З 23 верасня Беларусбанк адмяняе абмежаванні максімальнай сумы на адну аперацыю па пераводах з карты на карту ва ўстройствах дыстанцыйнага банкаўскага абслугоўвання.
Нагадаем, яна была роўная 999 рублям 90 капейкам у беларускіх рублях, 500 доларам ЗША, 450 еўра, 35 000 расійскіх рублёў.
Абмежаванні перастаюць дзейнічаць з названай даты пры ажыццяўленні пераводу на рахункі, да якіх аформлены карткі банка, а таксама карткі іншага банка, у каналах ДБА (М-банкінг, Інтэрнэт-банкінг, р2р-пераводы на карпаратыўным сайце, інфакіёск, банкамат, сэрвіс «Аўтааплата»).
Мінімальная сума пераводу пры гэтым не змяняецца і складае 2,60 бел. руб., 1 долар, 1 еўра, 100 расійскіх рублёў (у залежнасці ад валюты рахунку).
Больш падрабязна з усімі абмежаваннямі пры ажыццяўленні аперацый з выкарыстаннем банкаўскіх плацежных картак банка можна азнаёміцца па спасылцы.