Банкаўскія плацежныя карткі

Чаму пры здзяйсненні аперацый па пералічэнні грашовых сродкаў з выкарыстаннем карткі банка ці яе рэквізітаў ва ўстройствах і сэрвісах іншых банкаў спаганяецца ўзнагароджанне? У якім памеры? Якім чынам банк апавясціў кліентаў аб спагнанні гэтага ўзнагароджання? Чаму ў СМС-інфармаванні адлюстроўваецца толькі сума пераводу без уліку ўзнагароджання?

У адпаведнасці з рашэннем Праўлення ААТ «ААБ Беларусбанк» з 14.06.2017 унесены змены ў Зборнік узнагароджанняў за аперацыі, якія выконваюцца ААТ «ААБ Беларусбанк», у частцы спагнання ўзнагароджання за пералічэнне грашовых сродкаў (перавод) з выкарыстаннем асабістай дэбетовай карткі банка або яе рэквізітаў пры дапамозе грашовых пераводаў Visa Direct, MasterCard MoneySend, пераводаў з рахунку на рахунак з выкарыстаннем картак БЕЛКАРТ ва ўстройствах і сэрвісах іншых банкаў (без уліку ўзнагароджання іншых банкаў) - 2,5% ад сумы.

Адзначанае ўзнагароджанне не прымяняецца пры здзяйсненні аперацый пералічэння грашовых сродкаў (пераводаў) з выкарыстаннем АІС "Разлік" (АРІП).

Інфармацыя аб памеры ўзнагароджання размешчана 05.06.2017 на карпаратыўным вэб-сайце банка www.belarusbank.by, у раздзеле «Фізічным асобам/Усе паслугі/Карткі для фізічных асоб/Тарыфы і ўмовы/Узнагароджанне па аперацыях з карткамі».

Акрамя таго, 14.06.2017 у раздзеле «Навіны банка/Усе навіны банка» дадаткова размешчана інфармацыя аб спагнанні ўзнагароджання пры здзяйсненні аперацый.

У рамках сэрвісу апавяшчэння ажыццяўляецца інфармаванне аб паступленні грашовых сродкаў на рахунак, а таксама аб расходных аперацыях, здзейсненых з выкарыстаннем карткі або яе рэквізітаў. Улічваючы існуючыя магчымасці праграмна-тэхнічнага комплексу, апавяшчэнне кліентаў аб суме спісанага ўзнагароджання за перавод грашовых сродкаў з выкарыстаннем карткі або яе рэквізітаў ва ўстройствах і сэрвісах іншых банкаў не ажыццяўляецца.

Атрымаць вычарпальную інфармацыю па ўсіх аперацыях, у тым ліку аб сумах узнагароджанняў, спісаных з рахунку, можна, аформіўшы атрыманне штомесячнай выпіскі па электроннай пошце, або, звярнуўшыся ва ўстанову банка па месцы адкрыцця рахунку, або ў аддзяленне банка, якое ажыццяўляе выдачу выпісак не па месцы адкрыцця рахунку, з дакументам, які сведчыць асобу. Дадзеная выпіска прадастаўляецца без спагнання ўзнагароджання. Аформіць паслугу атрымання штомесячнай выпіскі па электроннай пошце можна з дапамогай сістэм М-банкінг, Інтэрнэт-банкінг або ў любым структурным падраздзяленні банка з дакументам, які сведчыць асобу. 

Што рабіць у выпадку страты ПІН-кода?

Страчаны ПІН-код не аднаўляецца, таму неабходна звярнуцца ва ўстанову банка і аформіць заяву аб вырабе дубліката карткі. На падставе гэтай заявы будзе выраблена картка з новым ПІН-кодам. За выраб дубліката карткі банкам спаганяецца ўзнагароджанне

Чаму не атрымліваецца разлічыцца карткай?

Прычыны могуць быць рознымі, у т.л. кароткачасовы збой у рабоце тэрмінальнага абсталявання, наспраўнасць устройства для счытвання даных карткі, а таксама дэфект магнітнай паласы і (або) мікрапрацэсара (чыпа) і інш.

