Адкрыццё медыцынскага цэнтра для Таварыства з абмежаванай адказнасцю Арганізацыя

1 Кароткія звесткі пра таварыства

Поўнае найменне: Таварыства з абмежаванай адказнасцю «Арганізацыя».

Кароткае найменне: ТАА «Арганізацыя».

Фактычнае месцазнаходжанне: Мінская вобласць, г. Мінск, вул. Мінская, д.1.

Юрыдычны статус: Таварыства з абмежаванай адказнасцю.

Юрыдычны адрас: Мінская вобласць, г. Мінск, вул. Мінская, д.1.

Форма ўласнасці: прыватная.

Наяўнасць сезоннага характару работ: Адсутнічае.

Склад заснавальнікаў:

Удзельнікамі таварыства з’яўляюцца:

• ТАА «Заснавальнік» – УНП 222222222;
• Пятроў Уладзімір Уладзіміравіч – грамадзянін Рэспублікі Беларусь – грамадзянін Рэспублікі Беларусь, асабісты нумар 3333333А333PB3.;
• Пятрова Вікторыя Віктараўна – грамадзянка Рэспублікі Беларусь – грамадзянка Рэспублікі, асабісты нумар 5555555А555PB5.

Від дзейнасці таварыства:

Плануемымі да ажыццяўлення відамі дзейнасці ТАА «Арганізацыя» згодна з АКРБ 005-2011 з’яўляюцца:

• 86230 – Стаматалагічная дзейнасць;
• 86210 – Агульная ўрачэбная практыка;
• 86220 – Спецыялізаваная ўрачэбная практыка.

2 Характарыстыка таварыства і стратэгіі яго развіцця

Таварыства з абмежаванай адказнасцю «Арганізацыя» створана і дзейнічае ў адпаведнасці з Грамадзянскім кодэксам Рэспублікі Беларусь, Законам Рэспублікі Беларусь ад 09.12.1992 №20220-ХII «Аб гаспадарчых таварыствах», іншымі заканадаўчымі актамі Рэспублікі Беларусь.

Таварыства зарэгістравана рашэннем Мінскага гарадскога выканаўчага камітэта ад 01 студзеня 2020 года, у Адзіным дзяржаўным рэгістры юрыдычных асоб і індывідуальных прадпрымальнікаў за №111111111.

Асноўнай мэтай дзейнасці Таварыства з’яўляецца атрыманне прыбытку для задавальнення сацыяльных і эканамічных інтарэсаў Удзельнікаў Таварыства шляхам ажыццяўлення прадпрымальніцкай дзейнасці.

Кіраўнік таварыства: Іваноў Іван Іванавіч.

Па стане на дату распрацоўкі тэхніка-эканамічнага абгрунтавання, асноўная дзейнасць арганізацыяй не ажыццяўлялася.

Падатковае акружэнне: Агульная сістэма падаткаабкладання.

3 Апісанне і мэта праекта

Мэта рэалізацыі праекта:

Адкрыццё ТАА «Арганізацыя» медыцынскага цэнтра для пачатку паступлення выручкі ў арганізацыю.

Сутнасць праекта:

ТАА «Арганізацыя» плануе ў 2020 годзе адкрыццё сучаснага шматпрофільнага медыцынскага цэнтра «МЕДЫЦЫНСКІ ЦЭНТР» з наступнымі напрамкамі працы:

1. Дыягнастычнае (лабараторныя паслугі, інструментальная і функцыянальная дыягностыка, аддзяленне лучавой дыягностыкі);
2. Амбулаторны напрамак з вузкімі спецыялістамі (мнагапрофільны кансультацыйна-дыягнастычны цэнтр);
3. Кругласутачны стацыянар на 2 койкі – магутнасцю да 4 пацыентаў у дзень;
4. Аперацыйны блок для выканання высокатэхналагічных умяшанняў
5. Дадатковыя віды паслуг: аптэка.

У цэнтры будуць працаваць высокакваліфікаваныя спецыяалісты, сярод якіх кандыдаты і дактары медыцынскіх навук.

Медыцынскі цэнтр «МЕДЫЦЫНСКІ ЦЭНТР» будзе размяшчацца ў арэндуемым ізаляваным памяшканні з абсталяваннем, мэбляй і аргтэхнікай па адрасе: Мінская вобласць, г. Мінск, вул. Мінская, д.1 прызначэнне – памяшканне аховы здароўя, перададзеным па дагаворы арэнды №111 ад 01.01.2020, заключаным з ТАА «Заснавальнік» (заснавальнік ТАА «Арганізацыя») тэрмінам па 31 снежня 2025 года.

Для адкрыцця медыцынскага цэнтра «МЕДЫЦЫНСКІ ЦЭНТР» ініцыятар праекта набыў неабходнае абсталяванне за кошт уласных сродкаў (уклад у статутны фонд). Частка абсталявання і аргтэхніка прадастаўлена ў карыстанне ТАА «Арганізацыя» разам з арэндуемым памяшканнем. Таксама плануецца набыццё часткі спецыялізаванага абсталявання за кошт крэдытных сродкаў у тым ліку: рабочыя месцы атарыналарынголага з прыналежнасцямі; кальпаскопы Leisegang; сістэма лазерная Vbeam Prima з прыналежнасцямі; сістэма Vela Shape III з прыналежнасцямі.

