У Вялікім тэатры оперы і балета Клуб «Лэдзі» Беларусбанка і плацежная сістэма Visa падвялі вынікі сезона майстар-класаў для прадстаўніц прыгожага полу, трымальніц картак «Лэдзі». Вечар «Танец як мастацтва самавыяўлення» стаў кульмінацыяй года, прысвечанага мастацтву, і аб’яднаў удзельніц Клуба ў атмасферы творчасці, вытанчанасці і натхнення.
Сезон 2025 года Клуб «Лэдзі» адкрываў юбілейным святам у Нацыянальным мастацкім музеі, а завяршыў у сэрцы галоўнага тэатра краіны. Вядучай тэмай івэнтаў з’яўлялася мастацтва: ад жывапісу і лекцый да танца як сінтэза руху, музыкі і эмоцый.
Гасцей вечара сустракалі ўрачыста — атмасфера тэатра, жывое выкананне і вытанчаныя інсталяцыі. У праграме — лекцыя мастацтвазнаўцы Мар’яны Карповіч «Танец як мова мастацтва: ад сцэны да жыцця», майстар-клас па пластыцы і імправізацыі, перформанс «Танец і карціна», а таксама выступленне прымы Вялікага тэатра Анастасіі Малашкевіч.
— Клуб «Лэдзі» — гэта наша прызнанне важнасці жаночага натхнення і сілы. Мы ствараем прастору, дзе кожная можа паказаць сябе праз творчасць, раскрыць унутраную прыгажосць і знайсці аднадумцаў. Завяршаючы гэты сезон, мы яшчэ раз пераканаліся: мастацтва натхняе, аб’ядноўвае і дорыць новыя грані пачуццяў і энергіі, — адзначыла намеснік старшыні праўлення Беларусбанка Святлана Кажэкіна.
Больш за 230 тысяч беларусак ужо з’яўляюцца трымальніцамі карты Клуба «Лэдзі». Яго ўдзельніцы атрымліваюць не толькі бонусы і прывілеі ад Беларусбанка і Visa, але і магчымасць стаць часткай жаночай супольнасці, дзе кожны сезон прыносіць новыя эмоцыі, веды і ўражанні.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.