Другі год запар Беларусбанк з’яўляецца генеральным партнёрам конкурсу дзіцячага малюнка «Нам мір завешчана берагчы», які напярэдадні 78-й гадавіны Дня Перамогі арганізавала Беларускае грамадскае аб’яднанне ветэранаў.
Мепапрыемства прайшло ў некалькі этапаў. З больш чым 2000 малюнкаў у фінал трапілі 63 самыя выдатныя працы юных мастакоў з усіх куткоў краіны. Удзельнікі былі падзелены на тры ўзроставыя катэгорыі (7-9, 9-12 і 13-15 гадоў) і прадстаўлялі работы ў адной з намінацый: «Яны змагаліся за Радзіму», «Дарагія мае ветэраны», «Свята Перамогі вачамі дзяцей», «Мая сям’я і Вялікая Перамога».
Журы пад старшынствам члена Беларускага саюза мастакоў і заслужанага дзеяча мастацтваў Рэспублікі Беларусь Мікалая Апіока вызначыла па адным пераможцы ў кожнай узроставай катэгорыі, а таксама па два другія і трэція месцы. Некаторыя юныя мастакі атрымалі таксама спецыяльныя прызы ад Беларусбанка.
Дзякуючы Беларусбанку працы ўсіх фіналістаў конкурсу ўвайшлі ў спецыяльна створаны да цырымоніі ўзнагароджання альбом, які стаў выдатным падарункам для ўдзельнікаў мерапрыемства.