ён маецца на некаторых відах плацежных картак, якія адпавядаюць навейшым міжнародным стандартам бяспекі плацежных карт (стандарт EMV), і забяспечвае павышаную надзейнасць ажыццяўлення аперацый.
- лагатып плацежнай сістэмы, да якой адносіцца картка.
Карткі могуць адносіцца да розных сістэм:
- VISA International. На картцы, якая належыць да гэтай сістэмы, размяшчаецца лагатып «VISA» або «VISA Electron»
 |
 |
- MasterCard Worlwide. На картцы, якая належыць да гэтай сістэмы, размяшчаецца лагатып Maestro или MasterCard.
- БЕЛКАРТ. На картцы, якая належыць да гэтай сістэмы, размяшчаецца лагатып БЕЛКАРТ.
 |
 |
 |
Прыкмета таго, што картка абслугоўваецца ў канкрэтным банкамаце, інфакіёску, аддзяленні банка, магазіне і ў іншых месцах, з’яўляецца размяшчэнне ў месцах прыёму картак наклейкі з такім жа лагатыпам, як і на картцы.
На адваротным баку карткі прысутнічаюць:
- магнітная паласа. Яна служыць для захоўвання інфармацыі аб плацежнай картцы, неабходнай для правядзення аперацый з яе выкарыстаннем.
- паласа для подпісу. На ёй трымальнік карткі ставіць свой подпіс пры яе атрыманні. Без подпісу картка несапраўдная.
- CVV2/CVC2 код. Трохзначны код праверкі сапраўднасці карткі, які прымяняецца пры ажыццяўленні транзакцый без яе выкарыстання. Знаходзіцца на паласе для подпісу.
- кантактная інфармацыя банка. Як правіла, утрымліваецца ўказанне, куды вярнуць знойдзеную картку, а таксама тэлефон сэрвіснай службы банка.
Для чаго патрэбна картка
У першую чаргу, прывабнасць безнаяўных плацяжоў заключаецца ў іх зручнасці. Карткі не толькі простыя ў выкарыстанні, але і эканомяць час. Трымальнікі картак могуць праводзіць фінансавыя аперацыі ў любы зручны час, і нават не наведваючы банк, праз сетку банкаўскіх устройстваў самаабслугоўвання (інфакіёскі і банкаматы) або з дапамогай дыстанцыйных спосабаў кіравання бягучым (разліковым) банкаўскім рахункам, доступ да якога можа быць забяспечаны пры выкарыстанні дэбетавай банкаўскай плацежнай карткі (далей - рахунак) (паслугі Інтэрнэт-банкінг, SMS-банкінг, М-банкінг і ТВбанкінг).
Яшчэ адна важная вартасць карткі і безнаяўных плацяжоў – гэта бяспека: хадзіць па магазінах, вуліцах, ездзіць у грамадскім транспарце з наяўнымі грашовымі сродкамі ў кашальку значна больш рызыкоўна, чым рабіць гэта з плацежнай карткай. Пры страце або крадзяжы карткі яе можна адразу заблакіраваць, што дазволіць захаваць грошы.
Яшчэ адна з пераваг плацежных картак Беларусбанка – гэта даходнасць: на суму сродкаў, якія захоўваюцца на любым рахунку, налічваюцца працэнты. А для кліентаў, якія жадаюць атрымліваць павышаны даход на астатак грашовых сродкаў на рахунку, Беларусбанк прапануе 2 віды ашчадных картак – з рахункам у беларускіх рублях (БЕЛКАРТ «Ашчадная») і з рахункам у доларах ЗША, еўра або расійскіх рублях (VISA Electron «Ашчадная»). Чым больш грашовых сродкаў захоўваецца на рахунку, тым большы даход, які па іх налічваецца.
Для кліентаў, якія пражываюць у сельскай мясцовасці, прапануюцца карткі, якія дазваляюць атрымліваць дадатковы даход у выглядзе павышанага працэнта, - БЕЛКАРТ «Аграрная». Яны афармляюцца фізічным асобам пры наяўнасці адной з наступных умоў: пастаяннай рэгістрацыі ў сельскіх населеных пунктах; дзеючага дагавору паміж банкам і плацельшчыкам на залічэнне грашовых сродкаў ад продажу сельскагаспадарчай прадукцыі; дакументаў, якія пацвярджаюць наяўнасць зямельнага ўчастка (дома) у сельскай мясцовасці.
Выгадныя ўмовы афармлення рахунку банк прапануе для пенсіянераў. На суму сродкаў, якія захоўваюцца на рахунку, налічваецца павышаны працэнт, роўны працэнтнай стаўцы па ўкладзе «Пенсіённы». Па рахунках, адкрытых на імя ветэранаў і інвалідаў Вялікай Айчыннай вайны, былых вязняў фашысцкіх канцлагераў (пры наяўнасці ў кліента адпаведнага пасведчання), налічваецца дадатковы даход.
Асноўнай перавагай плацежных картак Беларусбанка з’яўляецца доступ да найшырэйшага спектру магчымасцей. Па-першае, з дапамогай карткі можна разлічыцца за тавары і паслугі ў магазінах, на запраўках, у кафэ і рэстаранах, хімчыстках і гасцініцах... Адным словам, усюды, дзе ўстаноўлена абсталяванне па іх прыёме. Плата за правядзенне з выкарыстаннем плацежнай карткі плацяжоў у арганізацыях гандлю і сэрвісу не спаганяецца. Акрамя таго, з’яўляючыся трымальнікам плацежнай карткі банка, Вы не толькі валодаеце сучасным плацежным сродкам, але і атрымліваеце дадатковыя перавагі ў выглядзе скідак на розныя тавары і паслугі ў шэрагу арганізацый гандлю (сэрвісу).
