З 14 лютага 2024 года Беларусбанк прадастаўляе магчымасць грамадзянам, якія стаяць на ўліку маючых патрэбу ў паляпшэнні жыллёвых умоў, аформіць крэдыт «Іпатэка Экспрэс» на фінансаванне нерухомасці пад працэнтную стаўку 11,5 % гадавых (стаўка рэфінансавання Нацыянальнага банка Рэспублікі Беларусь + 2 п.п.).
Крэдыт «Іпатэка Экспрэс» прадастаўляецца на куплю жылых памяшканняў у памеры да 100% кошту набываемага жылля, тэрмінам да 20 гадоў, пад залог (іпатэку) набываемага жылога памяшкання, не абцяжаранага правамі трэціх асоб і арыштамі, з улікам норм Указа № 130 «Аб іпатэчным жыллёвым крэдытаванні».
Банк прымае рашэнне па заяўцы на крэдыт не пазней наступнага працоўнага дня пасля рэгістрацыі заявы-анкеты.
Больш падрабязную інфармацыю можна атрымаць на карпаратыўным сайце www.belarusbank.by або патэлефанаваўшы ў Кантакт-цэнтр на нумар 147.
Адрасы і тэлефоны Іпатэчных офісаў можна знайсці па спасылцы.