ТАА «Арганізацыя», па стане на дату распрацоўкі тэхніка-эканамічнага абгрунтавання, рыхтуе пакет дакументаў на атрыманне спецыяльнага дазволу (ліцэнзіі) на права ажыццяўлення медыцынскай дзейнасці цэнтра «МЕДЫЦЫНСКІ ЦЭНТР».

Абсталяванне касметалагічнае: сістэма лазерная Vbeam Prima з прыналежнасцямі і сістэма Vela Shape III з прыналежнасцямі набываецца па дагаворы №123 ад 01студзеня 2020 года заключаемым з ТАА «Пастаўшчык 1». Найменне абсталявання касметалагічнага згодна са спецыфікацыямі №1 і №2 да дагавору №123 ад 01 студзеня 2020 года. Кошт сістэмы лазернай Vbeam Prima з прыналежнасцямі складае 91 000,00 (Дзевяноста адна тысяча) Еўра, 00 Еўрацэнтаў без ПДК. Кошт сістэмы Vela Shape III з праналежнасцямі складае 43 000,00 (Сорак тры тысячы) Еўра, 00 Еўрацэнтаў без ПДК. Аплата па дагаворы ў наступным парадку: папярэдняя аплата ў памеры 85% ад агульнага кошту абсталявання; застаўшаяся частка ў памеры 15% ад агульнага кошту абсталявання аплачваецца на працягу 8 месяцаў з моманту атрымання абсталявання. Пастаўка сістэмы лазернай Vbeam Prima з прыналежнасцямі на працягу 90 працоўных дзён пасля перадаплаты. Пастаўка сістэмы Vela Shape III з прыналежнасцямі на працягу 30 працоўных дзён пасля перадаплаты. Стаўка ўвазной мытнай пошліны па набываемым абсталяванні згодна з кодам ТНЗЭД 0%.

Месцы працоўныя модульныя атарыналарынголага з прыналежнасцямі і кальпаскопы Leisegang: мадэль «3MVC LED USB» набываюцца па дагаворы
№456 ад 01 студзеня 2020 года заключаемым з ТАА «Пастаўшчык 2».  Найменне абсталявання згодна з дадаткам №1 да дагавору №456 ад 01 студзеня 2020 года. Кошт абсталявання складае 201 799,63 (Дзвесці адна тысяча сямсот дзевяноста дзевяць) беларускіх рублёў, 63 капейкі, у тым ліку ПДК у памеры 5 331,43 (Пяць тысяч трыста трыццаць адзін) беларускіх рублёў, 43 капейкі. Аплата па дагаворы ў наступным парадку: папярэдняя аплата ў беларускіх рублях у памеры, эквівалентным 36 100,00 (Трыццаць шэсць тысяч сто) Еўра, 00 Еўрацэнтаў; папярэдняя аплата ў беларускіх рублях у памеры, эквівалентным 1 262,00 (Адна тысяча дзвесці шэсцьдзясят два) Еўра, 00 Еўрацэнтаў да моманту адгрузкі абсталявання; застаўшаяся частка аплачваецца па факце пастаўкі на працягу 4 месяцаў з даты адгрузкі роўнымі долямі. Умовы пастаўкі: на працягу 60 каляндарных дзён з моманту атрымання перадаплаты. Цана абсталявання не можа перавышаць суму ў беларускіх рублях, эквівалентную 74 724,00 (Семдзесят чатыры тысячы сямсот дваццаць чатыры) Еўра, 00 Еўрацэнтаў.

Агульны кошт інвестыцыйнага праекта, на дату распрацоўкі тэхніка-эканамічнага абгрунтавання, складае 399 920,36 (Трыста дзевяноста дзевяць тысяч дзевяцьсот дваццаць) Еўра, 00 Еўрацэнтаў (курс для разліку Еўра на дату складання тэхніка-эканамічнага абгрунтавання: 2,6890). ТАА «Арганізацыя» плануе атрымаць фінансаванне ААТ «Банк» шляхам прыцягнення крэдытных сродкаў па праграме крэдытнага прадукту «Крэдытны прадукт» на суму 150 000,00 (Сто пяцьдзясят тысяч) Еўра, 00 Еўрацэнтаў для аплаты 37,51% кошту інвестыцыйнага праекта па набыцці часткі медыцынскага абсталявання. Праектам прадугледжаны ўдзел уласнымі сродкамі ТАА «Арганізацыя» (статутны фонд) у памеры 47,81% кошту інвестыцыйнага праекта. Сума ў памеры 514 127,00 (Пяцьсот чатырнаццаць тысяч сто дваццаць сем) беларускіх рублёў, 00 капеек была накіравана на аплату абсталявання для адкрыцця медыцынскага цэнтра і аплаты ліцэнзій (на дату распрацоўкі тэхніка-эканамічнага абгрунтавання эквівалентна суме 191 196,36 (Чатырыста тысяч дзвесце сорак два) Еўра, 36 Еўрацэнтаў). Таксама прадугледжаны ўдзел заёмнымі сродкамі (займ заснавальніка) у памеры 14,68% кошту інвестыцыйнага праекта, што складае 58 724,00 (Пяцьдзясят восем тысяч сямсот дваццаць чатыры) Еўра, 00 Еўрацэнтаў на аплату застаўшайся часткі кошту абсталявання.

