У апошні час пачасціліся выпадкі, калі кліентам банка тэлефануюць у розных мэсэнджарах (Viber, Telegram, WhatsApp і да т. п.) з невядомых нумароў, якія ў кліентаў адлюстроўваюцца як кароткі нумар «147» і з’яўляецца адзіным даведачным нумарам Кантакт-цэнтра Беларусбанка.
Нагадваем, што спецыялісты банка ніколі не ажыццяўляюць выклікі з гэтага нумара, а тым больш не тэлефануюць у мэсэнджары. І калі вам паступіў званок з нумара «147» або іншага нумара, які імітуе нумар і лога банка, то адназначна, гэта махляры.
Дарэчы, гэты від махлярства называецца вішынг. У яго аснове — прыёмы сацыяльнай інжынерыі, якія заключаюцца ў тым, што зламыснікі, выкарыстоўваючы тэлефонную сувязь і іграючы пэўную ролю (супрацоўнікаў банка або праваахоўных органаў, пакупніка і г. д.), пад рознымі падставамі выманьваюць у трымальніка плацежнай карты канфідэнцыяльную інфармацыю або стымулююць да ажыццяўлення пэўных дзеянняў з картачным рахункам/плацежнай картай з мэтай крадзяжу грашовых сродкаў.
Каб не стаць ахвярай махляроў, Беларусбанк рэкамендуе памятаць наступнае:
- супрацоўнікі банкаў, праваахоўных органаў і іншых арганізацый не звязваюцца з кліентамі з дапамогай мэсэнджараў (Telegram ,Viber, WhatsApp і інш.);
- супрацоўнікі банкаў, праваахоўных органаў і іншых арганізацый ніколі не будуць прасіць устанавіць які-небудзь дадатак, а таксама ўключыць дэманстрацыю экрана вашага ўстройства;
- супрацоўнікі банкаў і праваахоўных органаў ні пры якіх абставінах не прад’яўляюць патрабаванняў аб афармленні крэдытаў або пераводах грашовых сродкаў на «бяспечныя» і «абароненыя» рахункі.
Праверце, ці ўсё вы ведаеце аб махлярскіх схемах, прыёмах і маніпуляцыях — прайдзіце спецыяльны тэст на кіберграматнасць.