Найбуйнейшы банк краіны адным з першых падтрымаў агульнагарадскі дабрачынны марафон "З добрым сэрцам у кожны дом", які стартаваў 18 студзеня ў Мінску, і падарыў сучасную спецыялізаваную каляску сям’і Мацюшэнка.
Дабрачынная акцыя накіравана на прыцягненне ўвагі грамадскасці да праблем сем’яў, якія выхоўваюць дзяцей з асаблівымі патрэбамі, і аказанне адраснай дапамогі.
У рамках удзелу ў акцыі намеснік старшыні праўлення Дзмітрый Краскоўскі разам з начальнікам упраўлення ідэалагічнай работы, культуры і па справах моладзі Адміністрацыі Маскоўскага раёна Вольгай Фёдаравай наведалі сям’ю Мацюшэнка і ўручылі сучасную каляску Міхаілу.
«Для Беларусбанка дабрачыннасць — гэта адзін з найважнейшых напрамкаў работы. Мы заўсёды рады папаўняць свой спіс добрых спраў, таму не маглі застацца ў баку і з задавальненнем далучыліся да агульнагарадскога марафону «З добрым сэрцам у кожны дом». Гэта вельмі правільная і карысная ініцыятыва, якая ярка дэманструе, як многа добрага можна зрабіць, аб’яднаўшы намаганні.
Спадзяюся, сучасная каляска, якую мы перадалі, стане надзейным памочнікам, дасць магчымасці, якіх не было раней, дазволіць праводзіць час больш камфортна і цікава,» — адзначыў Дзмітрый Краскоўскі.
Наталля Мацюшэнка, маці Міхаіла, пацвердзіла, што каляска дазволіць палегчыць і палепшыць якасць паўсядзённага жыцця не толькі сына, але і ўсёй сям’і.
«У нас была каляска, але Міша вырас, таму мы ўсе яе вельмі чакалі. Падораная каляска новая і больш манеўраная, дазволіць гуляць не толькі па горадзе, але і перамяшчэнне ў доме» — адзначыла Наталля Мацюшэнка.