У рамках рэалізацыі праекта будзе створана 45 працоўных месцаў.

Месца ажыццяўлення праекта:

г. Мінск, пр. Пераможцаў, д. 135.

Апісанне плануемай да аказання паслугі і галіна яе прымянення:

Медыцынскі цэнтр «МЕДЫЦЫНСКІ ЦЭНТР» плануе аказанне шырокага спектра паслуг па дыягностыцы і лячэнні захворванняў, а таксама правядзенне хірургічных аперацый (у тым ліку эстэтычная і пластычная хірургія) па некаторых захворваннях і лячэнне ў стацыянары, стаматалагічных паслуг (тэрапія, хірургія, артапедыя, артадантыя).

Медыцынскі цэнтр «МЕДЫЦЫНСКІ ЦЭНТР» будзе аказваць паслугі па 20 ліцэнзійных напрамках дзейнасці, у тым ліку:

• Ультрагукавая дыягностыка (УГД). Ультрагукавая дыягностыка будзе праводзіцца вопытнымі спецыялістамі на апаратах апошніх пакаленняў з ацэнкай усіх магчымых паказчыкаў, што значна палягчае дыферэнцыяльную дыягностыку многіх захворванняў. Побач з традыцыйнымі УГД органаў брушной поласці, нырак, наднырачнікаў, шчытападобнай залозы, органаў малога таза, праводзяцца даследаванні сэрца, сасудаў (канечнасцей, шыі, УГД сасудаў палавога члена). Шэраг ультрагукавых даследаванняў праводзіцца з функцыянальнымі пробамі (УГД жоўцевага пузыра, УГД сасудаў мужчынскіх палавых органаў), што важна ў дыягностыцы  парушэння функцый органаў і сістэм. Магчыма таксама генетычнае УГД, УГД цяжарных ва ўсіх трыместрах з даследаваннем плода для выяўлення паталогіі развіцця.
• Гінекалогія. Адным з асноўных напрамкаў медыцынскага цэнтра «МЕДЫЦЫНСКІ ЦЭНТР» з’яўляецца гінекалогія – галіна медыцыны, якая ахоплівае ўсе перыяды жыцця жанчыны, усе працэсы ў арганізме ў норме або пры паталогіі. Спецыялістамі медыцынскага цэнтра будзе выкарыстоўвацца ўвесь комплекс неабходных даследаванняў гінекалогіі (агляды, заборы матэрыялу на флору і цыталогію, кальпаскапія, УГД, іншыя маніпуляцыі). Кансерватыўныя мерапрыемствы спалучаюцца, пры неабходнасці, з хірургічным лячэннем эрозіі шыйки маткі, выдаленнем кандылом, папілом лазерным і радыёхвалевым спосабам. Пільная ўвага надаецца перадракавым захворванням.
• Уралогія. Не менш важная магчымасць абследавацца, атрымаць лячэнне ва ўролага, асабліва для сямейных пар, з назіраннем жонкі ў гінеколага, калі вырашаецца пытанне абследавання па бясплоддзі або паралельна вядзецца лячэнне пры інфекцыях. Этыка, сумесная работа гінеколага і ўролага даюць станоўчы вынік. Акрамя таго, мужчынскія праблемы: вострыя, хранічныя захворванні мочапалавой сістэмы (прастаціт, урэтрыт), у тым ліку ІППШ, сэксуальныя растройствы, іншыя захворванні вырашаюцца ўролагам з выкарыстаннем кансерватыўных метадаў, а пры неабходнасці, хірургічных ўмяшанняў. Урачамі-ўролагамі цэнтра праводзіцца аператыўнае лячэнне варыкацэле, фімоза, скрыўлення палавога члена. Таксама выконваецца кругавое сячэнне крайняй плоці (абразанне), выдаленне кандылом, папілом, іншых утварэнняў у межах мочапалавых органаў з выкарыстаннем лазера.
• Хірургія. Хірургія цэнтра будзе мець шэраг напрамкаў: гэта шырокі спектр эстэтычных пластычных аперацый, з выкарыстаннем найноўшага абсталявання і тэхналогій. Высокі прафесіяналізм хірургаў будзе забяспечваць атрыманне вынікаў у адпаведнасці з жаданнямі кліентаў. Пры аперацыях па падцягванні мяккіх тканак твару, якія валодаюць эфектам абмаладжэння твару, будзе выкарыстоўвацца найноўшае эндаскапічнае абсталяванне, якое дазваляе праз невялікія разрэзы выканаць аперацыю на ўсіх аддзелах твару з максімальнай эфектыўнасцю.
• Касметалогія. Касметалогія медыцынскага цэнтра будзе асначана сучасным абсталяваннем, якое дазваляе выконваць безаперацыйныя метады амаладжэння. Так, на лазерным шматфункцыянальным апараце Palomar будуць ажыццяўляцца працэдуры па фракцыйным амаладжэнні і падцяжцы твару, выдаленне рубцоў, пігментацый, будзе паспяхова лячыцца купяроз, разацэа, сасудзістыя зорачкі, тэлеангіэктазіі, фотаэпіляцыя ўсіх відаў валасоў і да т.п.
• Лазерная хірургія. Хірургамі цэнтра плануецца выкананне лазерных аперацый на скуры, слізістых з медыцынскімі або эстэтычнымі паказчыкамі: выдаленне папілом, невусаў, радзімак, барадавак, малюскаў, сасудаў, рубцоў. Аперацыі будуць праводзіцца высокакваліфікаванымі спецыялістамі –хірургамі, пры неабходнасці з біяпсіяй. Выкарыстанне лазерных тэхналогій забяспечвае скарачэнне часу аперацыі, памяншэнне кроватачывасці і інфіцыравання.
• Сасудзістая хірургія. Лазерныя тэхналогіі будуць шырока ўкаранёны ў сасудзістую хірургію клінікі. Побач са склератэрапіяй дробных сасудаў, традыцыйнай флебэктаміяй (выдаленнем вен) пры лячэнні варыкознага пашырэння вен сасудзістымі хірургамі цэнтра будзе ўкаранёна малаінвазіўная аперацыя ўнутрысасудзістай каагуляцыі вен лазерам. Выкарыстанне аднаразовага светавода (бяспечнасць інфіцыравання), скарачэнне часу аперацыі (1-2 гадзіны), мясцовае абязбольванне і хуткае вяртанне працаздольнасці – вось станоўчыя аспекты гэтай аперацыі. Ультрагукавы кантроль стану вен да, у час і пасля аперацыі гарантуе пацыенту добры эфект у лячэнні гэтага захворвання. У клініцы на працягу пасляаперацыйнага перыяду пацыенту будзе забяспечвацца камфортнае знаходжанне ў палатах назірання стацыянару. Анэстэзія і назіранне будзе праводзіцца пры ўсіх умяшаннях кваліфікаванымі ўрачамі – анестэзіёлагамі і медсёстрамі-анестэзістамі. Аперацыйныя, палаты клінікі забяспечаны сістэмай медгазазабеспячэння і сучаснай дыхальнай апаратурай, а таксама найноўшай сістэмай сувязі з пастом медыцынскай сястры.
• Стаматалогія. Адным з асноўных напрамкаў медыцынскага цэнтра «МЕДЫЦЫНСКІ ЦЭНТР» з’яўляецца стаматалогія. Лячэнне зубоў будзе праводзіцца з прымяненнем самых дасканалых методык: камп’ютарны рэнтген, ультрагукавое зняцце зубных адкладанняў, пакрыццё зубоў фторзмяшчальнымі прэпаратамі, мастацкая рэстаўрацыя зубоў пад эфектыўным абязбольваннем, змяненне колеру, формы, вінірынг, сучаснае эндадантычнае лячэнне карнявых каналаў зубоў пад кантролем візіёграфа. Вопытныя стаматолагі-артапеды будуць выконваць пратэзіраванне зубоў, вырабляць зручны і эстэтычны пратэз. У выпадку поўнай страты зуба, стаматолагі-хірургі ўстанаўліваюць імплант, які дазваляе зафіксаваць каронку без траўміравання суседніх зубоў.
• Кансультацыі профільных спецыялістаў. Кансультатыўныя прыёмы ў клініцы будуць ажыццяўляць: неўролаг, эндакрынолаг, дэрматолаг, тэрапеўт, аталарынголаг.

