Кантакт-цэнтр Беларусбанка святкуе юбілей — 15 гадоў. Пачыналася ўсё з трох спецыялістаў, 150 званкоў у дзень, а ў арсенале магчымых спосабаў для зваротаў кліентаў была толькі тэлефонная сувязь. Крок за крокам банк развіваўся для максімальнай фінансавай зручнасці і камфорту кліентаў. Падводзім вынікі і ўспамінаем дасягненні сэрвісу ў прыгожую дату.
— У юбілейныя даты заўсёды прынята падводзіць вынікі. З гонарам азіраемся назад і ацэньваем шлях, праведзены банкам у напрамку дыстанцыйнага кансультавання і прадастаўлення паслуг. Мы пачыналі з невялічкіх лічбаў і рэсурсаў. На сёння аб’ём зваротаў кліентаў у Кантакт-цэнтр маштабаваўся да шасці тысяч запытаў у дзень па 10 самых сучасных каналах сувязі, — адзначыла дырэктар Кантакт-цэнтра Сняжана Сацура.
Сэрвіс прадстаўлены тэлефаніяй, віртуальным кансультантам Златай, анлайн-чатам, М-банкінгам, паслугай «Зваротная сувязь», чат-ботам у Telegram, у сацыяльных сетках і мэсэнджарах. Кароткі нумар банка 147 ужо стаў самастойным брэндам і вядомы сваёй эфектыўнасцю мільёнам беларусаў.
На працягу 15 гадоў Кантакт-цэнтрам банка апрацавана больш за 18 млн зваротаў па ўсіх каналах сувязі, якія маюцца. Такім чынам, за час існавання сэрвісу кожны беларус двойчы звярнуўся ў Кантакт-цэнтр Беларусбанка.
Штодзень усярэднім:
- 62 аператары працуюць на лініі;
- 4000 абслужаных званкоў;
- 1000 кліентам дапамагае робат;
-300 анлайн-кансультацый праводзіцца ў чаце;
- 800 кліентаў абслугоўвае віртуальны памочнік Злата.
Беларусбанк не плануе спыняцца на дасягнутым. Як паведамляюць у Кантакт-цэнтры, працэсы ўдасканалення сваіх сэрвісаў вядуцца на пастаяннай аснове.
Добрай дапамогай для скарачэння часу кансультавання кліентаў на лініі з’яўляецца выкарыстанне мадэрнізаванай базы ведаў Кантакт-цэнтра. Забяспечаны больш аператыўны доступ аператараў да самай актуальнай інфармацыі аб прадуктах і паслугах банка. Такім чынам, Беларусбанку ўдаецца якасна і ў самыя кароткія тэрміны апрацоўваць шырокі аб’ём зваротаў.
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram — першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.