Знешнеэканамічная дзейнасць

Плацяжы ў афшорныя зоны

Парадак налiчэння i платы афшорнага збору рэгулюецца часткай 23 (ст.262- 268) Падатковага Кодэкса Рэспублікі Беларусь,

Плацельшчыкамі афшорнага збору прызнаюцца беларускія арганізацыі і беларускія індывідуальныя прадпрымальнікі (далей па тэксце - рэзідэнты Рэспублікі Беларусь).

Аб'екты абкладання афшорным зборам:

  • пералічэнне грашовых сродкаў рэзiдэнтам Рэспублiкi Беларусь нерэзідэнту Рэспублікі Беларусь, зарэгістраванаму ў афшорнай зоне, iншай асобе па абавязацельству перад гэтым нерэзідэнтам або на рахунак, адкрыты ў афшорнай зоне, калi iншае не ўстаноўлена гэтым артыкулам;
  • выкананне абавязацельства ў неграшовай форме перад нерэзідэнтам Рэспублікі Беларусь, зарэгістраваным у афшорнай зоне, акрамя выпадкаў выканання нерэзідэнтам Рэспублікі Беларусь сустрэчнага абавязацельства шляхам пералічэння на рахунак рэзідэнта Рэспублікі Беларусь грашовых сродкаў;
  • пераход у адпаведнасці з заканадаўствам маёмасных правоў i (або) абавязкаў у сувязі з пераменай асоб у абавязацельстве, бакамi якога выступаюць рэзідэнт Рэспублікі Беларусь і нерэзідэнт Рэспублікі Беларусь, зарэгістраваны ў афшорнай зоне.

Не з'яўляюцца аб'ектамі абкладання афшорным зборам:

  • пералічэнне грашовых сродкаў дзяржаўнымі органамі ў адпаведнасці з абавязацельствамі Рэспублікі Беларусь перад міжнароднымі арганізацыямі па міжнародных дагаворах, а таксама:

кампаніі "STANDARD AND POOR'S FINANCIAL SERVICES LLC" (штат Дэлавэр, Злучаныя Штаты Амерыкі);

кампаніі "BLOOMBERG FINANCE L.P." (Штат Дэлавэр, Злучаныя Штаты Амерыкі);

  • выкананне абавязацельстваў у неграшовай форме перад нерэзідэнтам Рэспублікі Беларусь і пераход абавязкаў у сувязі з пераменай асоб у абавязацельстве, бакамi якога выступаюць рэзідэнт Рэспублікі Беларусь і нерэзідэнт Рэспублікі Беларусь, зарэгістраваны ў афшорнай зоне, па абавязацельствах, пералічэнне грашовых сродкаў па якіх не з'яўляецца аб'ектам абкладання афшорным зборам.

Таксама заканадаўствам устаноўлены шэраг льгот па выплаце афшорнага збору. Так, вызваляецца ад абкладання афшорным зборам пералічэнне грашовых сродкаў:

  • дзяржаўнымі арганізацыямі, падпарадкаванымі Ураду Рэспублікі Беларусь, у адпаведнасці з абавязацельствамі Рэспублікі Беларусь перад міжнароднымі арганізацыямі па міжнародных дагаворах;
  • у мэтах вяртання плацельшчыкамі грашовых сродкаў, атрыманых ад нерэзідэнтаў Рэспублікі Беларусь у якасці крэдытаў і пазык, працэнтаў за карыстанне імі, а таксама раней атрыманых ад нерэзідэнтаў Рэспублікі Беларусь грашовых сродкаў па iншых падставах у адпаведнасці з заканадаўствам Рэспублікі Беларусь або дагаворам;
  • па дагаворах марской перавозкі грузаў і па дагаворах транспартнай экспедыцыі пры арганізацыі міжнародных перавозак грузаў марскім транспартам
  • і інш.

Банкі ажыццяўляюць перавод грашовых сродкаў, пры пералiчэннi якіх падлягае выплаце афшорны збор, толькі пасля выплаты рэзідэнтамі Рэспублікі Беларусь афшорнага збору. Гэтыя патрабаванні не распаўсюджваюцца на:

  • пералічэнне грашовых сродкаў на карысць нерэзідэнта Рэспублікі Беларусь, зарэгістраванага ў афшорнай зоне або на рахунак, адкрыты ў афшорнай зоне з выкарыстаннем карпаратыўных банкаўскіх плацежных картак пры службовых камандзіроўках работнікаў плацельшчыка;
  • пералічэнне грашовых сродкаў у рамках выканаўчай вытворчасці органамі прымусовага выканання Рэспублікі Беларусь на карысць нерэзідэнта Рэспублікі Беларусь, зарэгістраванага ў афшорнай зоне, iншай асобе па абавязацельству перад гэтым нерэзідэнтам або на рахунак, адкрыты ў афшорнай зоне;
  • пералічэнне грашовых сродкаў на карысць нерэзідэнта Рэспублікі Беларусь, зарэгістраванага ў афшорнай зоне, або на рахунак, адкрыты ў афшорнай зоне, па акрэдытыўных здзелках;
  • пералічэнне грашовых сродкаў на карысць нерэзідэнта Рэспублікі Беларусь, зарэгістраванага ў афшорнай зоне, або на рахунак, адкрыты ў афшорнай зоне шляхам утрымання (выліку) нерэзідэнтам грашовых сродкаў з даходу плацельшчыка.