Аб’ём аказваемых паслуг у рамках рэалізацыі праекта:

Выручка з 2020 года да заканчэння перыяду крэдытавання, разлічана як выручка ў рамках рэалізацыі гэтага інвестыцыйнага праекта.

Пры разліку тэхніка-эканамічнага абгрунтавання ТАА «Арганізацыя» плануе, што магчымая колькасць чэкаў па напрамку стаматалогія будзе складаць 185 у месяц, па іншых напрамках 462. Сярэдні кошт аднаго чэка па напрамку стаматалогія будзе знаходзіцца на ўзроўні 300,00 (Трыста) беларускіх рублёў, 00 капеек, па іншых напрамках на ўзроўні 200,00 (Дзвесце) беларускіх рублёў, 00 капеек.

Разлік выдаткаў на аказанне і рэалізацыю паслугі па праекце:

Разлік выдаткаў на аказанне і рэалізацыю паслугі па праекце з улікам бягучай дзейнасці ініцыятара праекта адлюстраваны ў табліцы 4-9 «Разлік выдаткаў на вытворчасць і рэалізацыю прадукцыі» (пастанова Міністэрства эканомікі Рэспублікі Беларусь ад 31.08.2005 №158 у актуальнай рэдакцыі) дадатку гэтага тэхніка-эканамічнага абгрунтавання.

Кошт паслуг па мытным афармленні набываемага абсталявання адлюстравана ў табліцы 4.9 у 2020 годзе як паслугі іншых арганізацый.

Аналіз рынку рэалізацыі паслуг і ацэнка іх канкурэнтаздольнасці:

Рынак медыцынскіх паслуг прадстаўлены двума сегментамі. Адзін з іх (умоўна – некамерцыйны сектар) прапануе віды паслуг, гарантаваныя насельніцтву і фінансуемыя дзяржавай, або так званыя «бясплатныя паслугі». Другі (камерцыйны сектар) аказвае платныя паслугі. Прычым да другога сегменту адносяцца як прыватныя, так і дзяржаўныя ўстановы аховы здароўя.

