У адпаведнасці з Указам Прэзідэнта Рэспублікі Беларусь ад 29.08.2024 № 344 прадугледжаны механізм аказання дзяржаўнай падтрымкі юрыдычным асобам, вызначаным гэтым Указам, у выглядзе прадастаўлення субсідый на выплату часткі працэнтаў за карыстанне крэдытамі, прадастаўленымі юрыдычным асобам на ўзвядзенне або набыццё жылых памяшканняў тыпавых спажывецкіх якасцей для наступнага іх прадастаўлення сваім работнікам у арэнду (наём), у памеры 50 працэнтаў стаўкі рэфінансавання Нацыянальнага банка, якая дзейнічае (з улікам яе змянення) у адпаведным перыядзе налічэння працэнтаў.
Парадак прадастаўлення субсідый для выплаты часткі працэнтаў за карыстанне крэдытамі вызначаны Палажэннем аб парадку прадастаўлення юрыдычным асобам субсідый для выплаты часткі працэнтаў за карыстанне крэдытамі, зацверджаным пастановай Савета Міністраў Рэспублікі Беларусь ад 30.12.2024 №1040.
Умовы атрымання субсідый для выплаты часткі працэнтаў за карыстанне крэдытамі
Катэгорыя юрыдычных асоб:
дзяржаўныя арганізацыі - арганізацыі, падпарадкаваныя Прэзідэнту Рэспублікі Беларусь, Савету Міністраў Рэспублікі Беларусь, Адміністрацыі Прэзідэнта Рэспублікі Беларусь, Нацыянальнаму банку, Нацыянальнай акадэміі навук Беларусі, рэспубліканскім органам дзяржаўнага кіравання, мясцовым выканаўчым і распарадчым органам (акрамя некамерцыйных арганізацый па развіцці і падтрымцы суб’ектаў малога прадпрымальніцтва, створаных (ствараемых) гэтымі органамі) або якія ўваходзяць у склад арганізацый, падпарадкаваных Савету Міністраў Рэспублікі Беларусь, а таксама іншыя арганізацыі, маёмасць якіх знаходзіцца ў дзяржаўнай уласнасці і замацоўваецца за імі на праве гаспадарчага вядзення або аператыўнага кіравання (акрамя бюджэтных арганізацый для мэт узвядзення або набыцця жылых памяшканняў з прыцягненнем крэдытаў, у тым ліку з выкарыстаннем субсідый);
гаспадарчыя таварыствы - таварыствы, у дачыненні да якіх Рэспубліка Беларусь і (або) яе адміністрацыйна-тэрытарыяльная адзінка валодае больш чым 25 працэнтамі акцый (доляй у статутных фондах), якія знаходзяцца ў кіраванні дзяржаўных органаў і (або) юрыдычных асоб дзяржаўнай формы ўласнасці, а таксама іншыя таварыствы, пералік якіх вызначаецца раённымі, гарадскімі (гарадоў абласнога і раённага падпарадкавання) выканкамамі, мясцовымі адміністрацыямі раёнаў у гарадах па ўзгадненні з аблвыканкамамі, Мінскім гарвыканкамам з улікам інтарэсаў дзяржавы, мясцовых умоў і эканамічнай эфектыўнасці (акрамя банкаў і нябанкаўскіх крэдытна-фінансавых арганізацый).
Катэгорыя крэдытаў: крэдыты, якія прадстаўляюцца на ўмовах, вызначаемых банкамі, на ўзвядзення або набыццё жылых памяшканняў тыпавых спажывецкіх якасцей, на тэрмін да 10 гадоў, за выключэннем ільготных крэдытаў, якія прадстаўляюцца юрыдычным асобам у адпаведнасці з заканадаўчымі актамі.