Афшорны збор выплачваецца ў беларускіх рублях па афіцыйным курсе, устаноўленым Нацыянальным банкам Рэспублiкi Беларусь. Пры гэтым пры пералічэнні грашовых сродкаў прымяняецца афіцыйны курс, устаноўлены Нацыянальным банкам Рэспублiкi Беларусь на дату іх пералічэння.

Стаўка афшорнага збору ўстаноўлена ў памеры 15%.

Базісныя ўмовы пастаўкі — ІНКАТЭРМС

Інкатэрмс 2010 (Incoterms 2010)
Правілы ўступілі ў дзеянне з 01 студзеня 2011 года 

Інкатэрмс 2010 (Incoterms 2010)- гэта міжнародныя правілы, прызнаныя ўрадавымі органамі, юрыдычнымі кампаніямі і камерсантамі па ўсім свеце як тлумачэнне найбольш прымянімых у міжнародным гандлі тэрмінаў. 
Сфера дзеяння Інкатэрмс 2010 (Incoterms 2010) распаўсюджваецца на правы і абавязкі бакоў па дагаворы куплі-продажу ў частцы пастаўкі тавараў (умовы пастаўкі тавараў). 
Кожны тэрмін Інкатэрмс 2010 (Incoterms 2010) уяўляе сабой абрэвіятуру з трох літар. 
Тут  прадастаўлены поўны спіс тэрмінаў Інкатэрмс 2010 (Incoterms 2010) і неабходныя каментарыі да іх.

Катэгорыя E
Адгрузка

EXW

любыя віды
транспарту

EX Works ( ... named place)
Франка завод ( ...назва месца)

Катэгорыя F
Асноўная перавозка не аплачана прадаўцом

FCA

любыя віды
транспарту

Free Carrier (...named place)
Франка перавозчык (...назва месца)

FAS

марскі і ўнутраны
водны транспарт

Free Alongside Ship (... named port of shipment)
Франка ўздоўж борта судна (... назва порта адгрузкі)

FOB

марскі і ўнутраны
водны транспарт

Free On Board (... named port of shipment)
Франка борт (... назва порта адгрузкі)

Катэгорыя C
Асноўная перавозка аплачана прадаўцом

CFR

марскі і ўнутраны
водны транспарт

Cost and Freight (... named port of destination)
Кошт і фрахт (... назва порта прызначэння)

CIF

марскі і ўнутраны
водны транспарт

Cost, Insurance and Freight (... named port of destination)
Кошт, страхаванне і фрахт (...назва порта прызначэння)

CIP

любыя віды
транспарту

Carriage and Insurance Paid Тo (... named place of destination)
Фрахт/перавозка і страхаванне аплачаны да (...назва месца прызначэння)

CPT

любыя віды
транспарту

Carriage Paid To (... named place of destination)
Фрахт/перавозка аплачаны да (...назва месца прызначэння)

Катэгорыя D
Дастаўка

DAT

любыя віды
транспарту

Delivered At Terminal (... named terminal of destination)
Пастаўка на тэрмінале (... назва тэрмінала)

DAP

любыя віды
транспарту

Delivered At Piont (... named point of destination)
Пастаўка ў пункце (... назва пункта)

DDP

любыя віды
транспарту

Delivered Duty Paid (... named place of destination)
Пастаўка з аплатай пошліны (... назва месца прызначэння)

DDU

любыя віды
транспарту

Выключаны з Інкатэрмс 2010
Delivered Duty Unpaid (... named place of destination)
Пастаўка без аплаты пошліны (... назва месца прызначэння)

DAF

любыя віды
транспарту

Выключаны з Інкатэрмс 2010
Delivered At Frontier (... named place)
Пастаўка да мяжы (... назва месца пастаўкі)

DEQ

любыя віды
транспарту

Выключаны з Інкатэрмс 2010
Delivered Ex Quay (... named port of destination)
Пастаўка з прыстані (... назва порта прызначэння)

DES

любыя віды
транспарту

Выключаны з Інкатэрмс 2010
Delivered Ex Ship (... named port of destination)
Пастаўка з судна (...назва порта прызначэння)

Рэкамендуем кліентам набыць афіцыйны пераклад Incoterms® 2010 Міжнароднай гандлёвай палаты (ICC) на рускую мову.