Трэба паспрабаваць правесці аперацыю з выкарыстаннем карткі ў іншым устройстве. Калі даныя карткі не будуць счытвацца і пры паўторных спробах, неабходна звярнуцца ва ўстанову банка і аформіць адпаведную заяву.

Як можна зняць наяўныя грашовыя сродкі без выкарыстання карткі?

Зняць наяўныя грашовыя сродкі без выкарыстання карткі можна ва ўстанове банка па месцы адкрыцця рахунку, прад’явіўшы дакумент, які сведчыць асобу, і аформіўшы адпаведную заяву.

Наяўныя грашовыя сродкі могуць быць выдадзены ў наступных выпадках:

- калі картка забрана банкаматам (інфакіёскам) і не дастаўлена ва ўстанову банка, у якой заключаны дагавор;

- з нанава адкрытага рахунку, калі картка яшчэ не атрымана;

- калі картка страчана або скончыўся тэрмін яе дзеяння і ў трымальніка няма новай ці дадатковай карткі;

- калі сродкі паступілі на спынены рахунак да яго канчатковага закрыцця;

- калі картка здадзена для вырабу дубліката і яшчэ не атрымана новая;

- на падставе даверанасці, аформленай у адпаведнасці з заканадаўствам Рэспублікі Беларусь;

- на падставе завяшчальнага распараджэння і прадстаўленых наследнікамі дакументаў аб смерці кліента да прадстаўлення банку пасведчання аб праве на спадчыну (у памеры, устаноўленым заканадаўствам);

- на падставе пасведчання аб праве на спадчыну і ў адпаведнасці з ім. 

Дзе трымальнік плацежнай карткі можа даведацца нумар рахунку, да якога аформлена картка?

Нумар рахунку пазначаецца ў дагаворы рахунку, да якога аформлена картка. Акрамя таго, даведацца нумар рахунку можна ва ўстанове банка па месцы адкрыцця рахунку, прад’явіўшы дакумент, які сведчыць асобу.

Як можна папоўніць наяўнымі грашовымі сродкамі рахунак, да якога аформлена картка ААТ «ААБ Беларусбанк»?

Папоўніць наяўнымі грашовымі сродкамі рахунак, да якога аформлена плацежная картка банка, можна наступнымі спосабамі:

  1. з выкарыстаннем карткі:

    - у аддзяленнях банка;

    - з выкарыстаннем інфакіёскаў і банкаматаў з функцыяй папаўнення наяўнымі - «Cash-in».

    Пасля папаўнення рахунку любым з пералічаных спосабаў грашовыя сродкі становяцца даступнымі для  выкарыстання адразу ж пасля ажыццяўлення аперацыі.

  1. без выкарыстання карткі:

    2.1. у інфакіёсках з функцыяй папаўнення наяўнымі «Cash-in».

    Для правядзення аперацыі неабходна пазначыць нумар і тэрмін дзеяння карткі. За правядзенне аперацыі спаганяецца ўзнагароджанне ў памеры 1,5% ад сумы аперацыі. Аперацыя праводзіцца ў рэжыме рэальнага часу і атрымальнік зможа скарыстацца грашовымі сродкамі адразу пасля паспяховага яе завяршэння.

    2.2. шляхам банкаўскага пераводу (у межах Рэспублікі Беларусь) пры прад’яўленні дакумента, які сведчыць асобу.

    Для ажыццяўлення банкаўскага пераводу адпраўшчыку пераводу неабходна ведаць наступныя рэквізіты, якія ўтрымліваюцца ў дагаворы рахунку атрымальніка пераводу:

    найменне ўстановы банка, у якой адкрыты рахунак атрымальніка пераводу;

    нумар рахунку ўстановы банка, у якой адкрыты рахунак атрымальніка пераводу*;

    код установы банка атрымальніка пераводу*;

    нумар рахунку атрымальніка пераводу;

    П. І. І. атрымальніка пераводу.

    * Пры ажыццяўленні банкаўскага пераводу ў аддзяленнях ААТ «ААБ Беларусбанк» прадастаўленне названых рэквізітаў не патрабуецца. Плата за ажыццяўленне аперацыі ў аддзяленнях ААТ «ААБ Беларусбанк» не спаганяецца.

