Для набыцця (будаўніцтва) дамакамплектаў, садовых і дачных домікаў з 29 жніўня зноў можна скарыстацца крэдытным прадуктам «Стройдом», працэнтная стаўка па якім складзе 19,5 % гадавых (стаўка рэфінансавання + 7,5 п.п).
Таксама аднаўляецца выдача спажывецкага крэдыту «Партнёр Online» тэрмінам на 6, 9, 12 месяцаў для набыцця тавараў і паслуг у арганізацый гандлю (сэрвісу), якія з’яўляюцца партнёрамі банка. Працэнтная стаўка па крэдыце складзе 12 % – 16 % гадавых у залежнасці ад тэрміну крэдытавання. З пералікам партнёраў банка можна азнаёміцца на нашым сайце.
Удзельнікам Клуба «Аксаміт» прадастаўляецца магчымасць скарыстацца крэдытам «Час жыць» тэрмінам да 3-х гадоў з выплатай у 1-ы год карыстання крэдытам працэнтнай стаўкі ў памеры 18 % гадавых (стаўка рэфінансавання + 6 п.п.), у наступныя гады карыстання крэдытам – 18,5% гадавых (стаўка рэфінансавання + 6,5 п.п.).
Нагадваем, што з 1 жніўня Банкам адноўлена выдача крэдытаў на будаўніцтва (рэканструкцыю) жылых памяшканняў, а з гэтага часу рэалізаваць мару стала значна прасцей – уласная кватэра ад любога забудоўшчыка ў любым кутку нашай краіны па самых нізкіх працэнтных стаўках: па нанава заключаемых крэдытных дагаворах 19,5 % гадавых (стаўка рэфінансавання + 7,5 п.п.).
З 29 жніўня банк знізіў працэнтныя стаўкі па нанава заключаемых крэдытных дагаворах: для дакрэдытавання грамадзян, заключыўшых крэдытныя дагаворы на фінансаванне нерухомасці з дзяржпадтрымкай (17 % гадавых зыходзячы з разліку стаўкі рэфінансавання + 5 п.п.); па крэдытах для грамадзян, заключыўшых дагаворы на будаўніцтва жылля з дзяржаўнымі заказчыкамі (забудоўшчыкамі) да 19 % гадавых (стаўка рэфінансавання + 7 п.п.).
Гадавая стаўка па самым папулярным крэдыце «Іпатэка экспрэс» на куплю нерухомасці па нанава заключаемых дагаворах стала больш выгаднай і складае 19,5 % (стаўка рэфінансавання + 7,5 п.п).
Скарыстацца партнёрскай праграмай «Іпатэка з намі» таксама можна па самых нізкіх стаўках – ад 10 % гадавых (стаўка рэфінансавання - 2 п.п.) на працягу грэйс-перыяду (12 месяцаў).
Да 19,5 % гадавых зніжаны працэнтныя стаўкі па новых спажывецкіх крэдытах тэрмінам да 5 гадоў, а пры падачы заяўкі праз каналы дыстанцыйнага банкаўскага абслугоўвання, перавагай якіх з’яўляецца магчымасць заключыць дагавор і атрымаць крэдыт без наведвання банка, – да 19 % гадавых.
Для тых, хто марыць аб новым аўтамабілі Geely, стаўка па новых крэдытах на працягу грэйс-перыяду складзе 8 % гадавых (стаўка рэфінансавання – 4 п.п), а па заканчэнні грэйс-перыяду – зніжаецца да 19 % гадавых (стаўка рэфінансавання + 7 п.п.).
Банк таксама зніжае працэнтныя стаўкі па новых крэдытах на аплату навучання ва ўстановах вышэйшай і сярэдняй спецыяльнай адукацыі і па крэдыце «Партнёр Аптымальны» для набыцця тавараў беларускіх вытворцаў – да 18 % гадавых (стаўка рэфінансавання + 6 п.п.); па новых авердрафтных крэдытах з тэрмінам прадастаўлення 2 гады і тэрмінам пагашэння 12 месяцаў – да 18,5 % гадавых (стаўка рэфінансавання + 6,5 п.п.).
Больш падрабязную інфармацыю можна атрымаць на карпаратыўным сайце www.belarusbank.by або патэлефанаваўшы ў Кантакт-цэнтр на нумар 147.
Адрасы і тэлефоны Іпатэчных офісаў можна знайсці на нашым сайце!
Жадаеце даведвацца пра нашы навіны першымі? Падпісвайцеся на тэлеграм-канал і супольнасць у Viber!