У рэаліях сучаснага грамадства становіцца запатрабаваным якаснае, камфортнае і своечасовае медыцынскае абслугоўванне, у сувязі з чым атрымаў шырокае развіццё рынак платных медыцынскіх паслуг. Платныя медыцынскія паслугі сталі неад’емным кампанентам дзейнасці практычна ўсіх устаноў, функцыянуючых у сферы аховы задароўя.

Нягледзячы на невысокі ўзровень даходаў грамадзян, прыватная медыцына, побач з дзяржаўнай, заваявала прызнанне сярод усіх слаёў насельніцтва. Яна садзейнічае развіццю медыцыны як такавой на канкурэнтнай аснове. Рыначныя адносіны прапануюць пацыенту свабоду выбару адносна месца атрымання медыцынскай дапамогі.

Адным з актыўна развіваючыхся ў Беларусі напрамкаў з’яўляецца ўязны медыцынскі турызм, чаму садзейнічае наяўнасць моцнай айчыннай медыцынскай школы, сеткі навукова-практычных медыцынскіх цэнтраў, магчымасці правядзення высокатэхналагічных аперацый, а таксама канкурэнтаздольнасць беларускіх медыцынскіх паслуг па якасці і цане. Большасць буйных устаноў аховы здароўя рэспублікі, як дзяржаўных, так і прыватных, арыентавана на экспарт шырокага спектра медыцынскіх паслуг. Самымі папулярнымі ў замежных грамадзян з’яўляюцца паслугі стаматалогіі і пластычнай хірургіі. Пры гэтым на базе беларускіх клінік магчыма арганізаваць правядзенне працэдур і аперацый любой складанасці – у сферы кардыялогіі, нейрахірургіі, траўматалогіі і артапедыі, афтальмалогіі, атарыналарынгалогіі, рэпрадуктыўных тэхналогій, анкалогіі, трансплантацыі органаў і тканак.

Медыцынскі цэнтр «МЕДЫЦЫНСКІ ЦЭНТР» – гэта сучасны медыцынскі цэнтр, у якім будзе прапанавана абслугоўваннне па наступных напрамках: лабараторная дыягностыка, гінекалогія, дэрматалогія, касметалогія, неўралогія, атарыналарынгалогія, пластычная эстэтычная хірургія, стаматалогія, тэрапія, ультрагукавая дыягностыка (УГД), уралогія, флебалогія, функцыянальная дыягностыка, хірургія, у т.л. лазерная, эндакрыналогія, сучаснае  аперацыйнае аддзяленне і дзве камфортныя палаты стацыянара.

Стратэгія развіцця медыцынскага цэнтра «МЕДЫЦЫНСКІ ЦЭНТР» накіравана на забеспячэнне дзейнасці сучаснага шматпрофільнага медыцынскага цэнтра, аб’ядноўваючага шырокі спектр амбулаторнай і стацыянарнай дапамогі шляхам развіцця лячэбна-дыягнастычнай базы з фарміраваннем умоў для ўкаранення новых медыцынскіх тэхналогій і навуковай дзейнасці.

Аснова лячэбна-аздараўленчай палітыкі медыцынскага цэнтра «МЕДЫЦЫНСКІ ЦЭНТР» – гэта комплексны падыход да кліентаў, імкненне дапамагчы ім стаць квітнеючымі, здаровымі, прыгожымі людзьмі, якія нясуць абаяльнасць і аптымізм.

У медыцынскім цэнтры «МЕДЫЦЫНСКІ ЦЭНТР» будуць працаваць высокакваліфікаваныя спецыялісты, сярод якіх кандыдаты і дактары медыцынскіх навук. Рэгулярны ўдзел у міжнародных канферэнцыях, абмен вопытам з замежнымі калегамі дазволіць спецыялістам цэнтра не адставаць ад сусветных тэндэнцый медыцыны, заўсёды быць у курсе распрацовак найноўшых лекавых сродкаў і методык лячэння. У клініцы ўстаноўлена, а таксама працягвае набывацца сучаснае абсталяванне нямецкіх і амерыканскіх вытворцаў.

У медыцынскім цэнтры «МЕДЫЦЫНСКІ ЦЭНТР» будуць створаны ўсе ўмовы для ранняй і своечасовай дыягностыкі розных захворванняў, іх лячэння, а для шэрагу захворванняў – хірургічных аперацый і лячэння ва ўласным стацыянары. Спецыялісты клінікі будуць дапамагаць пацыентам набыць не толькі здароўе, але і прыгажосць.

У медыцынскім цэнтры «МЕДЫЦЫНСКІ ЦЭНТР» будзе надавацца належная ўвага падтрыманню медыцынскага абсталявання ў спраўным і належным стане, для чаго будзе праводзіцца яго рэгулярнае абслугоўванне сіламі прыцягнутых арганізацый, з якімі будуць заключаны дагаворы пры ўводзе абсталявання ў эксплуатацыю.

Медыцынскія паслугі аказваюцца арганізацыяй з выкарыстаннем таварнага знака медыцынскага цэнтра «МЕДЫЦЫНСКІ ЦЭНТР».

Кліентамі медыцынскага цэнтра «МЕДЫЦЫНСКІ ЦЭНТР» будуць з’яўляцца жыхары не толькі г. Мінска, але і іншых гарадоў рэспублікі, а таксама замежныя грамадзяне.