    2.3. шляхам міжнароднага банкаўскага пераводу (з-за мяжы) 

Як атрымаць інфармацыю аб руху сродкаў па рахунку, да якога аформлена картка ААТ «ААБ Беларусбанк»?

Атрымаць інфармацыю аб руху грашовых сродкаў па рахунку, да якога аформлена картка (выпіску па рахунку), можна ва ўстанове банка, прад’явіўшы дакумент, які сведчыць асобу. За прадастаўленне выпіскі па рахунку банкам спаганяецца ўзнагароджанне (за выключэннем выпіскі за бягучы і (або) папярэдні месяц).

Разам з тым, ААТ «ААБ Беларусбанк» прапануе сваім кліентам паслугу атрымання на адрас электроннай пошты штомесячнай  выпіскі па рахунку з пазначэннем сум і дат правядзення ўсіх расходных і прыходных аперацый за мінулы месяц. Падключыць гэту паслугу можна любым з наступных спосабаў:

аформіць адпаведную заяву ва ўстанове банка, у якой адкрыты рахунак, прад’явіўшы дакумент, які сведчыць асобу;

аформіць заяўку на атрыманне штомесячнай выпіскі з дапамогай паслугі М-банкінг у раздзеле дадатку «М-Belarusbank» - «Сервисы» - «Выписка на e-mail»;

аформіць заяўку на атрыманне штомесячнай выпіскі з дапамогай паслугі  Інтэрнэт-банкінг у раздзеле «Банковские услуги» - «Заявки на услуги» - «Выписка по счету».

Атрымаць выпіску па рахунку за перыяд можна таксама ў сістэме Інтэрнэт-банкінг (перыяд фарміравання выпіскі можа быць не больш за 31 каляндарны дзень, пачатак перыяду выпіскі – не больш за 90 каляндарных дзён ад бягучай даты).

Акрамя таго, атрымаць інфармацыю аб аперацыях, здзейсненых з выкарыстаннем карткі або яе рэквізітаў можна з дапамогай паслугі «міні-выпіска», якая прадастаўляецца ў інфакіёсках і банкаматах банка, а таксама ў рамках паслугі Інтэрнэт-банкінг. Міні-выпіска ўтрымлівае інфармацыю аб 10 апошніх аперацыях, здзейсненых з выкарыстаннем карткі або яе рэквізітаў, але не больш чым за 7 апошніх дзён. За прадастаўленне паслугі банкам спаганяецца ўзнагароджанне.

Для атрымання аператыўнай інфармацыі аб руху грашовых сродкаў па рахунку (прыходных і/або расходных аперацыях) трымальнік карткі можа аформіць паслугу SMS-апавяшчэнне. Падключэнне паслугі ажыццяўляецца ва ўстанове Банка па месцы адкрыцця рахунку або з выкарыстаннем сістэмы Інтэрнэт-банкінг. Інфармаванне аб здзейсненых аперацыях па рахунку таксама можа ажыццяўляцца ў рамках паслугі М-банкінг (пры выбары трымальнікам карткі адпаведнага пакета паслуг). 

Якія аперацыі адлюстроўваюцца ў міні-выпісцы?

У міні-выпісцы адлюстроўваецца інфармацыя аб 10 апошніх аперацыях, здзейсненых толькі з выкарыстаннем карткі (яе рэквізітаў), з дапамогай якой ажыццяўляецца запыт паслугі, але не больш чым за 7 апошніх дзён.

У міні-выпісцы не адлюстроўваюцца:

-аперацыі па рахунку, здзейсненыя без выкарыстання карткі або яе рэквізітаў (залічэнне на рахунак заработнай платы, пенсіі, стыпендыі, працэнтаў на астатак сродкаў, залічэнне банкам сум у выніку правядзення разглядаў па спрэчных сітуацыях, узнагароджання банка);

- аперацыі па іншых картках, аформленых да аднаго і таго ж рахунку.

Што рабіць, калі картка засталася ў банкамаце/інфакіёску?

