Для жыхароў і гасцей Гомеля рэалізавана магчымасць аплаты праезду ў аўтобусах і тралейбусах па QR-кодзе з дапамогай дадатку «M-Belarusbank». Гэта магчымасць даступна дзякуючы сэрвісу Cashew.
Галоўныя перавагі сэрвісу:
- праезд можна аплаціць безнаяўна, не губляючы час на пошукі патрэбнай сумы наяўнымі грашамі;
- не патрабуецца ствараць асобную віртуальную картку або электронны кашалёк, які неабходна пастанянна папаўняць.
Каб набыць білет, неабходна быць карыстальнікам мабільнага дадатку «M-Belarusbank». Аплата ажыццяўляецца прама ў дадатку любой зарэгістраванай у ім карткай, у т.л. і карткай іншых банкаў.
Купля талона зойме пару секунд. Для гэтага неабходна знайсці ў аўтобусе ці тралейбусе наклейку Беларусбанка з QR-кодам, счытаць яго любым спосабам, у тым ліку самім дадаткам «M-Belarusbank» (раздзел «Аплата па QR-кодзе») і пацвердзіць аплату.
Сэрвіс па аплаце QR-кодам ужо працуе ва ўсім пасажырскім транспарце Гродна, Брэста, Пінска, Оршы, Ліды, Мазыра, Баранавіч і некалькіх дзясятках іншых гарадоў раённага падначалення.
Аддзел камунікацый і рэкламы