Катэгорыя жылых памяшканняў:
Субсідыі прадастаўляюцца юрыдычным асобам:
- якія ажыццяўляюць узвядзенне жылых памяшканняў у жылых дамах:
- па якіх яны вызначаны забудоўшчыкамі (заказчыкамі);
- на падставе заключаемых з забудоўшчыкамі (заказчыкамі) дагавораў стварэння аб’ектаў долевага будаўніцтва;
- якія набываюць жылыя памяшканні:
- узвядзенне, рэканструкцыя якіх ажыццяўляліся па дзяржаўным заказе ў адпаведнасці з Указам Прэзідэнта Рэспублікі Беларусь ад 08.05.2013 № 215 «Аб некаторых мерах па ўдасканаленні будаўніцтва (узвядзення, рэканструкцыі) жылых памяшканняў»;
- пабудаваныя камунальнымі ўнітарнымі прадпрыемствамі па капітальным будаўніцтве, іх даччынымі ўнітарнымі прадпрыемствамі, арганізацыямі буйнапанэльнага домабудавання, дзяржаўнымі аб’яднаннямі, у склад якіх уваходзяць арганізацыі буйнапанэльнага домабудавання, іншымі дзяржаўнымі арганізацыямі або гаспадарчымі таварыствамі, больш за 50 працэнтаў акцый (долей у статутных фондах) якіх належыць Рэспубліцы Беларусь і (або) яе адміністрацыйна-тэрытарыяльнай адзінцы, за кошт уласных сродкаў, крэдытаў і не рэалізаваныя імі да завяршэння узвядзення, за выключэннем жылых памяшканняў, якія знаходзяцца ў камунальнай уласнасці г. Мінска
Парадак прадастаўлення субсідый:
Падстава для прадастаўлення субсідыі: наяўнасць рашэння раённага, гарадскога (гарадоў абласнога і раённага падпарадкавання) выканаўчага камітэта, мясцовай адміністрацыі раёна ў горадзе па месцы знаходжання юрыдычнай асобы аб прадастаўленні субсідыі гэтай юрыдычнай асобе.
Неабходныя дакументы для звароту ў банк за атрыманнем крэдыту і заключэння крэдытнага дагавору:
- рашэнне раённага, гарадскога (гарадоў абласнога і раённага падпарадкавання) выканаўчага камітэта, мясцовай адміністрацыі раёна ў горадзе па месцы знаходжання юрыдычнай асобы аб прадастаўленні субсідыі гэтай юрыдычнай асобе;
- дакументы, пералік якіх вызначаецца адпаведным банкам.
Перыяд прадастаўлення субсідыі: пачынаючы з наступнага месяца пасля прадастаўлення банкам крэдыту (яго часткі) штомесячна на працягу ўсяго тэрміну пагашэння крэдыту, устаноўленага крэдытным дагаворам.
Парадак накіравання звестак для прадастаўлення субсідыі: банкі штомесячна не пазней 10-га чысла месяца, наступнага за справаздачным, фарміруюць і накіроўваюць у аблвыканкамы і Мінскі гарвыканкам звесткі з пазначэннем назвы юрыдычнай асобы, сумы запазычанасці па крэдыце і сумы штомесячнага плацяжу на выплату часткі працэнтаў за карыстанне крэдытам зыходзячы з памеру субсідый, без спагнання ўзнагароджання (платы) за прадастаўленне гэтых звестак.
Парадак пералічэння субсідыі: аблвыканкамы і Мінгарвыканкам на падставе звестак, прадстаўленых банкамі, штомесячна не пазней апошняга працоўнага дня месяца, наступнага за справаздачным, пералічваюць на рахункі банкаў, якія прадаставілі крэдыты, сумы субсідый з пазначэннем назвы юрыдычных асоб.