У выпадку калі банкамат (інфакіёск) не вяртае картку, неабходна пераканацца, што аперацыя завершана (банкамат (інфакіёск) не прапануе правесці наступную аперацыю) і ўстройства сапраўды не вяртае картку (пачакаць некалькі мінут).

Калі картка ўсё ж не вернута, то, не адыходзячы ад банкамата (інфакіёска), трэба яе адразу заблакіраваць. Гэта можна зрабіць, патэлефанаваўшы ў кругласутачную сэрвісную службу ААТ «Банкаўскі працэсінгавы цэнтр» па тэл. (017) 299-25-26 або з выкарыстаннем паслуг SMS-банкінг, М-банкінг, Інтэрнэт-банкінг.

Затрыманая банкаматам (інфакіёскам) картка будзе накіравана банкам, які абслугоўвае гэта ўстройства, ва ўстанову банка па месцы адкрыцця рахунку. Атрымаць аператыўную інфармацыю аб тэрмінах выемкі і перадачы затрыманай карткі можна ў аператарскай службе па тэлефонах, пазначаных на знешняй частцы банкамата (інфакіёска).

Для атрымання карткі неабходна з дакументам, які сведчыць асобу, звярнуцца ва ўстанову банка па месцы адкрыцця рахунку. У выпадку калі забраная картка належыць аднаму банку, а банкамат (інфакіёск), які яе адабраў, – іншаму, то для яе атрымання ва ўстанове банка-ўладальніка ўстройства можа спатрэбіцца пісьмовы дазвол ад банка, выпусціўшага картку.

Што рабіць, калі картка страчана?

У выпадку страты карткі неабходна як можна хутчэй заблакіраваць яе, патэлефанаваўшы ў кругласутачную сэрвісную службу ААТ «Банкаўскі працэсінгавы цэнтр» па тэл. (017) 299-25-26. Заблакіраваць картку таксама можна з дапамогай паслуг SMS-банкінг, М-банкінг або Інтэрнэт-банкінг (аперацыя даступна толькі для картак, з выкарыстаннем якіх былі зарэгістраваны гэтыя паслугі).

Далей, у 3-дзённы тэрмін (па картках для выкарыстання толькі на тэрыторыі Рэспублікі Беларусь) і 7-дзённы тэрмін (па міжнародных картках) неабходна звярнуцца з пісьмовай заявай ва ўстанову банка. За перавыпуск карткі ў выпадку яе страты банкам спаганяецца ўзнагароджанне.

Дзе можна атрымаць даведку, якая пацвярджае здзяйсненне плацяжу па картцы?

Для атрымання даведкі аб плацяжы на карысць пастаўшчыка паслугі (бенефіцыяра) неабходна звярнуцца ва ўстанову банка з дакументам, які сведчыць асобу. За прадастаўленне паслугі банкам спаганяецца ўзнагароджанне.

Што рабіць, калі памянялася прозвішча трымальніка карткі?

У выпадку змянення ў дакуменце, які сведчыць асобу кліента, напісання прозвішча і (або) імя, а таксама змянення прозвішча (пры заключэнні шлюбу і інш.) выдаецца дублікат карткі. Для гэтага трэба звярнуцца ва ўстанову банка для афармлення адпаведнай заявы з прад’яўленнем дакумента, які сведчыць асобу, і дакумента, які служыць пацвярджэннем законнасці змянення прозвішчаі (або) імя. За выраб дубліката карткі банкам спаганяецца ўзнагароджанне.

Што рабіць, калі знойдзена чужая картка ААТ «ААБ Беларусбанк»?

Знойдзеную картку неабходна перадаць у найбліжэйшую ўстанову (аддзяленне) ААТ «ААБ Беларусбанк» або накіраваць на адрас: 220089, г.Мінск, пр-т Дзяржынскага, 18.

З якога ўзросту можна аформіць картку ААТ «ААБ Беларусбанк»?

Адкрыць рахунак і аформіць картку ААТ «ААБ Беларусбанк» можна з 14-гадовага ўзросту пры наяўнасці дакумента, які сведчыць асобу.

