Крэдыт на прадукцыю айчыннай вытворчасці «На родныя тавары» б’е новыя рэкорды. На 14 кастрычніка кліенты Беларусбанка заключылі каля 77 000 крэдытных дагавораў на суму больш за 390 млн рублёў.
Зрабіць рамонт, абнавіць мэблю і «пераабуць машыну» да зімы з крэдытам пад 4% гадавых намнога прасцей. Пералік тавараў, якія можна набыць з мінімальнай стаўкай, пастаянна пашыраецца. У ім ёсць металічныя дзверы, свяцільні, аўтамабільныя шыны, драўляныя вокны і дзверы, ацяпляльныя газавыя катлы.
Істотным змяненнем стала павелічэнне з 300 да 500 базавых велічыняў сумы крэдыту, які выдаецца аднаму атрымальніку ў выпадку набыцця камплектаў драўляных дамоў, зборных драўляных збудаванняў і вырабаў.
Па праграме «На родныя тавары» па-ранейшаму можна купіць дзіцячыя і дарослыя веласіпеды, матацыклы, электрасамакаты, бытавую тэхніку Gefest, «Мідэа-Гарызонт», «Атлант», камплекты пасцельнай бялізны, тэлевізары і многае іншае.
Якія катэгорыі тавараў сёння ў топе?
Актыўней за ўсё ў крэдыт «На родныя тавары» беларусы набываюць:
- мэблю;
- халадзільнікі і маразільнікі;
- газавыя і электрычныя пліты, убудаваныя панэлі, духоўкі;
- легкавыя шыны;
- керамічную плітку, керамаграніт;
- санітарна-тэхнічнае абсталяванне.
Найбольшай папулярнасцю банкаўскі прадукт карыстаецца ў жыхароў Брэстчыны і мінчан. З невялікім адрывам у рэйтынгу – Гомельская і Магілёўская вобласці.
Падаць заяўку на крэдыт можна ва ўстановах банка або дыстанцыйна ў Інтэрнэт-банкінгу, М-банкінгу і на сайце банка.