Па-другое, трымальнікі картак Беларусбанка могуць аплачваць камунальныя і шырокі спектр іншых паслуг з дапамогай свайго мабільнага тэлефона (паслугі SMS-банкінг і М-банкінг), сеткі Інтэрнэт (паслуга Інтэрнэт-банкінг), тэлебачання (паслуга ТВбанкінг), у аддзяленнях банка, а таксама кругласутачна ў сетцы банкаматаў, інфакіёскаў, што значна павялічвае хуткасць правядзення аперацый і эканоміць час.
У выпадку, калі ўласных сродкаў на рахунку для ажыццяўлення якой-небудзь пакупкі не хапае, можна скарыстацца кароткатэрміновым крэдытам - авердрафтам.
Незаменныя плацежныя карткі і ў паездках за мяжу, бо міжнародныя карткі Беларусбанка замяняюць любую валюту, дазваляючы па ўсім свеце атрымліваць наяўныя ў банкаматах або аплачваць тавары і паслугі ў гандлёва-сэрвісных арганізацыях. І калі ў час знаходжання за мяжой у Вас скончыліся грошы, то Вашы родныя, сябры ці знаёмыя могуць аператыўна папоўніць Ваш рахунак.
Віды картак
Беларусбанк выпускае шырокі спектр картак, разлічаных на розныя слаі насельніцтва. У залежнасці ад магчымай сферы прымянення карткі можна аформіць як міжнародную картку з рахункам у замежнай валюце (расійскія рублі, долары ЗША, еўра) або ў беларускіх рублях, якая абслугоўваецца па ўсім свеце, так і картку з рахункам у беларускіх рублях для правядзення аперацый толькі ў межах Беларусі.
Сярод міжнародных картак Беларусбанка ёсць карткі эканом-класа Visa Electron, Maestro, карткі з больш шырокімі магчымасцямі VISA Classic, MasterCard Standard, прэстыжныя VISA Gold, MasterCard Gold, а таксама карткі прэміум-класа VISA Platinum, MasterCard World Black Edition.
Сярод картак для выкарыстання толькі на тэрыторыі Рэспублікі Беларусь асобныя віды прапануюцца для студэнтаў, для жыхароў сельскай мясцовасці і нават для дзяцей.
Таксама банкам выпускаюцца ашчадныя карткі некалькіх відаў у беларускіх рублях і замежнай валюце.
Адкрыць рахунак, доступ да якога можа быць забяспечаны пры выкарыстанні банкаўскай плацежнай карткі, і аформіць картку можна з 14 гадоў у любым філіяле, ЦБП Беларусбанка з абавязковым прадстаўленнем дакумента, які сведчыць асобу (пашпарт, пасведчанне бежанца, від на жыхарства). Пры жаданні, да аднаго рахунку можа быць аформлена некалькі датковых картак для блізкіх і родных.
Непаўналетнім ва ўзросце ад 6 да 18 гадоў можа быць аформлена картка БЕЛКАРТ «Дзіцячая» ў якасці дадатковай да рахунку паўналетняй фізічнай асобы.
Што такое банкамат
Банкамат – гэта ўстройства, прызначанае для атрымання наяўных грашовых сродкаў і правядзення аперацый з выкарыстаннем банкаўскіх плацежных картак.
У банкамаце ААТ «ААБ Беларусбанк» з выкарыстаннем картак можна правесці наступныя аперацыі:
- атрымаць наяўныя грашовыя сродкі;
- прагледзець астатак грашовых сродкаў на рахунку;
- атрымаць міні-выпіску па рахунку;
- аплаціць паслугі аператараў мабільнай сувязі;
- ажыццявіць перавод грашовых сродкаў з рахунку на рахунак;
- імгненна папоўніць рахунак наяўнымі (толькі ў банкаматах з функцыяй прыёму наяўных cash-in).
Для чаго патрэбны інфакіёск
Інфакіёск – гэта ўстройства, прызначанае, для правядзення аперацый з выкарыстаннем банкаўскіх плацежных картак, а таксама прагляду рэкламна-даведачнай інфармацыі.
Без выкарыстання карткі ў інфакіёску банка можна:
- прагледзець даведачную інфармацыю пра банк, пра паслугі для фізічных і юрыдычных асоб (крэдыты, уклады і інш.), пра адрасы ўстаноў банка, месцы знаходжання банкаматаў і інфакіёскаў;
- праверыць вынікі розыгрышаў латарэй;
- у інфакіёсках з функцыяй прыёму наяўных грашовых сродкаў cash-in наяўнымі можна аплаціць паслугі ў сістэме «Рзлік» (АІС АРІП), папоўніць рахунак наяўнымі грашовымі сродкамі і інш.
Выкарыстоўваючы картку ў інфакіёсках банка можна правесці шырокі спектр аперацый, сярод якіх:
- прагляд інфармацыі аб астатку сродкаў на рахунку;
- аплата камунальных плацяжоў, паслуг мабільнай сувязі, інтэрнэт-правайдараў;
- аплата паслуг у сістэме «Разлік» (АІС АРІП);
- пакупка білетаў на прыгарадныя і міжгароднія аўтобусы;
- пагашэнне крэдытаў і папаўненне ўкладных рахункаў;
- перавод грашовых сродкаў на картку ААТ «ААБ БЕЛАРУСБАНК»;
- рэгістрацыя розных сэрвісаў для трымальнікаў картак («Аўтааплата», SMS-банкінг і інш.).