Канкурэнтаў медыцынскага цэнтра «МЕДЫЦЫНСКІ ЦЭНТР»» можна падзяліць на дзве групы. Першая – гэта медыцынскія ўстановы дзяржаўнай  формы ўласнасці, другая – гэта прыватныя медыцынскія цэнтры.

У медыцынскія ўстановы дзяржаўнай формы ўласнасці звяртаюцца кліенты з сярэднім і ніжэй за сярэдні дастатак. Адзінай іх перавагай перад медыцынскім цэнтрам «МЕДЫЦЫНСКІ ЦЭНТР» з’яўляецца кошт прадастаўляемых паслуг. Аднак чэргі на аперацыі ў такія ўстановы могуць дасягаць 2-3 месяцы і больш.

Перавагамі медыцынскага цэнтра «МЕДЫЦЫНСКІ ЦЭНТР» перад канкурэнтамі дзяржаўнай формы ўласнасці будуць з’яўляцца:

• узровень сэрвісу;
• хуткасць абслугоўвання;
• больш кваліфікаваны медыцынскі персанал;
• прадастаўленне працэдур, якія адсутнічаюць у медыцынскіх установах дзяржаўнай формы ўласнасці (лазерная касметалогія, лазернае выдаленне дабраякасных новаўтварэнняў).

Асноўнымі канкурэнтамі сярод прыватных медыцынскіх цэнтраў па колькасці медыцынскіх паслуг і напрамкаў з’яўляюцца «Канкурэнт 1», «Канкурэнт 2», «Канкурэнт 3» і «Канкурэнт 4».

«Канкурэнт 1» – шматпрпофільны медыцынскі цэнтр, добра вядомы ў Рэспубліцы Беларусь. «Канкурэнт 1» – гэта першая недзяржаўная і адна з самых буйных медыцынскіх устаноў у Беларусі. Цэнтр ажыццяўляе медыцынскую практыку па аказанні прафілактычнай, лячэбна-дыягнастычнай, кансультацыйнай і рэабілітацыйнай дапамогі насельніцтву, комплексным медабслугоўванні пацыентаў з заключэннем доўгатэрміновых дагавораў, аказвае паслугі па санаторна-курортным лячэнні. Цэнтры «Канкурэнт 1» размешчаны па наступных адрасах у г. Мінску: пр. Мінскі, 2; вул. Набярэжная, 1; вул. Сельская, 3.

Медыцынскі цэнтр «Канкурэнт 2» працуе на беларускім рынку медыцынскіх паслуг больш за 20 гадоў. Калектыў кампаніі складаюць больш за 250 спецыялістаў, многія з якіх прайшлі стажыроўкі за мяжой. Шэраг урачоў маюць вучоныя ступені і званні. Каля 85% спецыялістаў маюць катэгорыі, з іх 70% – гэта ўрачы з першай і вышэйшай катэгорыямі, што з’яўляецца адным з найлепшых паказчыкаў сярод камерцыйных медыцынскіх цэнтраў. У цяперашні момант у медыцынскім цэнтры прадстаўлены больш за 40 відаў медыцынскіх напрамкаў: ад такіх «масавых», як стаматалогія, гінекалогія, уралогія і афтальмалогія да параўнальна рэдкіх для прыватнай медыцыны напрамкаў, такіх як дэрматалогія, неўралогія, алергалогія і інш. Медыцынскі цэнтр «Канкурэнт 2» размешчаны па адрасе: г. Мінске, вул. Галоўная, 4.

«Канкурэнт 3» – буйны шматпрофільны медыцынскі цэнтр. Лячэбнае аддзяленне складаецца з 22 напрамкаў, ажыццяўляецца дыягностыка, ёсць стаматалогія і фітнес-цэнтр. Пастаянна адкрываюцца новыя напрамкі і формы медыцынскага абслугоўвання. Вядзецца актыўная праца з карпаратыўнымі кліентамі. Медыцынскі цэнтр «Канкурэнт 3» размешчаны па адрасе: г. Мінск, вул. Зялёная, 5.

Прыватная клініка «Канкурэнт 4» – адна з вядомых і паважаных медыцынскіх устаноў у г. Мінску. Асноўнымі напрамкамі дзейнасці з’яўляюцца: медыцынския паслугі (34 спецыялізацыі); дыягностыка; стаматалогія і пластычная эстэтычная хірургія. Прыватная клініка «Канкурэнт 4» размешчана па трох адрасах у г. Мінску: пр. Цэнтральны, 6; вул. Ніжняя, 7; вул. Верхняя, 8.

Кантынгент кліентаў, якія наведваюць гэтыя цэнтры, – гэта людзі з высокім і вышэй за сярэдні заробак.

Перавагамі медыцынскага цэнтра перад дадзенымі цэнтрамі будуць з’яўляцца больш нізкія цэны, наяўнасць шырокага спектра паслуг пластычнай хірургіі, а таксама наяўнасць найноўшага абсталявання.

Медыцынскі цэнтр размешчаны ў раёне з развітай інфраструктурай і вельмі шчыльнай жылой забудовай, побач таксама размяшчаецца раён прыватнай жылой забудовы, у якой пражывае насельніцтва з высокім узроўнем даходу. Месцазнаходжанне медыцынскага цэнтра робіць яго прывабным для наведвання грамадзян, якія жывуць у непасрэднай блізкасці, паколькі побач аналагічных цэнтраў няма.

