У апошні час узрасла колькасць выпадкаў махлярскіх дзеянняў з прымяненнем падробленых (фішынгавых) сайтаў — рэсурсаў, чые адрасы могуць быць падобныя на сапраўднае даменнае імя «Інтэрнэт-банкінгу» Беларусбанка, а інтэрфейсы капіруюць візуальнае афармленне рэальных старонак.
Фішынг — від інтэрнэт-махлярства, мэтай якога з’яўляецца атрыманне доступу да канфідэнцыяльных даных карыстальнікаў.
Трапіць на фішынгавы сайт можа кожны. Жадаючы скарыстацца Інтэрнэт-банкінгам, многія карыстальнікі задаюць адпаведны запыт у папулярных пошукавых сістэмах (Google, Яндэкс і г.д.). Махляры, ведаючы гэта, ствараюць рэкламныя аб’явы ў названых пошукавых сэрвісах, якія затым адлюстроўваюцца першымі ў выніках пошуку.
Адрас сайта Інтэрнэт-банкінгу ў аб’явах можа быць падобны на афіцыйны ibank.asb.by.
Пераходзячы па такой спасылцы, карыстальнікі трапляюць на падробленыя старонкі. Уносячы свае аўтарызацыйныя даныя (лагін, пароль, коды бяспекі), зламыснікі атрымліваюць усю неабходную інфармацыю, якая дазваляе атрымаць доступ да рахункаў і грашовых сродкаў кліента.
Для прадухілення падобных выпадкаў неабходна:
- Памятаць, што небяспечна пераходзіць па падазроных спасылках і ўводзіць там свае даныя (імя, тэлефон, пашпартныя рэквізіты, лагіны, паролі, рэквізіты плацежных карт, коды доступу, сеансавыя ключы і іншую інфармацыю, атрымліваемую з SMS-паведамленняў).
- Пераправяраць карэктнасць адрасоў наведваемых сайтаў.
Нагадваем, адрас Інтэрнэт-банкінгу Беларусбанка – ibank.asb.by.
Трапіць у Інтэрнэт-банкінг можна таксама з галоўнай старонкі сайта belarusbank.by, націснуўшы на кнопку прамога доступу.
Азнаёміцца з падрабязнымі рэкамендацыямі па бяспечнай працы ў сістэмах «Інтэрнэт-банкінг», «М-банкінг», «Кліент-банк (WEB)» можна ў раздзеле «Бяспечная праца ў сістэмах ДБА» .