ІНКАТЭРМС, або базісныя ўмовы пастаўкі, стаяць у радзе найбольш важных умоў знешнегандлёвага кантракту. Паколькі ІНКАТЭРМС з'яўляецца зводам міжнародных правіл па тлумачэнні найбольш шырока выкарыстоўваемых гандлёвых тэрмінаў у галіне знешняга гандлю, спасылка на іх ва ўмовах кантракту

  • дазваляе пазбегнуць няпэўнасці і неабходнасці абгаварыць дэталі ўмоў пастаўкі і дакуменціраваць іх кожны раз, калі заключаецца кантракт,
  • зніжае рызыку ўзнікнення дарагіх спрэчак.

Пры заключэнні знешнегандлёвага кантракту ўзнікае праблема выбару канкрэтнага тэрміна Інкатэрмс.

Прапануем Вам для выкарыстання наступны дапаможнік.

Абслугоўванне знешнеэканамічнай дзейнасці карпаратыўных кліентаў - адзін з самых сур'ёзных аспектаў супрацоўніцтва банка і кліента. Пры гэтым граматнасць спецыялістаў банка - свайго роду гарантыя, што не будзе парушана валютнае заканадаўства, паколькі банкі правяраюць абгрунтаванасць правядзення разлікаў у адрас нерэзідэнта, адпаведнасць валютных аперацый заканадаўству. Акрамя таго, банк можа зарыентаваць суб'екта гаспадарання на больш прымальны варыянт разлікаў, пры неабходнасці акажа дапамогу ў складанні знешнегандлёвага кантракта. Асабліва пры разліках з дапамогай акрэдытыва. Тым больш што пры выбары гэтай формы разлікаў часта выкарыстоўваюцца банкаўскія схемы фінансавання на даволі выгадных для кліента ўмовах.

Асноватворным дакументам пры здзяйсненні знешнегандлёвых здзелак з'яўляецца знешнегандлёвы дагавор. У адпаведнасці з Грамадзянскім кодэксам Рэспублікі Беларусь (далей - ГК) дагаворам прызнаецца пагадненне двух або некалькіх асоб аб устанаўленнi, змяненнi або спыненні грамадзянскіх правоў і абавязкаў.

Існуе мноства відаў дагавораў у залежнасці ад іх зместу і прымянення: выплатныя і бязвыплатныя дагаворы, публічныя дагаворы, дагаворы на карысць трэцяй асобы, аднабаковыя дагаворы і г.д.

Да разгляду знешнегандлёвага дагавору трэба падыходзіць індывідуальна. Знешнегандлёвы дагавор - гэта асноўны камерцыйны дакумент знешнегандлёвай аперацыі, які сведчыць аб дасягнутым пагадненні паміж бакамі: рэзідэнтам і нерэзідэнтам, і прадугледжвае выплатную перадачу тавараў, інфармацыі, якая ахоўваецца, выключных правоў на вынікі інтэлектуальнай дзейнасці, выкананне работ, аказанне паслуг.

У адпаведнасці з ГК знешнеэканамічная здзелка павінна заключацца ў пісьмовай форме, калі адным з бакоў выступае беларускае прадпрыемства. Беларускае грамадзянскае заканадаўства прадугледжвае некалькі варыянтаў выканання пісьмовай формы здзелкі, напрыклад, складанне адзінага дакумента, падпісанага бакамі, або абмен дакументамі з дапамогай пошты, тэлеграфа, факса ці іншага сродку сувязі. Выбар найбольш пераважнага з іх вызначаецца бакамі здзелкі самастойна. На практыцы часта знешнеэканамічныя кантракты падпісваюцца з выкарыстаннем факсімільнай сувязі, якая дазваляе скараціць час, што затрачваецца на перагаворы, аднак пры разглядзе справы ў судзе могуць узнікнуць складанасці, звязаныя з адсутнасцю ў бакоў арыгінала кантракта. Каб пазбегнуць праблем, бакам мэтазгодна складаць адзіны дакумент, падпісаны абодвума бакамі. Важна скласці дагавор на дзвюх мовах з указаннем, якая мова прызнаецца пераважным ў выпадку розначытанняў.

У знешнегандлёвым дагаворы могуць утрымлівацца элементы іншых тыпаў дагавораў і адпаведна істотныя іх умовы, тым не менш, знешнегандлёвы дагавор варта разглядаць як дагавор, умовы якога з'яўляюцца істотнымі ў адпаведнасці з Указам. 
Аблягчае працэс заключэння знешнегандлёвага дагавору выкарыстанне «базісных умоў пастаўкі» - скарочаных пазначэнняў тыповых умоў дагавору міжнароднай куплі-продажу тавару - ІНКАТЭРМС (міжнародныя правілы тлумачэння гандлёвых тэрмінаў).