Навіны банка і прэс-рэлізы
24.04.2019

«Беларусбанк» прыняў удзел у высадцы рабінавай алеі «17 Мэт устойлівага развіцця»

Топ-менеджмент беларускага бізнесу ў цэнтры Мінска заклаў алею з 17 рабін у падтрымку 17 Мэт устойлівага развіцця. Удзельнікам мерапрыемства, прымеркаванага да міжнароднага дня Маці-Зямлі, стаў і «Беларусбанк».

Да мерапрыемства далучыліся Нацыянальны каардынатар па дасягненні Мэт устойлівага развіцця Мар'яна Шчоткіна, пастаянны каардынатар ААН, пастаянны прадстаўнік Праграмы развіцця Арганізацыі Аб'яднаных Нацый у Беларусі Іаанна Казана-Вішнявецкі.

rjabina-17-1

rjabina-17-2«Беларусбанк», які гатовы добраахвотна ўкладваць у развіццё грамадства, дзяржавы і свету ў цэлым, стаў удзельнікам Глабальнага дагавора ААН у пачатку 2017 года.

«У нашай камандзе мы прытрымліваемся ідэі, што вялікія змяненні робяцца малымі крокамі. Сёння дзякуючы выдатнай ініцыятыве нашых партнёраў у цэнтры горада з'явілася 17 рабін – і гэта маленькі крок да таго, каб Беларусь была яшчэ больш чыстая, яшчэ больш экалагічна, а яе жыхары – здаровымі і шчаслівымі»,  – адзначыў начальнік упраўлення інфармацыі і сацыяльнага развіцця Дзмітрый Бакіноўскі.

«Беларусбанк» сумесна з кампаніяй ААТ «Крыніца» высадзілі 12-гадовае рабінавае дрэва, пацвердзіўшы тым самым падтрымку 17 Мэт устойлівага развіцця.

rjabina-17-3

rjabina-17-4

Гэта быў сімвалічны крок у падтрымку вялікіх змяненняў: прадстаўнікі беларускага бізнесу – удзельнікі Сеткі Глабальнага дагавора ААН у Беларусі – далучыліся да пасадкі дрэў у краіне.

На галінах рабіны былі ўрачыста павязаны стужачкі з лагатыпамі кожнай кампаніі, якая прыняла ўдзел у мерапрыемстве, што з'явілася афіцыйным адкрыццём Алеі.

rjabina-17-5

rjabina-17-6

Такім чынам, прадстаўнікі беларускага бізнесу падкрэслілі не толькі пазіцыю сваіх кампаній, якія на працягу многіх гадоў рэалізуюць праекты карпаратыўнай устойлівасці і сацыяльнай адказнасці, але і сваю асабістую зацікаўленасць у дасягненні Мэт устойлівага развіцця і захавання рэсурсаў Зямлі для будучых пакаленняў.

rjabina-17-7

Для павышэння канкурэнтаздольнасці і ўмацавання іміджу ў банку рэалізуецца Палітыка карпаратыўнай сацыяльнай адказнасці. Сёння «Беларусбанк» у ліку 13 тысяч кампаній з больш чым 170 краін свету, якія з'яўляюцца ўдзельнікамі Глабальнага дагавора ААН. У рамках Палітыкі КСА банк пастаянна падтрымлівае дабрачынныя і сацыяльныя праекты краіны ў галіне культуры, аховы здароўя, мастацтва і спорту.

Аддзел камунікацый

Жадаеце заўсёды быць у курсе апошніх навін? Падпішыцеся!