Адукацыйна-дзелавая канферэнцыя WOMEN'S STYLE для бізнесвумэн сабрала 400 цудоўных лэдзі ў сталічным атэлі Рэнесанс.
Генеральным партнёрам яркай вясновай падзеі выступіў Беларусбанк.
У праграме мерапрыемства — паспяховыя асабістыя гісторыі, выніковыя кейсы, практычны вопыт працы з бізнес-інструментамі. Бізнес-лэдзі абмеркавалі, як выбудоўваць паспяховыя бізнес-гісторыі, кіраваць супрацоўнікамі, запускаць маркетынгавую стратэгію і дасягаць сур’ёзных фінансавых вынікаў. Але пры гэтым заставацца паспяховай і на працы, і ў сям’і і знайсці той самы work-life баланс.
Перад жаночай аўдыторыяй кіраўнікоў прыватных і дзяржаўных арганізацый, кампаній, прадпрымальнікаў і экспертаў выступілі вядомыя практыкуючыя топ-менеджары. Сярод іх і прадстаўнікі Беларусбанка.
У прывітальным слове выканаўчы дырэктар банка Аляксандр Русакомскі адзначыў, што жаночая аўдыторыя матывуе не толькі на подзвігі, але і на стварэнне яркіх унікальных прадуктаў.
Пра тое, што найбуйнейшы банк краіны можа прапанаваць жаночаму бізнесу для развіцця і маштабіравання, удзельніцам канферэнцыі расказала Ірына Курбатава, намеснік дырэктара дэпартамента карпаратыўнага бізнесу Беларусбанка.
А намеснік дырэктара даччынай кампаніі ТАА «АСБ Кансалт» Яўгеній Лукашэнка прэзентаваў сабраўшымся лэдзі праграму падтрымкі жаночага прадпрымальніцтва «Пяшчотная справа».
— Развіццё жаночага прадпрымальніцтва — гэта агульнасусветны трэнд, — адзначыў дырэктар дэпартамента карпаратыўнага бізнесу Сяргей Пась. — Беларусбанк вылучае гэты бізнес у асобны напрамак. У банку дзейнічае шырокая лінейка прадуктаў, сэрвісаў, розных акцый, як банка, так і прадпрыемстваў холдынгу. А партнёрства ў жаночай канферэнцыі мы разглядаем у якасці цудоўнай магчымасці данесці ўсе нашы перавагі, разабраць якія-небудзь нюансы і ў ходзе канструктыўнага дыялогу атрымаць зваротную сувязь ад бізнес-лэдзі. Са свайго боку банк гатовы падтрымаць і маштабіраваць усе бізнес-ідэі нашых цудоўных дам.
Упраўленне камунікацый, маркетынгу і рэкламы