Галоўныя героі свежага нумара часопіса «PRO Беларусбанк» — гэта дзеці. Мы любім нашых маленькіх кліентаў і заўсёды рады рабіць карысны кантэнт пра іх і для іх.
Нездарма кажуць, што вуснамі дзіцяці гаворыць ісціна. Мы запыталі ў дзяцей ва ўзросце ад 5 да 9 гадоў пра ўстройства свету фінансаў. Адказы атрымаліся пацешнымі, кранальнымі і месцамі вельмі мудрымі.
Задача дарослых — накіраваць энергію дапытлівага дзіцячага розуму ў рэчышча адказнага абыходжання з грашамі. Упэўнены, у гэтай справе ніколі не перашкодзіць экспертнае меркаванне і… крыху зефіру!
Дарэчы, служба маркетынгу Беларусбанка, як верны старэйшы таварыш, добра ведае не толькі гастранамічныя перавагі юных кліентаў. З задавальненнем раскажам, чым захапляюцца, колькі трацяць, што часцей за ўсё купляюць і дзе гэта робяць тыя, у каго ёсць Карта навучэнца, «Ізі-карта» або карта «Зебра».
Цягу падрастаючага пакалення да ведаў Беларусбанк заахвочвае словам і, галоўнае, справай, працягваючы маштабаваць сацыяльны праект «У школу з Беларусбанкам», каб дзеці з самых аддаленых куткоў краіны з камфортам і задавальненнем ездзілі на заняткі на новых яркіх аўтобусах.
Школьныя гады — час марыць пра будучыню і будаваць вялікія планы. Банк дапамагае дзецям шукаць сваё прызванне і прымяраць розныя прафесіі, каб знайсці тую, якая сапраўды па душы. Як гэта адбываецца, мы адлюстравалі ў маляўнічым рэпартажы пра сямейны фестываль «Букідс».
Беларусбанк заўсёды побач з тымі, каму больш за ўсё патрэбна падтрымка. Наш праект «Бацькоўскі кут» — не проста пра забеспячэнне дахам над галавой дзяцей са складаным лёсам, але і магчымае садзейнічанне іх актыўнай адаптацыі ў грамадстве, паўнавартаснай сацыялізацыі, гарманічнаму асобаснаму развіццю. Што можа быць лепш, чым зладзіць свята для такіх дзяцей і заадно навучыць іх чамусьці важнаму?
Пра гэта і многае іншае чытайце ў новым выпуску «PRO Беларусбанк» . Каб ацаніць часопіс, а таксама прапанаваць тэму для новага нумара брэнд-медыя, пераходзьце па спасылцы.
Упраўленне камунікацый, маркетынгу і рэкламы