У перыяд зімовых святаў традыцыйна ўзрастае актыўнасць махляроў: яны ствараюць фішынгавыя старонкі, якія імітуюць сапраўдныя рэсурсы Беларусбанка, і абвяшчаюць там аб правядзенні навагодніх акцый з розыгрышам грашовых прызоў і каштоўных падарункаў. Жадаючыя прыняць удзел і атрымаць нібыта гарантаваны прэзент ад банка рызыкуюць скампраметаваць свае асабістыя даныя і пазбавіцца грошай.
Злачынная схема працуе так: спачатку зламыснікі ствараюць фэйкавую старонку афіцыйнага сайта Беларусбанка. Каб яе было цяжка адрозніць ад арыгінала, яны цалкам капіруюць візуальнае афармленне рэальнага рэсурса, а таксама прыдумваюць даменнае імя, максімальна падобнае да сапраўднага адраса сайта. Розніца можа быць усяго толькі ў адным або некалькіх сімвалах – літарах, лічбах. Як правіла, спасылка на рэсурс-падробку распаўсюджваецца праз сацыяльныя сеткі (Instagram, Facebook, VK і іншыя), а таксама рэкламныя аб’явы ў папулярных пошукавых сэрвісах (Google, Яндэкс і таму падобных). На зробленай фэйкавай старонцы махляры размяшчаюць навіну аб тым, што банк нібыта запусціў навагоднюю акцыю, і кожны яе ўдзельнік атрымае гарантаваныя грашовыя прызы, а таксама іншыя каштоўныя падарункі.
Зацікаўленыя клікаюць на прапанаваную ім спасылку або кнопку і такім чынам трапляюць на падробленую старонку ўжо сістэмы «Інтэрнэт-банкінг». Там яны бачаць інфармацыйнае паведамленне, якое абвяшчае, што для атрымання прыза неабходна ўвайсці ў свой асабісты кабінет – увесці лагін, пароль і код бяспекі. На самой справе форма, якая запаўняецца карыстальнікамі, у асабісты кабінет не вядзе, а выкарыстоўваецца зламыснікамі для збору персанальных даных грамадзян. Маючы гэтую інфармацыю, махляры атрымліваюць доступ да грашовых сродкаў трымальнікаў карт і ўладальнікаў рахункаў.
Паважаныя кліенты! Будзьце пільныя! Заўсёды даведвайцеся пра акцыі, якія праводзіць Беларусбанк, толькі на афіцыйным сайце банка https://belarusbank.by (https://asb.by) і ў афіцыйных групах банка ў сацыяльных сетках:
- Instagram (https://www.instagram.com/asb.belarusbank);
- Instagram – бізнес-акаўнт (https://www.instagram.com/business.asb);
- Facebook (https://www.facebook.com/asb.belarusbank);
- Facebook – бізнес-акаўнт (https://www.facebook.com/business.asb);
- Telegram (https://by.tgstat.com/channel/@belarusbank_channel);
- VK (https://vk.com/asb.belarusbank);
- Аднакласнікі (https://ok.ru/asb.belarusbank);
- TikTok (https://www.tiktok.com/@belarusbank.by?lang=ru-RU).
Каб не пацярпець ад махлярства і прадухіліць падобныя выпадкі, варта памятаць, што небяспечна пераходзіць па падазроных спасылках і ўводзіць там сваю персанальную інфармацыю: імя, тэлефон, пашпартныя даныя, лагіны, паролі, рэквізіты плацежных карт, коды доступу, сеансавыя ключы і іншую інфармацыю, атрымліваемую з SMS-паведамленняў. Акрамя таго, неабходна пераправяраць карэктнасць адрасоў наведваемых сайтаў.
Нагадваем: адрас Інтэрнэт-банкінга Беларусбанка – ibank.asb.by.
Трапіць у Інтэрнэт-банкінг можна таксама з галоўнай старонкі сайта belarusbank.by, клікнуўшы на кнопку прамога доступу.
Азнаёміцца з падрабязнымі рэкамендацыямі па бяспечнай працы ў сістэмах «Інтэрнэт-банкінг», «М-банкінг», «Кліент-банк (WEB)» можна ў раздзеле «Бяспечная праца ў сістэмах ДБА».