На трох спартыўных пляцоўках - каля Мінск-Арэны, Чыжоўка-Арэны і Палаца Спорту - на працягу ўсяго перыяду правядзення II Еўрапейскіх Гульняў працуюць фан-зоны ААТ «ААБ Беларусбанк».
Першым лакацыі банка «пратэсціраваў» старшыня праўлення Віктар Ананіч. Кіраўнік азнаёміўся з крэатыўнымі фан-зонамі банка і паглядзеў, чым Нацыянальны партнёр мерапрыемства будзе здзіўляць гасцей спартыўнага форуму.
Інтэрактыўныя гульні з гасцямі фан-зон праводзяць лепшыя спецыялісты банка. Тут вы зможаце стаць удзельнікам розных конкурсаў і спаборніцтваў, а таксама атрымаць прафесійную кансультацыю па фінансавых прадуктах.
На фан-зоне Палаца спорту, дзе найбуйнейшы банк краіны ўстанавіў велізарны сейф з «залатымі» зліткамі, можна прысесці на імправізаваны пасад, убачыць сваё адлюстраванне ў люстэрку і даведацца, што вы - галоўная каштоўнасць банка.
На ўсіх трох пляцоўках дзеці і дарослыя з азартам на час могуць сабраць пазл у выглядзе вялікай плацежнай карткі, пасля чаго зрабіць яркае фота з «ажыўшым» на ёй сімвалам Еўрапейскіх гульняў - Лесікам (тут расказваем, як гэта працуе). З не меншым азартам наведвальнікі фан-зон правяраюць свой спрыт, разбіваючы велізарныя «манеты» гіганцкім малатком.
Удзельнікі, якія выканалі ўмовы спаборніцтваў, атрымліваюць памятныя прызы ад Беларусбанка з сімволікай II Еўрапейскіх гульняў.
Далучайцеся і вы! Фан-зоны банка адкрыты для наведванняў з 10 раніцы і да позняга вечара.
Аддзел камунікацый