Умовы крэдытавання, якія прапануюцца ААТ «ААБ Беларусбанк»
|
Крэдытныя прадукты |
Крэдыты, мікракрэдыты на мэты інвестыцыйнай дзейнасці Крэдытныя прадукты па праграме падтрымкі малога і сярэдняга бізнесу на мэты інвестыцыйнай дзейнасці |
|---|---|
|
Максімальны памер крэдыту |
да 100% кошту узвядзення (набыцця) жылых памяшканняў |
|
Тэрмін крэдытавання |
Эканамічна абгрунтаваны тэрмін, вызначаны на падставе тэхніка-эканамічнага абгрунтавання, але не больш за 10 гадоў, у тым ліку не больш за тэрмін, прадугледжаны ў адпаведнасці з канкрэтным крэдытных прадуктам банка |
|
Працэнтная стаўка ў беларускіх рублях |
Працэнтныя стаўкі па крэдытах, мікракрэдытах на мэты інвестыцыйнай дзейнасці Асобная катэгорыя юрыдычных асоб можа скарыстацца спецыяльным прапановай банка «Падтрымка рэгіянальнага бізнесу», з умовамі якой можна азнаёміцца тут. |
|
Адтэрміноўка па пагашэнні працэнтаў за карыстанне крэдытам |
Працэнты за карыстанне крэдытам у памеры субсідыі выплачваюцца ў месяцы, наступным за справаздачным (бягучым), і ў месяцы, наступным за месяцам поўнага пагашэння крэдыту. |
|
Забеспячэнне |
Прадастаўленне крэдытаатрымальнікам або трэцяй асобай ліквіднага забеспячэння выканання абавязацельстваў па крэдытным дагаворы на суму асноўнага доўгу і працэнтаў, належных да выплаты на працягу найбліжэйшых 12 (дванаццаці) месяцаў, або асноўнага доўгу (пры прадастаўленні мікракрэдыту), з улікам каэфіцыента рызыкі. У якасці забеспячэння могуць быць аформлены залог рухомай (нерухомай) маёмасці, залог правоў на атрыманне грашовых сродкаў, паручыцельства, гарантыя, страхаванне рызык банка, гарантыйны дэпазіт грошай, іншыя спосабы забеспячэння, прадугледжаныя заканадаўствам. |
Неабходныя дакументы для атрымання крэдыту ў ААТ «ААБ Беларусбанк»
Для атрымання крэдыту юрыдычная асоба прадастаўляе стандартны пакет дакументаў у залежнасці ад віду крэдытнага прадукту банка, за выключэннем наступных дакументаў:
бізнес-плана інвестыцыйнага праекта (разгляд пытання аб прадастаўленні крэдыту ажыццяўляецца на падставе тэхніка-эканамічнага абгрунтавання);
заключэння дзяржаўнай экспертызы па сметнай дакументацыі, калі дзяржаўная экспертыза сметнай дакументацыі не патрабуецца ў адпаведнасці з заканадаўствам;
пратаколаў выбару ўдзельніка-пераможцы працэдуры закупкі на распрацоўку перадпраектнай (перадінвестыцыйнай) дакументацыі, на выкананне праектных і пошукавых работ, на аказанне інжынерных паслуг, на выкананне асобных відаў будаўнічых, мантажных, спецыяльных і іншых работ, закупку тавараў;
атэстатаў адпаведнасці, выдадзеных у парадку, устаноўленым Пастановай Савета Міністраў Рэспублікі Беларусь ад 21.03.2014 № 252 «Аб некаторых пытаннях атэстацыі юрыдычных асоб і індывідуальных прадпрымальнікаў, кіраўнікоў, спецыялістаў арганізацый і індывідуальных прадпрымальнікаў, якія ажыццяўляюць дзейнасць у галіне будаўніцтва», арганізацыям – заказчыку будаўніцтва, падрадчыку, праекціроўшчыку, інжынеру (інжынернай арганізацыі) на ажыццяўленне адпаведных відаў архітэктурнай, горадабудаўнічай, будаўнічай дзейнасці;
Склад пакета дакументаў для атрымання (афармлення) крэдытаў, мікракрэдытаў
Дадаткова да вышэйназванага пакета дакументаў неабходна прадаставіць рашэнне раённага, гарадскога (гарадоў абласнога і раённага падпарадкавання) выканаўчага камітэта, мясцовай адміністрацыі раёна ў горадзе па месцы знаходжання юрыдычнай асобы аб прадастаўленні субсідыі гэтай юрыдычнай асобе.
Дадатковая інфармацыя:
адзіны нумар 147 або ў любым падраздзяленні банка.