Спецыялістамі медыцынскага цэнтра рэгулярна будзе праводзіцца аналіз цэн канкурэнтаў на аналагічныя віды паслуг. Вынікі праведзенага аналізу прадстаўлены ў Табліцы 1.

Табліца 1. Параўнанне цэн на некаторыя паслугі ў прыватных медыцынскіх цэнтрах г. Мінска, BYN за паслугу

Пры прасоўванні медыцынскага цэнтра «МЕДЫЦЫНСКІ ЦЭНТР» будуць задзейнічаны наступныя віды рэкламы:

• Друкаваная рэклама:
• візіткі цэнтаў з пералікам паслуг;
• буклеты па асноўных відах паслуг медыцынскага цэнтра (касметалогія, флебалогія, гінекалогія, практалогія);
• буклеты з інфармацыяй пра комплексныя праграмы абследавання (пашпарт здароўя, праграмы цыкла «Здаровае сэрца», дзіцячыя праграмы абследавання);
• буклеты з інфармацыяй для кліентаў і рэкламнымі старонкамі (буклеты з рэкамендаванымі лячэбнымі дыетамі, практыкаваннямі Кегеля для пацыентак аддзялення гінекалогіі, планы абследаванняў перад аперацыйнымі ўмяшаннямі);
• размалёўкі для дзяцей з пералікам паслуг цэнтра (плануюць дарыць маленькім пацыентам);
• друкаваныя плакаты з інфармацыяй аб асобных паслугах цэнтра і з пералікам паслуг у агульным (плакаты фармата А0, А1, а таксама шэраг стоек з плакатамі фармата А4).
• Рэклама ў Інтэрнэце:
• прасоўванне ўласнага сайта;
• прасоўванне ў папулярных сацыяльных сетках Facebook, Вконтакте, Instagram;
• канал на YouTube;
• кантэкстная рэклама ў пошукавай сетцы Google па напрамках: афтальмалогія, атарыналарынгалогія, педыятрыя, флебалогія, эндаскапічныя даследаванні, паслугі лабараторыі;
• размяшчэнне на парталах TAM.by, 103.by, sok.by, chatoff.by, relax.by, otzyvy.by, infodoktor.by, medportal.by.
• Партнёрскія матэрыялы (артыкулы, інтэрв’ю) у сродках масавай інфармацыі (Інтэрнэт-парталы):
• by (інтэрв’ю ўрачоў-спецыялістаў);
• by, размяшчэнне інтэрв’ю спецыялістаў цэнтра ў раздзеле «Часопіс» з выхадам на галоўную старонку (пластычная хірургія, эндаскапічныя даследаванні, гінекалогія);
• by (інтэрв’ю з урачамі ў раздзеле «Гісторыя поспеху»: атарыналарынгалогія, гінекалогія).
• Рэклама на тэлебачанні:
• Удзел спецыялістаў цэнтра ў тэлеперадачах «Здароўе» на канале БТ 1;
• Здымкі спецыялістаў цэнтра ў тэлешоу «Галерэя прыгажосці».

Медыцынскі цэнтр «МЕДЫЦЫНСКІ ЦЭНТР» плануе пасля атрымання ліцэнзіі пачаць супрацоўніцтва з асноўнымі страхавымі кампаніямі ў Рэспубліцы Беларусь («Страхавая 1», «Страхавая 2», «Страхавая 3», «Страхавая 4», «Страхавая 5», «Страхавая 6» і г.д.) і прадастаўляць паслугі ў рамках абслугоўвання страхавых полісаў.

Інфармацыя аб тэрмінах рэалізацыі праекта і тэрмінах уводу яго ў эксплуатацыю:

Першы этап:

• Закупка неабходнага абсталявання і правядзенне падрыхтоўчых работ для адкрыцця медыцынскага цэнтра «МЕДЫЦЫНСКІ ЦЭНТР» (2018 год – чэрвень 2020 года).

Другі этап:

• Заключэнне крэдытнага дагавору з ААТ «Банк» (чэрвень 2020 года).

Трэці этап:

• Атрыманне ліцэнзіі Мінздрава на ажыццяўленне дзейнасці (чэрвень – ліпень 2020 года);
• Увод часткі праекта ў эксплуатацыю (адкрыццё медыцынскага цэнтра) (ліпень 2020 года).

Чацвёрты этап:

• Пастаўка і мантаж набытага абсталявання ў рамках крэдытавання (ліпень – кастрычнік 2020 года).

Пяты этап:

• Увод усяго праекта ў эксплуатацыю (лістапад 2020 года).

4 Інфармацыя, разлікі і паказчыкі па рэалізацыі праекта

Агульныя інвестыцыйныя выдаткі і крыніцы фінансавання па праекце:

Агульныя інвестцыцыйныя выдаткі і крыніцы фінансавання па праекце адлюстраваны ў табліцы 4-11 «Агульныя інвестыцыйныя выдаткі і крыніцы фінансавання па праекце» (пастановы Міністэрства эканомікі Рэспублікі Беларусь ад 31.08.2005 №158 у актуальнай рэдакцыі) дадатку гэтага тэхніка-эканамічнага абгрунтавання.

