У Мінску прайшла галоўная падзея Сусветнага тыдня прадпрымальніцтва - узнагароджанне пераможцаў конкурсу «Прадпрымальнік года», партнёрам якога трэці раз запар выступіў «Беларусбанк». Урачыстую цырымонію прывітальным словам адкрыў Прэм'ер-міністр Рэспублікі Беларусь Сяргей Румас.
Ад банка лепшых прадстаўнікоў бізнесу павіншаваў першы намеснік старшыні праўлення Аляксандр Паліўка:
Усяго ўладальнікамі тытула «Прадпрымальнік года» сталі 27 кампаній і адзін індывідуальны прадпрымальнік. Для іх «Беларусбанк» падрыхтаваў спецыяльныя прызы, прымеркаваныя да блізкага юбілею арганізацыі - 100-годдзю з даты заснавання. На працягу года прадпрыемствы - кліенты банка змогуць скарыстацца любым пакетам паслуг усяго за 100 капеек у месяц. Пераможцам, якія яшчэ не сталі кліентамі, банк дорыць магчымасць аформіць пакет паслуг «Развіццё» тэрмінам на адзін год з такой жа абаненцкай платай - сто капеек.
На працягу апошніх гадоў «Беларусбанк» займае першае месца сярод банкаў рэспублікі па аб'ёмах крэдытнай падтрымкі суб'ектаў малога і сярэдняга бізнесу. Прадстаўнікам прыватнага сектара банк прапануе шырокую лінейку крэдытных прадуктаў, уключаючы крэдыты для пачынаючых прадпрымальнікаў і для інавацыйных праектаў. Дзякуючы развітой інфраструктуры і шырокай сетцы прысутнасці ў рэгіёнах краіны, гэтыя паслугі даступны ў кожным кутку Беларусі.
Аддзел камунікацый