На імя непаўналетніх ва ўзросце ад 6 да 18 гадоў у якасці дадатковай да рахунку кліента могуць быць аформлены карткі наступных тыпаў: БЕЛКАРТ-Maestro, БЕЛКАРТ, Visa Classic, Maestro, Masterсard Standard.

Што рабіць, калі скончыўся тэрмін дзеяння карткі?

Для абнаўлення карткі трымальнік можа звярнуцца ва ўстанову банка з дакументам, які сведчыць асобу, і аформіць адпаведную заяву.

Абнаўленне картак, за абслугоўванне якіх банк спаганяе ўзнагароджанне, ажыццяўляецца пасля аплаты кліентам сумы ўзнагароджання.

Як разблакіраваць картку ў выпадку трохразовага няправільнага ўводу ПІН-код)?

Для разблакіроўкі карткі ААТ «ААБ Беларусбанк» неабходна патэлефанаваць на нумар кругласуточнай сэрвіснай службы ААТ «Банкаўскі працэсінгавы цэнтр» - (017) 299-25-25.

Пасля разблакіроўкі карткі даецца адна спроба для ўводу ПІН-кода (у выпадку няправільнага ўводу ПІН-кода картка блакіруецца паўторна).

Што рабіць, калі банкамат не выдаў грошы?

У першую чаргу трэба пераканацца, што грашовыя сродкі сапраўды спісаны з рахунку, да якога аформлена картка. Інфармацыю аб бягучым стане рахунку Трымальнік карткі ААТ «ААБ Беларусбанк» можа атрымаць у банкамаце, інфакіёску, з выкарыстаннем паслуг SMS-банкінг, М-банкінг, Інтэрнэт-банкінг, а таксама ў кругласутачнай службе сэрвісу кліентаў ААТ «Банкаўскі працэсінгавы цэнтр» па тэл. (017) 299 25 25, (017) 299 25 23. Калі разыходжанне ўсё ж маецца, неабходна звярнуцца з заявай аб адбыўшайся сітуацыі ў любую ўстанову ААТ «ААБ Беларусбанк» або ў Кантакт-цэнтр па тэлефоне 147.

Пасля правядзення разбору і пацвярджэння фактаў, выкладзеных у заяве, грашовыя сродкі будуць вернуты на рахунак, да якога аформлена картка.

Увага! За прагляд балансу (даступнага астатку) па картцы ААТ «ААБ Беларусбанк» ва ўстройствах іншых банкаў спаганяецца
плата ў адпаведнасці з дзеючымі ў ААТ «ААБ Беларусбанк» ўзнагароджаннямі.

Як вярнуць плацеж, здзейснены ў інфакіёску?

Улічваючы, што банк выканаў даручэнне кліента і пералічыў грашовыя сродкі пазначанаму атрымальніку ў неабходным аб’ёме, для вяртання грашовых сродкаў неабходна звярнуцца з дакументам, які пацвярджае ажыццяўленне аперацыі (чэкам або пісьмовай інфармацыяй аб плацяжы, здзейсненым з выкарыстаннем карткі або яе рэквізітаў, выдадзенай банкам), і заявай у арганізацыю-атрымальнік грашовых сродкаў (аператар мабільнай сувязі, Інтэрнэт-правайдар і інш.), якая стане ініцыятарам вяртання грашовых сродкаў трымальніку карткі.

Колькі каштуюць SMS-паведамленні ў рамках паслугі М-банкінг?

Кошт паведамленняў, перададзеных карыстальнікам паслугі М-банкінг з выкарыстаннем тэхналогіі SMS на сэрвісныя нумары сістэмы М-банкінг, вызначаецца ў адпаведнасці з тарыфамі мабільных аператараў.

У роўмінгу кошт SMS-паведамлення вызначаецца згодна з роўмінгавымі тарыфамі мабільных аператараў на адпраўку SMS-паведамленняў.

У выпадку выкарыстання ў рамках паслугі М-банкінг тэхналогіі перадачы паведамленняў WAP/GPRS/CSD кошт паведамленняў вызначаецца ў адпаведнасці з тарыфамі мабільных аператараў (/ru_27881.htm).