На мінулым тыдні ў індустрыяльным парку «Вялікі камень» у чацвёрты раз адкрылася выстава кітайскіх тавараў і паслуг, якая стала знакавай падзеяй для эканамічнага дыялогу паміж Беларуссю і Кітаем. Беларусбанк прыняў актыўны ўдзел у гэтым мерапрыемстве: была арганізавана ўласная зона дзелавых камунікацый для рэкламавання і прасоўвання банкаўскіх прадуктаў і паслуг, а таксама паслуг санаторыяў банка.
Экспазіцыя, якая разгарнулася ў выставачным цэнтры ЗАТ «Чайна Мерчантс СіЭйчЭн-БіЭлАр Камерцыйная і Лагістычная кампанія» на Пекінскім праспекце, аб’яднала больш за 120 вядучых кампаній Кітайскай Народнай Рэспублікі.
Госці форуму змаглі азнаёміцца з навінкамі ў сферах аўтамабілебудавання, станкабудавання, электронікі, вытворчасці медыцынскага абсталявання, лагістыкі, банкаўскай сферы і іншых высокатэхналагічных галін.
Начальнік Мінскага абласнога ўпраўлення № 500 Дзмітрый Грыбоўскі падчас перамоў з кітайскімі партнёрамі акрэсліў кропкі ўзаемадзеяння і перспектывы супрацоўніцтва па прапрацоўцы экспартных плацяжоў, а таксама магчымасці выкарыстання актуальных інструментаў фінансавання развіцця бізнесу, лагістыкі і экспарту.
Ключавой падзеяй форуму стала панэльная дыскусія «Фінансавы дыялог для развіцця», у якой актыўны ўдзел прыняла дырэктар дэпартамента міжнароднага бізнесу Юлія Барзова. У сваім выступленні яна адзначыла вядучую ролю Беларусбанка па супрацоўніцтве з фінансавымі інстытутамі КНР па розных напрамках, у тым ліку ў галіне разліковага бізнесу.
— Мы назіраем істотны рост долі кітайскага юаня ў разліках кліентаў нашага банка за апошнія тры гады. Таксама адзначу, што ў Беларусбанку створаны «Экспартны цэнтр» — спецыяльнае падраздзяленне для падтрымкі ЗЭД кліентаў, — расказала на сустрэчы Юлія Барзова.
Удзельнікі форуму адзначылі высокі ўзровень арганізацыі мерапрыемства, насычаную дзелавую праграму і канструктыўную атмасферу, якая садзейнічае ўстанаўленню новых узаемавыгадных кантактаў. Правядзенне падобных выстаў у «Вялікім камені» спрыяе далейшаму развіццю беларуска-кітайскіх адносін, адкрывае дадатковыя перспектывы для супрацоўніцтва ў розных сектарах эканомікі і фінансаў.
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.
Упраўленне камунікацый, маркетынгу і рэкламы