Амаль у трохстах гарадскіх аўтобусах і тралейбусах Гродна жыхары і госці горада могуць аплаціць праезд з дапамогай дадатку «M-Belarusbank».
Гэта магчымасць даступна дзякуючы сэрвісу Cashew, які паступова рэалізоўваецца ў гарадах Беларусі.
Галоўная перавага сэрвісу – для куплі білета не патрэбна ствараць асобную віртуальную карту або электронны кашалёк, які патрабуе пастаяннага папаўнення. Цяпер для аплаты праезду дастаткова быць карыстальнікам мабільнага дадатку «M-Belarusbank». Аплата ажыццяўляецца прама ў дадатку любой зарэгістраванай у ім карткай.
Каб купіць талон, неабходна знайсці ў аўтобусе ці тралейбусе адпаведны QR-код і счытаць яго, уключыўшы дадатак «M-Belarusbank» і зайшоўшы ў раздзел «Аплата па QR-кодзе».
Наклейкі з QR размешчаны ва ўсім пасажырскім транспарце Гродна, які працуе на гарадскіх маршрутах.
Аддзел камунікацый і рэкламы