У гонар 70-годдзя Беларускага дзяржаўнага аграрнага тэхнічнага ўніверсітэта Беларусбанк падарыў яго студэнтам і выкладчыкам брэндзіраваную аўдыторыю. Ва ўрачыстай цырымоніі адкрыцця прынялі ўдзел намеснік старшыні праўлення банка Дзмітрый Краскоўскі, намеснік дырэктара цэнтра кліенцкага абслугоўвання Маргарыта Караневіч, адміністрацыя ВНУ.
Урачыстае мерапрыемства прайшло ў фармаце агляду сямі брэндзіраваных аўдыторый, якія з’явіліся ў ВНУ дзякуючы прадпрыемствам-партнёрам: Беларусбанку, МТЗ, ММЗ, МАЗ, Агракамплект, Навітэх, Рассельмаш.
Рэктар універсітэта Мікалай Раманюк выказаў падзяку за ўзаемнае сацыяльнае партнёрства і годны ўзровень абслугоўвання, паколькі БДАТУ з’яўляецца кліентам банка з 1995 года.
— БДАТУ і Беларусбанк звязваюць даўнія партнёрскія адносіны. Мець такога важкага карпаратыўнага кліента для банка – вельмі ганарова. Наша каманда высока цэніць тую высокую місію, якую выконвае вну для паспяховай будучыні беларускай дзяржавы і грамадства. Аграпрамысловы комплекс – стратэгічна важны напрамак, які ў тым ліку ўплывае на стан харчовай бяспекі краіны, і толькі высокакваліфікаваныя кадры могуць забяспечыць эфектыўнае выкананне пастаўленых задач. Адкрыццё брэндзіраванай аўдыторыі – гэта ўклад Беларусбанка ў стварэнне камфортнага адукацыйнага асяроддзя для будучых аграрыяў, — адзначыў намеснік старшыні праўлення Беларусбанка Дзмітрый Краскоўскі. — Жадаем студэнтам і выкладчыкам, каб гэта аўдыторыя стала месцам займальнага навучальнага працэсу і заўсёды стымулявала да канструктыўнай працы.
Брэндзіраванне аўдыторый у навучальных установах — частка канцэпцыі прасоўвання HR-брэнда банка. Праект рэалізаваны ўжо ў трох установах адукацыі: у мінулым годзе брэндзіраваная аўдыторыя з’явілася ў Палескім дзяржаўным універсітэце, а ў кастрычніку 2024 года яшчэ і ў Мінскім каледжы сферы абслугоўвання. У цяперашні час аналагічная праца вядзецца яшчэ ў адной рэгіянальнай ВНУ.
Упраўленне камунікацый, маркетынгу і рэкламы