Па якой прычыне банкамат (інфакіёск) можа не вярнуць картку? І што рабіць у такой сітуацыі?

Гэта можа быць абумоўлена рознымі прычынамі, у тым ліку, калі пасля завяршэння аперацыі кліент адцягнуў увагу і не забраў картку з  прыстасавання. Так, у банкаматах Беларусбанка картка вяртаецца ў банкамат, калі яе не забралі на працягу 20 секунд пасля правядзення апошняй аперацыі, а інфакіёскі забіраюць картку па заканчэнні 15 секунд. Каб пазбегнуць такой сітуацыі трымальнікам картак неабходна:

1)Упэўніцца, што аперацыя завершана (банкамат (інфакіёск) не прапануе правесці наступную аперацыю) і прыстасаванне сапраўды не вяртае картку (пачакаць некалькі мінут).

2) Калі па заканчэнні працяглага часу картка ўсё ж не была вернута, то неабходна, не адыходзячы ад банкамата (інфакіёска), яе адразу заблакіраваць. Гэта можна зрабіць, патэлефанаваўшы ў кругласутачную службу сэрвісу кліентаў ААТ «Банкаўскі працэсінгавы цэнтр» па тэл. 8 (017) 299 25 26. Заблакіраваць картку можна таксама з дапамогай паслуг SMS-банкінг, М-банкінг або Інтэрнэт-банкінг (аперацыя даступна толькі для картак, з выкарыстаннем якіх былі зарэгістраваны гэтыя паслугі).

3) Затрыманая банкаматам (інфакіёскам) Беларусбанка картка будзе не пазней за 2 дні з моманту яе вымання з банкамата (інфакіёска) накіравана ўстановай банка, які абслугоўвае данае прыстасаванне, у філіял банка, якім яна была выпушчана. Таму для атрымання сваёй карткі неабходна звярнуцца ў той філіял, дзе Вы яе атрымлівалі, з дакументам, які сведчыць асобу. 

Для больш аператыўнага атрымання карткі можна адразу, у той жа дзень, звярнуцца ў аператарскую службу, тэлефон якой размешчаны на банкамаце (інфакіёску), па пытанні атрымання сваёй карткі ва ўстанове банка, якому належыць гэты банкамат (інфакіёск). Пры атрыманні карткі неабходна мець пры сабе дакумент, які сведчыць асобу.

У выпадку, калі канфіскаваная картка належыць аднаму банку, а банкамат (інфакіёск), які канфіскаваў - іншаму, то для яе атрымання ва ўстанове банка-ўладальніка прыстасавання можа спатрэбіцца пісьмовы дазвол ад банка, які выпусціў картку.