Крыніцай фінансавання гэтага праекта будуць з’яўляцца крэдытныя сродкі ААТ «Банк» (рэсурсы Еўрапейскага інвестыцыйнага банка) у памеры
150 000,00 (Сто пяцьдзясят тысяч) Еўра, 00 Еўрацэнтаў для аплаты 37,51% кошту інвестыцыйнага праекта. Праектам прадугледжаны ўдзел уласнымі сродкамі.
ТАА «Арганізацыя» ў памеры 47,81%  кошту інвестыцыйнага праекта, што складае 191 196,36 (Чатырыста тысяч дзвесце сорак два) Еўра, 36 Еўрацэнтаў. Таксама прадугледжаны ўдзел заёмнымі сродкамі (заём заснавальніка) у памеры 14,68% кошту інвестыцыйнага праекта, што складае 58 724,00 (Пяцьдзясят восем тысяч сямсот дваццаць чатыры) Еўра, 00 Еўрацэнтаў.

Умовы прадастаўлення крэдытных сродкаў:

Крэдытны прадукт «Крэдтны прадукт»:

• Сума крэдыту – 150 000,00 (Сто пяцьдзясят тысяч) Еўра, 00 Еўрацэнтаў;
• Тэрмін крэдыту – 69 месяцаў;
• Дата атрымання крэдыту – чэрвень 2020 года;
• Пачатак пагашэння асноўнага доўгу – верасень 2021 года;
• Асноўны доўг пагашаецца штомесячна, роўнымі часткамі;
• Гадавая працэнтная стаўка – 2%;
• Працэнты пагашаюцца штомесячна, пачынаючы з чэрвеня 2020 года.
• Заканчэнне пагашэння асноўнага доўгу і працэнтаў – люты 2026 года.

Разлік прыбытку ад рэалізацыі з улікам праекта і дзейнасці таварыства, чыстага даходу:

Разлік прыбытку ад рэалізацыі з улікам праекта і дзейнасці таварыства, чыстага даходу адлюстраваны ў табліцы 4-15 «Разлік прыбытку ад рэалізацыі» (пастанова Міністэрства эканомікі Рэспублікі Беларусь ад 31.08.2005 №158 у актуальнай рэдакцыі) дадатку гэтага тэхніка-эканамічнага абгрунтавання.

У першы год рэалізацыі інвестыцыйнага праекта ААТ «Арганізацыя» запланавана атрыманне страт, абумоўленае неабходнасцю аплаты бягучых выдаткаў у першую палову 2020 года (выдаткі на аплату працы, па арэндзе і ўтрыманні памяшкання), якія ажыццяўляюцца за кошт атрыманых пазык ад заснавальнікаў. Таксама ў 2020-2021 гг. Спрагназавана атрыманне мінімальнай выручкі
ТАА «Арганізацыя», у сувязі з неабходнасцю фарміравання іміджу на рынку медыцынскіх паслуг, паколькі арганізацыя толькі пачне ажыццяўляць сваю дзейнасць. З 2022 года ТАА «Арганізацыя» пачне атрымліваць стабільную выручку згодна з запланаванымі паказчыкамі па праекце.

Разлік патоку грашовых сродкаў па таварыстве з улікам праекта і дзейнасці таварыства:

Разлік патоку грашовых сродкаў па таварыстве з улікам праекта і дзейнасці таварыства адлюстраваны ў табліцы 4-17 «Разлік патоку грашовых сродкаў ад рэалізацыі праекта» (пастановы Міністэрства эканомікі Рэспублікі Беларусь ад 31.08.2005 №158 у актуальнай рэдакцыі) дадатку гэтага тэхніка-эканамічнага абгрунтавання.

У разліках адлюстравана атрыманне беспрацэнтнага займу ад заснавальнікаў у 2019 годзе на аплату бягучых выдаткаў арганізацыі і аплаты часткі капітальных выдаткаў да паступлення дастатковай для самастойнага функцыянавання арганізацыі выручкі, тэрмінам перавышаючы тэрмін крэдытавання.

5 Вывады і прапановы

Вынікам рэалізацыі гэтага праекта для ТАА «Арганізацыя» стане адкрыццё медыцынскага цэнтра і пачатку паступлення выручкі ў арганізацыю.

Згодна з патокам руху грашовых сродкаў, акумулюемых таварыствам за кошт рэалізацыі праекта (табліца 4-17 «Разлік патоку грашовых сродкаў ад рэалізацыі праекта» ў адпаведнасці з пастановай Міністэрства эканомікі Рэспублікі Беларусь ад 31.08.2005 №158 у актуальнай рэдакцыі дадаткаў гэтага тэхніка-эканамічнага абгрунтавання), пры зададзеным узроўні выручкі і выдаткаў па праекце, накопленага астатку грашовых сродкаў на тэрмін крэдыту (69 месяцаў – тэрмін запытваемага крэдыту ініцыятарам праекта згодна з анкетай-заяўкай на распрацоўку тэхніка-эканамічнага абгрунтавання) будзе дастаткова для выканання сваіх абавязацельстваў перад ААТ «Банк».

У разліках не адлюстраваны магчымы рух грашовых сродкаў, звязаны з расходамі з чыстага прыбытку, аптымізацыя кіравання фінансавымі рэсурсамі (размяшчэнне часова свабодных сродкаў на дэпазітных і іншых рахунках, удзел у фарміраванні інвестыцыйнага партфеля і г.д.).