Дзяржаўная падтрымка самазанятых – важны стымул павышэння эканамічнай актыўнасці, а значыць, – і дабрабыту насельніцтва краіны. Беларусбанк традыцыйна прымае актыўны ўдзел у рэалізацыі знакавых праектаў, накіраваных на вырашэнне эканамічных задач.
З мэтай стварэння спрыяльных умоў для ажыццяўлення прафесійнай дзейнасці самазанятымі грамадзянамі, як катэгорыі эканамічна актыўнага насельніцтва, з 1 мая 2023 Беларусбанк запускае спецыяльную прапанову па афармленні плацежных картак для гэтай катэгорыі кліентаў.
Прымаючы да ўвагі перавагі выкарыстання асобнай плацежнай карткі для ўліку даходаў ад прафесійнай дзейнасці, магчымасці кругласутачнага доступу да грашовых сродкаў, якія захоўваюцца на рахунку, а таксама зручнасць ажыццяўлення безнаяўных разлікаў, Беларусбанк прапануе плацельшчыкам падатку на прафесійны даход – самазанятым аформіць плацежную картку па зніжаным кошце.
Спецыяльная прапанова дзейнічае з 1 мая па 30 чэрвеня 2023 года і прапануе да афармлення плацежныя карткі ў рамках банкаўскіх прадуктаў "Ізі-карта", "#можнаўсё", а таксама Клуба "Свае".
Плацежныя карткі ў рамках банкаўскіх прадуктаў "Ізі-карта"," #можнаўсё", Клуб "Свае" – гэта зручнасць і выгада безнаяўных разлікаў, атрыманне мані-бэка і магчымасць доступу да сродкаў на рахунку з дапамогай дыстанцыйных сэрвісаў банкаўскага абслугоўвання.
Для афармлення плацежнай карткі дастаткова:
- выбраць від эквайрынгу і заключыць дагавор аб залічэнні грашовых сродкаў на бягучы (разліковы) рахунак, адкрыты ў банку;
- прад’явіць дагавор эквайрынгу спецыялісту банка, у якога афармляецца плацежная картка;
- выбраць найбольш прыдатную плацежную картку з ліку ўдзельнічаючых у спецыяльнай прапанове і аформіць яе ва ўстанове банка.
Кошт карткі складзе:
10 бел.руб. для картак БЕЛКАРТ-ПРЭМІУМ у рамках банкаўскага прадукту "Ізі-карта";
12,5 бел.руб. для картак БЕЛКАРТ-ПРЭМІУМ у рамках банкаўскага прадукту "#можнаўсё";
20 бел.руб. для картак Visa Gold у рамках Клуба "Свае";
45 бел.руб. для картак Visa Platinum у рамках Клуба "Свае" (сума спаганяецца пры афармленні, далей дзейнічаюць тарыфы згодна са Зборнікам узнагароджанняў банка).
Ацаніце зручнасць і выгаду безнаяўных разлікаў ад Беларусбанка!