Прыемным і карысным падарункам ад Беларусбанка для навучэнцаў і выкладчыкаў УА «Мінскі дзяржаўны каледж сферы абслугоўвання» стала брэндзіраваная вучэбна-вытворчая майстэрня па спецыяльнасці «Рознічныя паслугі ў банку». Ва ўрачыстай цырымоніі яе адкрыцця прынялі ўдзел намеснік старшыні праўлення банка Дзмітрый Краскоўскі, дырэктар дэпартамента персанала Дзмітрый Бакіноўскі, прадстаўнікі Камітэта па адукацыі Мінгарвыканкама, адміністрацыі Маскоўскага раёна сталіцы і каледжа.
У прывітальнай прамове дырэктар каледжа Сяргей Уладзіміравіч Дзічкоўскі падзякаваў банку за плённае супрацоўніцтва ў фармаце ўзаемавыгаднага партнёрства, вынікам якога стала майстэрня па падрыхтоўцы спецыялістаў рознічнага бізнесу пад брэндам Беларусбанка.
Адзначым, што ў 2024 годзе каманду Беларусбанка папоўнілі 23 выпускнікі каледжа сферы абслугоўвання.
Брэндзіраванне аўдыторый у навучальных установах — частка канцэпцыі прасоўвання HR-брэнда банка. Праект рэалізаваны ўжо ў дзвюх установах адукацыі: у мінулым годзе брэндзіраваная аўдыторыя з’явілася ў Палескім дзяржаўным універсітэце. У цяперашні час аналагічная праца вядзецца яшчэ ў адной ВНУ.
Упраўленне камунікацый, маркетынгу і рэкламы